Даваа–Баасан 08:30–20:00 · Бямба 09:00–16:00

АШУҮИС — Судалгааны мэдээлэл (CRIS)

Permanent URI for this communityhttps://library.mnums.edu.mn/handle/123456789/5001

Browse

Search Results

Now showing 1 - 3 of 3
  • Some of the metrics are blocked by your 
    Item type:Publication,
    Шээсний замын халдвар үүсгэгч E.Coli-н наалдах чадварт цангис жимсний хуурай хандны үзүүлэх нөлөөлийг судалсан дүн
    (2019-11-18)
    Б.Ариунзаяа
    ;
    Я.Мөнхдэлгэр
    ;
    ;
    Л.Пүрэвсүрэн
    ;
    Үндэслэл: Шээсний замын халдвар (ШЗХ) нь бүх насны хүнд хамгийн өндөр хувьтай тохиолддог халдварт өвчин юм. Цангис жимсний найрлаган дахь проантоцианин болон антоцианин нь (полифенолын бүлэг, фланойдын дэд бүлэг) ШЗХ-аас сэргийлж, халдварын тохиолдолыг бууруулдаг учраас байгалийн антибиотик хэмээн нэрлэдэг. Мөн түүнчлэн энэ жимсний бүрэлдэхүүн бодисууд нь ШЗХ үүсгэгч E.coli–н хөдөлгөөнийг саатуулдаг байна.[2-6] Иймд ШЗХ-ын гол үүсгэгч болдог E.coli нянгийн биофильм үүсгэх шинжийг тодорхойлж, цангис жимсний ханд нь ШЗХ үүсгэгч E.coli-н наалдах чадварт хэрхэн нөлөөлж буйг тодорхойлох нь бидний судалгааны ажлын үндэслэл болно. Материал арга зүй: Нянгийн хуванцар гадаргууд адгези болж биофильм үүсгэх шинжийг тодорхойлохдоо 96 худагтай хавтгай ёроолтой тавганд 0.45%-ийн глюкоз бүхий DMEM агуулсан орчинд нянгийн булингаас хийж, нэмэлтээр цангис жимсний хуурай ханд хийж 18-24 цагийн турш 370С хэмд өсгөвөрлөн 0.5%-ийн кристал виолетоор будаад ELISA аппаратад уншуулж дүгнэсэн.[7] Үр дүн: Нийт 21 нянд биофильм шинж илэрч, цангис жимсний хуурай ханд нянгийн биофильм шинж бууруулж буйг үнэлэхэд сайн 62% (13), дунд 38% (8) бууруулж байна. Дүгнэлт: E.coli нянгийн биофильм шинжийг цангис жимсний хуурай ханд бууруулж (p=0.32) байна
  • Some of the metrics are blocked by your 
    Item type:Publication,
    Улаанбаатар хотын хүнсний зах болон худалдааны төвүүдэд зарагдсан савлагаатай салат болон салат навчнаас Шига токсин ялгаруулагч Escherichia coli-ийг илрүүлсэн дүн
    (2022-11-02)
    Н.Нямтуяа
    ;
    ;
    Э.Отгонцэцэг
    ;
    ;
    Ж.Сарантуяа
    Үндэслэл: ДЭМБ, АНУ-ын хүнс, хөдөө аж ахуйн байгууллагаас хийсэн эрсдэлийн үнэлгээгээр ногоон навчит ногоонууд нь халдвар үүсгэгчийг дамжуулах хамгийн өндөр эрсдэлтэй болохыг тогтоожээ. Шига токсин ялгаруулагч Escherichia coli (STEC)–ийн халдвар нь өндөр настан, дархлаа сул хүмүүс, бага насны хүүхдүүдэд цусан суулга үүсч, бөөрний хурц дутагдалаар хүндэрдэг аюултай. Зорилго: Хүнсний зах болон худалдааны төвүүдэд зарагдсан савлагаатай салат болон салат навчнаас STEC-ийн бохирдлыг илрүүлэх. Арга, аргачлал: Судалгаанд худалдааны төвүүдэд бэлэн савлагаатай худалдаалагдаж байгаа тухайн өдөр нийлүүлсэн шинэ ногооны салатнаас 40, салатны навчнаас (letuce) зах болон дэлгүүрээс тус бүр 25-г сонгон авч E.coli-ийн бохирдлыг илрүүлэн, STEC–ийн stx1, stx2 генийг