Даваа–Баасан 08:30–20:00 · Бямба 09:00–16:00
Now showing 1 - 2 of 2
  • Some of the metrics are blocked by your 
    Item type:Publication,
    Эрүүний бүрэн шүдгүйдлийн түүшин сэртэнгийн шимэгдэл ба түүнд нөлөөлөх хүчин зүйлсийг судалсан дүн
    (2026-03-30)
    Ц.Гүнчинмаа
    ;
    Г.Мөнхжаргал
    ;
    ;
    Б.Отгонбаяр
    Үндэслэл: Бүрэн шүдгүйдэлийн морфологийн өөрчлөлтүүдийн нэг нь түүшин ясны шимэгдэл юм. Шүд авсны дараа түүшин ясанд шимэгдлийн процесс давамгайлснаар ясны өндөр, өргөн буурдаг. Шүдгүйдлийн дараах эхний жилд хамгийн эрчимтэй явагддаг. Ялангуяа доод эрүүний яс нь хоншоорын яснаас хурдан шимэгддэг. Сүүлийн жилүүдэд дэлгэмэл рентген зураг дээр тулгуурлан түүшин ясны шимэгдлийг үнэлэх аргууд өргөн хэрэглэгдэж байгаа бөгөөд ялангуяа оочны нүх (foramen mentale)-ийг тогтвортой анатомийн цэг болгон ашиглах нь хэмжилтийн алдааг бууруулж, үнэлгээ хийх боломжийг олгодог байна. Зорилго: Эрүүний бүрэн шүдгүйдэлтэй үйлчлүүлэгчийн түүшин сэртэнгийн шимэгдэл ба түүнд нөлөөлөх хүчин зүйлсийн хоорондын хамаарлыг судлах. Арга, аргачлал: Судалгааг Анагаахын Шинжлэх Ухааны Үндэсний Их Сургууль (АШУҮИС)-ийн Нүүр Ам Судлалын Төв эмнэлэг (НАСТЭ)-ийн НАСЗТ, Нүүр Амны Дүрс Оношилгооны тасгийг түшиглэн нийт 50 үйлчлүүлэгчийг хамруулан, 11 асуулт бүхий асуумж судалгаа аван, дэлгэмэл рентген зураг авсан. Дэлгэмэл рентген зурагт хэмжилт хийн эрүүний түүшин шимэгдлийн тоон утгыг гарган үр дүнг SPSS (26.0) программ ашиглан үр дүнд статистик шинжилгээ хийсэн. Үр дүн: Судалгаанд оролцогчдын дундаж нас 68.2±9.2 жил, 32% нь эрэгтэй (n=16), 68% нь эмэгтэй (n=34) байсан. Эрүүний түүшин сэртэнгийн шимэгдэл нь эрэгтэйчүүдэд 34.6±14.4, эмэгтэйчүүдэд 50,4±11.6 байна. Хүйсийн хувьд статистикийн ач холбогдолтой ялгаатай байсан (p<0.001). Түүшин сэртэнгийн шимэгдэл болон шүд авхуулсан хугацааны хооронд эрэгтэй эмэгтэй хүйсийн аль алинд нь статистикийн ач холбогдолтой ялгаа илэрсэнгүй (p=0.288). Түүшийн шимэгдэл ба шүдэлбэр зүүсэн хугацааны хооронд эрэгтэй эмэгтэй хүйсийн аль алинд статистикийн ач холбогдолтой ялгаа илрээгүй (p=0.133). Мөн түүшийн шимэгдэл ба шүдэлбэр эмчилгээний тоо нь хоорондоо статистикийн ач холбогдол бүхий ялгаагүй байлаа (p=0.213). Дүгнэлт: Эрүүний түүшин ясны шимэгдэл нь эмэгтэйчүүдэд илүү явагдаж байна. Харин шүдгүйдлийн хугацаа нь түүшин сэртэнгийн шимэгдэлд нөлөөгүй байна. Мөн шүдэлбэр зүүсэн хугацаа болон шүдэлбэр хийлгэсэн тоо нь түүшин сэртэнгийн шимэгдэлд нөлөөгүй байна.
  • Some of the metrics are blocked by your 
    Item type:Publication,
    Оочны нүхний морфологийн ба морфометрийн үзүүлэлтийг конус цацрагт компьютер томографийн зурагт судалсан дүн
    (2022-04-28)
    Г.Баясгалан
    ;
    ;
    Оочны нүх байрлал, хэлбэр хэмжээ ба тэгш хэмийн хувьд хүн амын дунд харьцангуй ижил бус байдаг. Y Arai, P Mozzo (1990) нар конус цацрагт компьютер томограф (Cone Beam Computed Tomography)-ийн шинжилгээг нэвтрүүлснээр шүдний сувгийн эмчилгээ болон шүд авах мэс ажилбарын үед хэсгийн мэдээ алдуулалт хийхэд, эрүүний түүшинд шүдний имплант суулгахад оочны нүхний байрлалыг нарийвчлан мэдэх боломжтой болсон юм. Бид судалгааг 19-39 настай 108 үйлчлүүлэгчийн КЦКТ-ийн зурган дээр ретроспектив судалгааны аргаар явуулж оочны нүхний байрлалыг H.G Tebo, I.B Telford (1950) нарын аргаар, оочны нүхний өндөр ба өргөн, хэлбэрийг M Alrahabi (2018) нарын аргаар мөн оочны нэмэлт нүхний хувилбарыг судлав. Оочны нүх байршилийн хувьд эрүүний хоёрдугаар бага араа шүдний сурвалжийн оройн шугамаар (47.7%) байрлаж, хэлбэрийн хувьд дугуй (41.7%) ба зууван (46.3%) хэлбэртэй нүх илүү тохиолдож байв. Нийт тохиолдлын 60.1%-д оочны нүхний байрлал баруун ба зүүн талдаа тэгш хэмтэй байв. Судалгаанд нийт хамрагдагсадаас оочны нэмэлт нүх 27.7%-д тохиолдож байв. Бид судалгаандаа оочны нүхний хэлбэр, хэмжээ, байрлал ба бусад үзүүлэлтийг КЦКТ-ийн зурган дээр өндөр нарийвчлалтай тодорхойлов. Судалгааны тоон үзүүлэлтийг 19-39 настай Монгол хүний шүдний сувгийн, мэс заслын ба шүдний имплантын эмчилгээнд лавлагаа үзүүлэлтээр ашиглаж болох юм.