Даваа–Баасан 08:30–20:00 · Бямба 09:00–16:00
Now showing 1 - 2 of 2
  • Some of the metrics are blocked by your 
    Item type:Publication,
    Хар тулай өвчний мах, бүлх, шөрмөс, ясанд шунасан хурц үеийн уламжлалт эмчилгээний үр дүн
    (2025-01-01) ;
    Г.Одмаа
    ;
    Э.Энхбилэг
    ;
    Д.Пунсалмаа
    ;
    С.Хишигжаргал
    Үндэслэл: Тулай өвчин нь бодисын солилцооны эмгэгээс үүдэлтэй, үе мөч болон зөөлөн эдэд шээсний хүчил хуримтлагдан үүсдэг архаг үрэвсэлт өвчин юм. Энэ өвчин нь ихэвчлэн хөлийн хуруу, шагай, өвдөг зэрэг жижиг үенүүдэд гэнэт өвдөх, улайх, хавдах, халуун оргих, мэдрэгших шинж тэмдгүүдээр илэрдэг. Өвчний хурц үе нь богино хугацаанд хүчтэй зовуурь өгдөг ч, архаг хэлбэрт шилжвэл тофус буюу шээсний хүчил хуримтлагдсан хатуу зангилаа үүсэж, үе мөчний хэлбэрийг алдагдуулах, хөдөлгөөнийг хязгаарлах, эрхтэн тогтолцоонд (бөөр, зүрх, судас) нөлөөлөх аюултай. Зорилго: Хар тулай өвчний хурц үед уламжлалт анагаах ухааны аргаар оношлон тохирох эмчилгээний аргуудаар эмчилгээ хийж, эмнэлзүй болон лабораторийн үзүүлэлтүүдэд гарсан өөрчлөлтийг үнэлэх шаардлагатай байна. Арга, аргачлал: 68 настай, олон жил тулайгаар өвдөж буй өвчтөнд хануур, дэвтээлэг засал болон эмийн эмчилгээ хослуулан хийж үр дүнг үнэлсэн. Үр дүн: Хүнд хэлбэрийн хар тулай өвчний хурц үед хануур эмчилгээ нь үрэвслийн үеийн өвдөлт намдаах, хаван бууруулах нөлөө үзүүлж цусны эргэлтийг сайжруулж байна. Дүгнэлт: Ороолт дэвтээлэг засал нь тулай өвчний үеийн тофусын хэмжээг багасгаж үений хөдөлгөөний сэргээх, шарх хатаах, үрэвслийн эсрэг үйлдэл үзүүлж амьдралын чанарыг сайжруулж байгаа нь Уламжлалт анагаах ухааны эм болон заслын аргуудаар эмчлэх боломжтойг харуулж байна.
  • Some of the metrics are blocked by your 
    Item type:Publication,
    Шимжүүлэх ороолттой төөнүүр эмчилгээний өвдөгний үений остеоартритад нөлөөлөх үр дүнг судлах нь
    (2024-04-13)
    Ц.Анударь
    ;
    Э.Дэлгэрмаа
    ;
    Э. Нандинчимэг
    ;
    Б. Бат-Ухаан
    ;
    Ч. Пүрэвжаргал
    Үндэслэл: Остеоартрит нь дэлхий даяар хамгийн түгээмэл тохиолддог, амьдралын чанарыг бууруулж, хөдөлмөрийн чадвар алдалтад хүргэдэг үений үрэвсэлт эмгэг бөгөөд гарын сарвуу, өвдөгний үенд түгээмэл тохиолддог. Монгол анагаах ухаанд, шимжүүлэх ороолттой төөнүүр эмчилгээ нь эмт бодис болон дулааны нөлөөгөөр захын судсыг өргөсгөж тухайн хэсгийн мэдрэл, цус, шингэн, бичил эргэлтийг сайжруулснаар суваг хэрдсийг нээж, бадган шар усыг арилган, үрэвсэл дарж, өвдөлт намдаах үйлдэлтэй бөгөөд өвдөгний үений остеоартритын үед эмнэл зүйн практик ач холбогдолтой байдаг. Арга, аргачлал: Монгол Анагаах Ухааны Төв Эмнэлэгт хэвтэн эмчлүүлсэн нийт тохиолдлоос судалгаанд хамруулах шалгуурыг хангасан, сайн дурын үндсэн дээр оролцохыг зөвшөөрсөн 40-80 насны нийт 40 хүнийг хамруулж, шимжүүлэх ороолттой төөнүүр эмчилгээ болон барагшунтай электрофорез эмчилгээний бүлэгт хуваасан. Туршилтын бүлэгт шимжүүлэх ороолттой төөнүүр эмчилгээг АШУҮИСийн МАУТЭ-ийн 2023/11/13-ны өдөр баталсан зааврын дагуу өдөрт 1520 минутаар нийт 5 хоног, хяналтын бүлэгт барагшунтай электрофорез эмчилгээг өдөрт 15-20 минутаар нийт 5 хоног хийж үйлчлүүлэгчдийн өвдөгний үений остеоартритыг УАУ-ны оношилгоо, АРК-оос гаргасан оношилгооны шалгуур, рентген шинжилгээгээр оношилж, үр дүнг тооцохдоо өвдөлт ба хөшингийн зовуурийг WOMAC тест, VAS үнэлгээний аргаар, үйлчлүүлэгчийн амьдралын чанарыг EQ-5D-5L үнэлгээний аргаар, үений далайцыг гониометр ашиглан эмчилгээний өмнөх болон дараах өөрчлөлтийг тодорхойлсон. Үр дүн: Шимжүүлэх ороолттой төөнүүр эмчилгээний дараа EQ-5D-5L үнэлгээгээр хөдөлгөөн (p<0.001), хувийн арчилгаа (p<0.001), өдөр тутмын үйл ажиллагаа (p<0.001), өвдөлт (p<0.001), сэтгэл гутрал (p<0.001) статистик ач холбогдол бүхий сайжирч, эрүүл мэндийн байдал эмчилгээний дараа 66±13.850 онооноос 71±8.20 хүрч статистик ач холбогдолтой нэмэгдсэн. VAS үнэлгээгээр өвдөлт статистик ач холбогдолтой буурч 7.2±1.41-ээс 4.3±1.70 болсон. WOMAC оноогоор үнэлэхэд өвдөлт (p<0.001), хөшингө (p<0.001), үйл ажиллагааны алдагдал (p<0.001) статистик ач холбогдол бүхий буурч байсан. Дүгнэлт: Барагшунтай электрофорез эмчилгээтэй харьцуулахад өвдөлт намдаах болон үений хөдөлгөөнд үзүүлэх нөлөө илүү үр дүнтэй байгаа нь остеоартритын II-III зэрэг оноштой үйлчлүүлэгчдэд хөдөлгөөн, хувийн арчилгаа, өдөр тутмын үйл ажиллагаа, өвдөлт, сэтгэл гутралын үзүүлэлтүүдэд эмнэл зүйн үр дүн өгч, амьдралын чанар дээшлүүлж хувь хүний нийгмийн харилцаанд оролцох, нийгэмд эзлэх байр суурийг хадгалж үлдэхэд эерэг нөлөө үзүүлж байна.