Даваа–Баасан 08:30–20:00 · Бямба 09:00–16:00

АШУҮИС — Судалгааны мэдээлэл (CRIS)

Permanent URI for this communityhttps://library.mnums.edu.mn/handle/123456789/5001

Browse

Search Results

Now showing 1 - 3 of 3
  • Some of the metrics are blocked by your 
    Item type:Publication,
    Ходоодны хорт хавдрыг дурангаар хуулах эмчилгээний өмнөх ба дараах эмнэлзүй-эмгэг судлалын зөрүүг судалсан үр дүн
    (2026-09-15)
    Б.Амарбат
    ;
    Р.Анужин
    ;
    Х.Оюунцэцэг
    ;
    ;
    Я.Эрдэнэ-Очир
    Үндэслэл: Ходоодны эрт үеийн хорт хавдрыг дурангаар салстын доод давхаргыг хуулах (Endoscopic submucosal dissection - ESD) эмчилгээнд орох тохиромжтой өвчтөнийг дурангийн оношлогоо, компьютер томографи ба биопсийн эдийн шинжилгээний хариунд тулгуурлан сонгодог. ESD эмчилгээний дараах ойрын үр дүнг хуулагдсан сорьцны эмгэг судлалын шинжилгээнд тулгуурлан гаргадаг. ESD эмчилгээ хийхийн өмнөх болон дараах эмнэлзүй-эмгэг судлалын үзүүлэлтүүдийг хооронд нь харьцуулсан, тэдгээрийн зөрүүг харуулсан судалгаа манай улсад ховор байгаа нь энэхүү судалгааны үндэслэл бололоо. Зорилго: Ходоодны хорт хавдрыг дурангаар хуулах эмчилгээний өмнөх ба дараах эмнэлзүй-эмгэг судлалын зөрүү байгаа эсэхийг тогтоох. Арга, аргачлал: 2020–2025 оны хооронд Хавдар судлалын үндэсний төвд ходоодны эрт үеийн хорт хавдрын улмаас ESD эмчилгээ хийлгэсэн 335 үүсгэвэрийг ретроспектив аргаар тодорхойлж дурангийн оношлогоо, биопсийн эдийн шинжилгээ, мэс ажилбарын дараах эмгэг судлалын хариуг шинжилж, нөлөөлж буй хүчин зүйлсийг тодорхойлов. Ингэхдээ хавдрын диаметр, гистологийн хэлбэр (өндөр зэргийн дисплази, ялгаралтай ба ялгаралгүй өмөн), хавдар шархтай эсэх зэрэг үзүүлэлтийг тус тус хамруулав. Үр дүн: Нийт 335 үүсгэвэрээс эмчилгээний өмнөх гурван үзүүлэлтийн аль нэг нь 175 үүсгэвэрт (52.2%) зөрүүтэй байв. Дурангийн оношлогоонд ходоодны эрт үеийн хорт хавдрын 249 тохиолдлыг шархгүй гэж үзсэн 51 тохиолдол (20.5%) хавдар хуулагдсаны дараах эмгэг судлалын шинжилгээнд шархтай байв. Харин ходоодны эрт үеийн хорт хавдрын 28 тохиолдол шархтай гэж хэтрүүлэн үнэлэгдсэн (p<0.05). Шархтай хавдрыг дутуу үнэлэх магадлал нь ходоодны их биеийн дээд, дунд хэсэгт байрласан (OR 2.17, 95% CI 1.22–3.99), ≥20 мм хэмжээтэй үүсгэврийн үед (OR 1.68, 95% CI 1.00–2.84) өндөр байв. Дурангийн биопсийн эдийн шинжилгээнд өндөр зэргийн дисплази гэж оношлогдсон 110 үүсгэврийн 36 буюу 32.7% нь ESD эмчилгээний дараах эмгэг судлалын шинжилгээний хариунд булчирхайн өмөн гэж оношлогдсон. 35 үүсгэвэр ялгаралтай өмөн байсан бол нэг тохиолдолд ялгарал муутай булчирхайн өмөн илэрсэн. ESD эмчилгээний дараах ялгарал муутай булчирхайн өмөн гэж хариу гарсан 18 үүсгэврийн зургааг (33.3%) эмчилгээний өмнө ялгарал сайтай булчирхайн өмөн гэж биопсийн эдийн шинжилгээнд оношлогдсон. Салстын доод давхарга ба тунгалгийн судасны нэвчилтийг үүсгэх хүчин зүйл нь хавдрын хэмжээ ≥20 мм (OR 3.58 ба 3.15) ба ялгаралгүй булчирхайн өмөнгийн үед (OR 4.47 ба 7.56) тус тус статистикийн хувьд P<0.01 байна. Дүгнэлт: Ходоодны хорт хавдрыг дурангаар хуулах ESD эмчилгээний өмнөх ба дараах эмнэлзүй-эмгэг судлалын шинжилгээний хооронд мэдэгдэхүйц ялгаатай зөрүү байна.
  • Some of the metrics are blocked by your 
    Item type:Publication,
    Уламжлалтын өвчтний түүхийг оношилгоо, эмчилгээний удирдамжтай харьцуулсан үр дүн (Уламжлалт анагаах ухаан, технологийн хүрээлэнгийн эмнэлгийн жишээ дээр)
    (2024-01-28)
    Zhang Shi Ying