молекул биологийн аргаар тодорхойллоо. Үр дүн: Бидний судалгаанд хамруулсан дээжний савлагаатай салатны 47.5% (n=19), захуудад худалдаалагдаж байгаа салат навчны 16% (n=8), дэлгүүрт худалдаалагдаж байгаа салат навчны 10% (n=5) E.coli-оор бохирлогдсон байлаа. Савлагаатай салатны 15% (n=6/40)-д, захуудад худалдаалагдаж байгаа салат навчны 4% (n=2/50)-д цусан суулга, бөөр дутагдлын хамшинж, хоолны хордлого үүсгэдэг STEC-ийн омог тодорхойлогдлоо. Дүгнэлт: Судалгаагаар бэлэн худалдаалагдаж байгаа салат болон салат навч E.coli-ийн бохирдол өндөртэй байгаа бөгөөд хүнсний захуудаар задгай худалдаалагдаж байгаа салат навчинд илүү бохирдолтой байна.
  • Some of the metrics are blocked by your 
    Item type:Publication,
    Мухар олгойн сорьцноос ялган дүйсэн E.coli-д аминогликозидод тэсвэржилтийн генийг илрүүлсэн дүн
    (2022-06-12)
    Г.Есөнзаяа
    ;
    Ж.Сарантуяа
    ;
    Я.Мөнхдэлгэр
    Үндэслэл: Аминогликозидын бүлгийн антибиотикийг голчлон Escherichia coli (E.coli), Klebsiella pneumoniae (K.pneumoniae), Pseudomonas aeruginosa (P.aeruginosa) зэрэг аэроб Грам сөрөг нянгаар үүсгэгдсэн халдварыг эмчлэхэд хэрэглэдэг. Эмгэгтөрөгч бичилбиетэн аминогликозидыг хувиргагч энзим (АХЭ) үйлдвэрлэж, генийг хөндлөн болон босоо чиглэлд дамжуулан аминогликозидын тэсвэржилтийг үүсгэдэг. АХЭ-ийг кодолдог Aac (6’)-Ib, Ant (3”)-Ia, Aph (3’)-Ia, Aac (3)-II генүүд ихэвчлэн өргөтгөсөн үйлдэлтэй бетта лактамаз (ӨҮБЛ)ийн ген агуулсан плазмид дээр байрладаг тул нян аминогликозид болон өргөтгөсөн үйлдэлтэй цефалоспоринд нэгэн зэрэг тэсвэртэй болж, халдварын эмчилгээнд нэлээд хүндрэл үүсгэдэг. Зорилго: Мухар олгойн сорьцноос ялган дүйсэн E.сoli-ийн аминогликозидод тэсвэржилтийн генийг илрүүлж, хэвшинжийг тодорхойлох. Үр дүн: Улсын Хоёрдугаар Төв Эмнэлэг (УХТЭ)-ийн нян судлалын лабораторид 2021 оны 1-6 сарын хугацаанд цуглуулсан мухар олгойн сорьцонд илэрсэн 107 E.coli-д аминогликозидод тэсвэржилтийн ген хэв шинжийг тодорхойлоход гентамицин, тобрамицинд тэсвэржилтийг үүсгэдэг ацетилжүүлэгч энзим кодлогч Aac (3’)-II ген 68 омогт, стрептомицинд тэсвэржилтийг үүсгэдэг аденилжүүлэгч энзим кодлогч Ant-(3’)-Ia ген 37 омогт, Aac (3’)-II, Ant-(3’)-Ia генүүд 27 омогт хавсарч илэрлээ. Тобрамицин, амикацинд тэсвэржилтийг үүсгэдэг ацетилжүүлэгч энзим кодлогч Aac(6’)-Ib ген, канамицин, неомицинд тэсвэржилтийг үүсгэдэг фосфоржуулагч энзим кодлогч Aph(3’)-Ia генүүд илэрсэнгүй. АХЭ-ийн генүүд илэрсэн дүнг DEC болон энгийн E.coli-д харьцуулж авч үзэхэд Aac (3)-II ген 32 (47%), 36 (53%) омогт, Ant (3”)-Ia ген 20 (36.4%), 16 (30.8%) омогт, уг 2 ген хавсран илэрсэн тохиолдол 14 (25.5%), 13 (25%) омогт тус тус тодорхойлогдлоо. Дүгнэлт: Мухар олгойн сорьцноос ялган дүйсэн E.сoli-ийн омгуудад аминогликозидод тэсвэржилтийг үүсгэдэг ацетилжүүлэгч энзим кодлогч Aac (3’)-II ген, аденилжүүлэгч энзим кодлогч Ant-(3’)-Ia ген илэрлээ.