Даваа–Баасан 08:30–20:00 · Бямба 09:00–16:00

АШУҮИС — Судалгааны мэдээлэл (CRIS)

Permanent URI for this communityhttps://library.mnums.edu.mn/handle/123456789/5001

Browse

Search Results

Now showing 1 - 2 of 2
  • Some of the metrics are blocked by your 
    Item type:Publication,
    Элэгний хатуурлын үе дэх сувилахуйн үнэлгээний аргуудыг харьцуулан судалсан байдал
    (2020-05-01)
    Б.Хангай
    ;
    Н.Мөнхзаяа
    ;
    Г.Мөнхтуул
    ;
    Н.Очирмаа
    ;
    Б.Гэгээбадрах
    Монгол улсад элэгний өвчний шалтгаант нас баралт нь хоол боловсруулах эрхтэн тогтолцоо (ХБЭТ)-ны эмгэгүүдийн дунд эхний байранд жагсаж байна. Эрүүл Мэндийн Сайдын 611 тоот тушаалын СМ-1-11 хавсралтын “Эмчлүүлэгчийн биеийн байдлыг үнэлэх хуудас”-ны дагуу эмчлүүлэгчийн биеийн байдлыг үнэлэх нь элэгний архаг өвчин, элэгний хатуурал гэх мэт нарийн төвөгтэй өвчнүүдийн үед хангалттай мэдээлэл цуглуулж, өвчтөнийг бүрэн үнэлж, сувилахуйн тусламж үзүүлэх нь учир дутагдалтай байна. Уг судалгааг УХТЭ-ийн Хоол боловсруулах эрхтэн судлалын тасагт дескриптив судалгааны загвар ашиглан хийв. Эрүүл Мэндийн Сайдын 611 тоот тушаалын СМ-1-11 хавсралтын “Эмчлүүлэгчийн биеийн байдал үнэлэх хуудас” ба өөрсдийн боловсруулсан “Элэгний хатууралтай эмчлүүлэгчийн биеийн байдлыг үнэлэх сувилгааны хуудас”-ыг харьцуулан дутагдалтай болон давуу талыг тодорхойлов. Элэгний хатуурал, түүний хүндрэлээр хэвтэн эмчлүүлэгчийг тасгийн чанарын багаас бэлтгэсэн “Элэгний хатууралтай эмчлүүлэгчийн биеийн байдлыг үнэлэх сувилахуйн хуудас”-аар үнэлж, судлахад элэгний хатуурлын үеийн сонгомол шинжүүдийг нэг дороос харах, бөглөгдсөн хуудаснаас элэгний хатууралтай эмчлүүлэгчийн эмнэлзүйн динамик өөрчлөлтийг шууд ажиглах зэрэг олон давуу талтай байлаа. Сувилахуйн үнэлгээний хуудас нь эмгэг тус бүрээр ялгаатай, тухайн эмгэгийн хүндрэлүүд дэлгэрэнгүй тусгагдсан байвал эмчлүүлэгчийн биеийн байдлыг үнэлэхэд бодит ач холбогдолтой юм.
  • Some of the metrics are blocked by your 
    Item type:Publication,
    Тенофовир алафенамид эмийн аюулгүй байдал
    (2021-04-06)
    Н.Түвшинбаяр
    ;
    Р.Амараа
    ;
    Б.Бурмаажав
    ;
    Б.Гэгээбадрах
    ;
    Дэлхийд 2 тэрбум хүн Хепатитийн В вирүсийн халдвар (ХВВ) авсан, 240 сая хүн ХВВ-ийн архаг халдвартай амьдарч байна гэж ДЭМБ-аас мэдээлжээ. ХВВ-ийн эсрэг 7 төрлийн эмийг (ламибудин, адефовир, энтекавир, телбевудин, тенофовир, пегинтерферон) хэрэглэж байгаа бөгөөд элэгний хатуурлын даамжралыг зогсоох, элэгний эст өмөн үүсэлтийг бууруулж амьдрах хугацааг уртасгаж буйг нотолжээ. Зорилго: Хепатитийн В вирүсийн халдвартай өвчтөнүүдийг вирүсийн эсрэг үйлчилгээтэй тенофовир алафенамид эмээр эмчилж, эмчилгээний үр дүнг судлан тогтоох. Материал, арга зүй: Судалгаанд ХВВ-ийн халдвар бүхий HBeAg эерэг 371 өвчтөн, HBeAg сөрөг 218 өвчтөн, нийт 589 өвчтөнг хамруулсан бөгөөд судалгаанд хамрагдсан өвчтөнүүдийн 307 нь TAF (25мг) эмийг, 147 нь TDF (300мг) эмийг, 135 нь TDF-ээс TAF шилжин (TDF-TAF) ууж байгаа өвчтөнүүд байлаа. Судалгааны үр дүнг 96 долоо хоногийн дараах эмчилгээний үр дүнгээр вирүсийн эсрэг идэвхи болон эмийн аюулгүй байдлыг үнэллээ. Үр дүн: Судалгааны 96 долоо хоногийн дараах байдлаар TAF эмийн бүлэгт 294 (307) буюу 95.7% (p=0.27), TDF эмийн бүлэгт 136 (147) буюу 92.5% (p=0.32), TDFTAF бүлэгт 132 (135) буюу 97.7% (p=0.46)-д нь цусны сийвэн дэх HBV DNA<29IU/ml болж буурсан. TAF эмийн бүлэгт 282 (91.8%), TDF эмийн бүлэгт 133 (90.4%), TDF-ээс TAF шилжин ууж буй бүлэгт 130(96.2%)-д нь сийвэнгийн аланинаминотрансфераз (Алат)-ын суурь хэмжээ буурсан байв. Дүгнэлт: 1.ХВВ-ийн халдвартай өвчтөнүүдэд TAF эм нь TDF эмтэй адил үр дүн сайтай байна. TAF нь вирусийн эсрэг анхдагч болон хоёрдогч идэвхи сайн байсан. 2. TAF-г TDF-тэй харьцуулахад бөөр болон ясанд бага хэмжээний гаж нөлөө үзүүлж байсан. 3. TAF эмийг хэрэглэх явцад хамгийн нийтлэг тохиолдож буй гаж нөлөө нь ходоод өвдөх, хий ханиалга зэрэг байв. Гаж нөлөөний хувьд TAF нь TDF-аас бага байлаа.