Даваа–Баасан 08:30–20:00 · Бямба 09:00–16:00
Now showing 1 - 2 of 2
  • Some of the metrics are blocked by your 
    Item type:Publication,
    Fitz-Hugh-Curtis хамшинж оношлогдсон тохиолдол
    (2026-04-28)
    Т.Мандухай
    ;
    Б.Одончимэг
    ;
    ;
    С.Мөнхцэцэг
    ;
    Н.Бадамханд
    Удиртгал: Fitz-Hugh-Curtis хамшинж нь ихэвчлэн Chlamydia trachomatis-ийн шалтгаантай үүсэж, бага аарцгийн эрхтэний үрэвсэл, элэгний бүрхүүл хальсны үрэвсэл (перигепатит)-тэй хавсран илэрдэг, ховор тохиолдох эмгэг ба эмнэлзүйн хувьд ялган оношлох, эрт илрүүлэх шаардлагатай байдаг. Эмнэлзүйн тохиолдол: Өмнө нь далд хэлбэрийн тэмбүү өвчин оношлогдож, эмчлэгдэж байсан 17 настай охинд хэвлийн доод хэсгийн даамжирсан өвдөлт илэрч, улмаар яаралтай тусламжаар эмнэлэгт хүргэгдэж, КТГ-ийн шинжилгээнд Fitz-Hugh-Curtis хамшинж оношилогдож эмчлэгдсэн эмнэлзүйн тохиолдлыг танилцуулж байна. Дүгнэлт: Яаралтай тусламж шаардлагатай ирж буй хэвлийн баруун дээд хэсэгт хүчтэй өвдөлттэй, хэт авиан шинжилгээнд цөсний хүүдийн өөрчлөлтгүй, хэвлий, бага аарцгийн хөндийн гялтангийн үрэвсэл илэрсэн бэлгийн идэвхтэй амьдралтай эмэгтэйчүүдэд Fitz-Hugh-Curtis хамшинжийг сэжиглэх хэрэгтэй. Ийм нөхцөл байдалд хэвлийн КТГ шинжилгээ оношилгооны чухал ач холбогдолтой бөгөөд артерийн үеийг оролцуулан динамик үе шаттай КТГ хийх нь оношлогооны үр дүнг сайжруулах талтай.
  • Some of the metrics are blocked by your 
    Item type:Publication,
    Хүндэрсэн микоплазм, уреаплазмын халдварын эмнэлзүйн тохиолдол
    (2026-04-28) ;
    Б.Пүрэвдагва
    ;
    Л.Мөнх-Очир
    ;
    Б.Нандинцэцэг
    ;
    Удиртгал: Мусоplasma болон Ureaplasma нь шээс бэлгийн замын хэвийн бичил биетэн боловч хэт ихэссэн үедээ эмгэг төрүүлснээс шээхэд хорсох, үтрээнээс ялгадас гарах, хэвлийн доод хэсгээр өвдөх шинж илэрнэ. Эмнэлзүйн өвөрмөц илрэл байхгүйгээс оношлогдохгүй эсвэл бусад шалтгаантай үрэвсэлтэй андуурагдах талтай. Микоплазм, уреаплазмын шалтгаантай тархмал халдвар ховор тохиолдоно Тохиолдлын танилцуулга: 27 настай эмэгтэй, аарцгийн хөндийн даамжирсан өвдөлттэй эмнэлэгт хандаж, онош тогтоохгүй буцааснаас өвчний явц даамжирч, бага аарцгийн хөндийд үүссэн халдварын хүндрэлтэй зэрэгцэн жирэмсэн болох нь лабораторийн болон дүрс оношилгооны шинжилгээнд тогтоогдож, мэс заслын болон бусад эмчилгээ хийсэн ч бага аарцгийн эрхтэний идээт үрэвсэл, үжил, үжлийн шок, олон эрхтэний дутагдлын улмаас нас барсан. БХ-ПГУын шинжилгээнд Мусоplasma genitalium /+/, Мусоplasma hominis /+/, Ureaplasma parvum /+/, Ureaplasma urealiticum /+/ илэрсэн. Эмнэлзүйн төгсгөлийн онош эмгэг судлалын шинжилгээний дүгнэлттэй таарсан. Дүгнэлт: Мусоplasma болон Ureaplasma-аар үүсгэгдсэн бага аарцгийн хөндийн үрэвсэл ихэвчлэн өвөрмөц бус шинж тэмдэгтэй тул ялган оношлоход төвөгтэй ба энэхүү тохиолдолд жирэмсэн байсан, өвдөлт намдаах эмийг хэрэглэсэн нь өвчний явцыг төөрөгдүүлсэн байж болзошгүй. Өвчний байдлыг бүрэн дүгнэх, ажиглах, шаардлагатай шинжилгээг иж бүрэн төлөвлөх, БЗДХ-ын сэжигтэй тохиолдолд хавьтал, тархвар судлалын судалгаа хийх шаардлагатай.