Даваа–Баасан 08:30–20:00 · Бямба 09:00–16:00
Now showing 1 - 2 of 2
  • Some of the metrics are blocked by your 
    Item type:Publication,
    Төрөлхийн анхдагч гипотиреозын скрининг, тархалт, шалтгаан
    (2021-04-06) ;
    З.Гэрэлмаа
    ;
    Г.Эрдэнэтуяа
    Үндэслэл: Төрөлхийн анхдагч гипотиреозын эмнэлзүйн шинж тэмдгүүд амьдралын эхний өдрүүдэд бүдэг, ихэвчлэн 1 сараас хойш илэрч, улмаар бие бялдар, оюун ухааны хоцрогдолд хүргэдэг ба эрт илрүүлж, эмчилгээг цаг алдалгүй хийвэл дээрх аюулаас сэргийлэх боломжтой байдаг. Зорилго: Төрөлхийн анхдагч гипотиреозын скрининг, тархалт, шалтгааныг судласан мэдээллийг нэгтгэж дүн шинжилгээ хийх. Аргазүй: Олон улсад хүлээн зөвшөөрөгдсөн impact factor бүхий сэтгүүлүүдээс тухайн сэдвийн хүрээнд 2015-2020 онд хийгдсэн судлагааны эрдэм шинжилгээний 19 өгүүлэлтэй судалгааны эх зохиол судлалын аргаар танилцаж дүгнэлт хийв. Үр дүн: Нярайн скрининг шинжилгээ 1960 оноос эхэлсэн ба одоо 80 гаруй улс төрөлхийн анхлагч гипотиреозын скрининг хийж нийт төрөлтийг 1-99%-ийг хамруулж байна. Уг эмгэг 2000-4000 амьд төрөлтөнд 1 тохиолдож байгаа ба бамбай булчирхайн дутуу хөгжил, байрлалын гажиг, зарим генийн мутацийн улмаас үүсч байна. Дүгнэлт: 1. Төрөлхийн анхдагч гипотиреозын скринингийг олон улс үндэсний хэмжээний хөтөлбөр болгон хөгжүүлж, өндөр хөгжилтэй орнууд төрсөн нийт нярайн 95аас дээш хувийг хамруулж байна. 2. Төрөлхийн анхдагч гипотиреозын тархалт дэлхийн хэмжээнд 3000-4000 амьд төрөлтөд 1 гэж үзэж байгаа ч үндэстэн, ястан зэрэгтэй уялдаатай харилцан адилгүй 1000-10000 амьд төрөлтөд 1 байна. 3. Төрөлхийн анхдагч гипотиреозын 80 гаруй хувь нь бамбай булчирхайн гаж хөгжлийн шалтгаантай байгаа ба үүний 60аас багагүй хувийг бамбай булчирхайн дутуу хөгжил, байрлалын гажиг, 30 орчим хувийг бамбай булчирхай үүсч хөгжөөгүй шалтгаан, 3 орчим хувийг ямар нэгэн генийн мутаци эзэлж байна.
  • Some of the metrics are blocked by your 
    Item type:Publication,
    Бамбайн сэдээх дааврын зарим үзүүлэлтүүд ба төрөлхийн анхдагч гипотиреозын скрининг
    (2021-04-06) ;
    Б.Оюун-Эрдэнэ
    ;
    Х.Наранчимэг
    ;
    Н.Гэрэлмаа
    ;
    З.Гэрэлмаа
    Төрөлхийн анхдагч гипотиреозын скринингийг дэлхий дахинаа 80 гаруй улс орон хэрэгжүүлж байгаа ба 2000-4000 амьд төрөлтөд 1 тохиолдож байна. Судлагааг 2013-аас 2020 оныг дуустал 7 жилийн хугацаанд Улаанбаатар хотын амаржих газруудыг түшиглэн 22616 нярайг санамсаргүй түүврийн аргаар түүвэрлэж бамбайн сэдээх дааврын босго хэмжээг 20 IU/ml-р тооцож эерэг гарсан тохиолдолд сийвэнд бамбай булчирхайн даавруудыг шинжилсэн. 22616 нярайд төрөлхийн анхдагч гипотиреозын скрининг хийхэд төрөлхийн анхдагч гипотиреозтой 11 нярайг илрүүлсэн. 67 хүүхдийн бамбайн сэдээх дааврын хэмжээ өндөр гарсан ба давтан шинжилгээ хийхэд төрөлхийн анхдагч гипотиреозтой 11, түр зуурын гипотиреозтой 10 нярай байсан ба 46 тохиолдол нь хуурамч эерэг хариутай байлаа. Энэхүү скрининг шинжилгээний хугацаанд нийслэл хотод амьд төрсөн нярайн 10.3% нь хамрагдаж, эргэн дуудалтын хувь 0.03% байв. Иймд Улаанбаатар хотод төрөлхийн анхдагч гипотиреоз 2056 амьд төрөлтөнд 1 тохиолдож байна. Нярайн тээлтийн нас, төрөх үеийн жин бага байх үед бамбайн сэдээх дааврын түвшин өндөр, шинжилгээг төрсний дараах эхний 30 цагийн дотор авах, цусны дээжийг буруу авахад хуурамч эерэг хариу гарах нь их байна.