    ;
    А.Ану
    ;
    Ч.Чимэдрагчаа
    Үндэслэл: Уламжлалтын чиглэлээр улсын хэмжээний төрөлжсөн Уламжлалт эмнэлгийн тусламж үйлчилгээг үзүүлж буй Уламжлалт анагаах ухаан, анагаах ухаан технологийн хүрээлэнгийн эмнэлэгт суурилж оношилгоо эмчилгээний Оношилгоо удирдамжийн мөрдөлтөд судалгаа хийх үндэслэл боллоо. Зорилго: Эмчилгээ УАУТ-ийн Эмнэлэгт хэвтэн эмчлүүлэгсдийн оношийн нэр төрөл, Удирдамж удирдамжийн хэрэгжилтийн байдлыг судлан тодруулах. Арга, аргачлал: Судалгааг бичиг баримтад тулгуурласан ретроспектив судалгааны загварыг ашигласан. УАУТХЭ-т 2016-2018 онд хэвтэн эмчлүүлэгчийн 300 өвчтний түүхийг санамсаргүй түүвэрлэн онош, эмчилгээг уламжлалтын оношилгоо эмчилгээний удирдамжтай харьцуулан судласан. Үр дүн: Өвчний түүхэнд илэрсэн үндсэн зургаан өвчний онош 30.0% (95% Cl: 24.9-35.0), цул савын өвчний онош 30.8% (95% Cl: 29.1-32.4), бусад өвчний онош 36.5% (95% Cl: 30.6-42.3)-ийг эзэлж байгаа юм. УАУТХЭ-т хэвтэн эмчлүүлэгчийн нийт 32 зүйл өвчний 15 бүлэг онош байгаа бөгөөд нийт эмчлүүлэгсдийн цагаан судасны өвчин 82 (28.18%) -ы онош хамгийн их тохиолдож байна. Дүгнэлт: Цагаан судасны эмгэгт Сампилноров, Зачун-13, Шингүн-5 эмүүдийг эмийн эмчилгээнд голлон хэрэглэснийг илрүүлэв. Оношилгоо эмчилгээний удирдамжтай харьцуулан үзэхэд шаардлагатай эмийг 81.2% хүртэл сонгосныг тогтоов. Бариа, зүү, соруул засал эмчилгээг цагаан судасны эмгэгт өндөр хувьтай сонгосон бөгөөд оношилгоо эмчилгээний удирдамжтай харьцуулан үзэхэд 100%-ийн гүйцэтгэлтэй байна.
  • Some of the metrics are blocked by your 
    Item type:Publication,
    Жирэмсний чихрийн шижингийн тархалтыг Хангайн бүсэд судалсан нь
    (2023-05-18)
    М.Номин-Эрдэнэ
    ;
    ;
    Ж.Энхцэцэг
    ;
    Үндэслэл: Жирэмсний чихрийн шижин нь жирэмсэн үед хамгийн түгээмэл тохиолддог, эх болон урагт хүндрэл үүсгэдэг бодисын солилцооны эмгэг юм. Дэлхий даяар жил бүр нийт жирэмсэн эмэгтэйчүүдийн 7 хувь буюу ойролцоогоор 200 000 эхэд жирэмсний чихрийн шижин оношлогддог төдийгүй тархалт нь улс орнуудад 1-14 хувьтай байна. Зорилго: Хангайн бүс нутагт амьдарч буй жирэмсэн эмэгтэйчүүдэд Жирэмсний чихрийн шижингийн тархалтыг тодорхойлох. Арга, аргачлал: Бид энэхүү судалгааг нэг агшингийн загвараар, 2022 оны 3 дугаар сараас 2022 оны 4 дүгээр сарын хооронд Архангай, Баянхонгор, Өвөрхангай аймгийн эрүүл мэндийн төвд жирэмсний хяналтанд хянагдаж байсан 148 жирэмсэн эмэгтэйг хамруулав. Судалгаанд оролцогчдоос тусгайлан боловсруулсан асуумж авч, бие махбодын хэмжилт (жин, өндөр, артерын даралт зэрэг) жирэмсний чихрийн шижингийн (ЖЧШ) эрсдэлийг үнэлж, глюкозын ачаалалтай сорилыг (ГАС) 1 шатлалтай аргаар (75 гр хуурай глюкоз хэрэглэн) хийж гүйцэтгэв. Үр дүн: Судалгаанд оролцогчдын дундаж нас 29.74±5.37 жил (19-44 нас) ба 30-34 насныхан дийлэнх байв. Жирэмсний чихрийн шижингийн эрсдэлийг үнэлэхэд: 43.9 хувь (n=65) нь бага, 30.4 хувь (n=45) нь дунд, 25.7 хувь (n=38) нь өндөр эрсдэлтэй байлаа. ГАС-д 91.2 хувь (n=135) нь эрүүл, 8.8 хувь (n=13)-д ЖЧШ оношлогдсон. Чихрийн шижин өвчний удмын өгүүлэмжтэй байх нь жирэмсний чихрийн шижингийн эрсдэлт хүчин зүйл болж байна (p=0.007). Жирэмслэхийн өмнөх БЖИ-ийн дундаж эрүүл бүлэгт 23.79±4.06 кг/м2, ЖЧШ-тэй бүлэгт 26.30±5.25 кг/м2 байв (p=0.041). Дүгнэлт: 11 жирэмсэн эмэгтэй тутмын 1-д жирэмсний чихрийн шижин илэрч байна. Жирэмслэхийн өмнөх биеийн жингийн индекс их байх нь жирэмсний чихрийн шижингээр өвдөхөд нөлөөлдөг нь тодорхойлогдлоо.