Даваа–Баасан 08:30–20:00 · Бямба 09:00–16:00
Now showing 1 - 4 of 4
  • Some of the metrics are blocked by your 
    Item type:Publication,
    Баянзүрх дүүргийн 6-23 сартай хүүхдийн хооллолт ба хоол тэжээлийн байдлыг судалсан дүн
    (2022-11-02)
    Д.Энхзул
    ;
    Ц.Мөнх-Эрдэнэ
    ;
    М.Мөнзаяа
    ;
    Үндэслэл: ДЭМБ-ийн зөвлөмжинд 6-23 сартай хүүхдийг 7 нэр төрлийн хүнсний бүтээгдэхүүнээс хамгийн багадаа 4 бүлэг хоол хэрэглэхийг зөвлөдөг. 2017 оны нийгмийн үзүүлэлт түүвэр судалгаагаар тураалтай 0.7%, өсөлтийн хоцрогдолтой 6.1%, туранхай 1.3%, илүүдэл жинтэй 11.7% гэсэн үр дүн гарсан ба манай орны хувьд хоол хүнсний нэр төрөл хангалтгүй, эцэг эхчүүдэд зориулсан гарын авлага материал дутмаг байгаа нь энэхүү судалгааг хийх үндэслэл болж байна. Зорилго: 6-23 сартай хүүхдийн хоололтын байдлыг хүүхдийн өсөлт, зарим өвчлөлтэй холбон судлах. Зорилт: 1. Хооллолтын байдлыг насны хэрэгцээтэй харьцуулж судлах. 2. Хүүхдийн хооллолтыг бие бялдарын өсөлттэй холбон үнэлэх. 3. Цус багадалт, рахит, Хоол тэжээлийн цочмог дутал зэргийг илрүүлж хооллолттой уялдуулан судлах. Арга, аргачлал: Энэхүү судалгааг аналитик судалгааны нэг агшингийн аргаар Баянзүрх дүүргийн 9, 10, 25, 26-р хорооны 6-23 сартай хүүхдүүдийг хамруулан ороцогчдын асрамжлагчдаас 24 цагийн эргэн санах асуумжийн аргаар асуумж авч бодит үзлэгээр бие махбодын хэмжилт хийв. Зохистой хооллолтын түвшинг хооллолтын байдал буюу таргалалт, тураал, өсөлт хоцрогдол болон хооллолтоос шалтгаалах зарим эмгэгийг насны бүлгүүдэд харьцуулан судлав. Үр дүн: Хоногт хооллодог давтамж дунджаар 3±1 буюу насандаа тохирсон хооллолтын давтамж хэвийн байсан. Өдөрт 4-өөс дээш бүлэг хоол хэрэглэдэг хүүхэд 37.1% байв. Хүнсний 7 төрлөөс үр тариа тэр дундаа улаанбуудайн гурил, махыг өдөр тутамдаа хамгийн их хэрэглэдэг байв. Нийт хүүхдээс илүүдэл жинтэй 13.5%, таргалалт 8.57%, тураал 1.5%, өсөлт хоцрогдол 2.14% байв. Хоногт 4-өөс бага нэр төрлийн хүнс хэгэлэдээг хүүхэд болон тураал хоорондын хамаарал (p=0.00) буюу статистик ач холбогдол бүхий магадлалтай. Харин таргалалт болон өсөлт хоцрогдол өдөрт 4-өөс дээш болон доош нэр төрөл хэрэглээтэй статистик ач холбогдол бүхий ялгаа ажиглагдсангүй. Рахиттай (n=12) 8.57%, Цус багадалт (n=19) 13.57%, Хоол тэжээлийн цочмог дуталтай (n=11) 7.8% байв. Дүгнэлт: 6-23 сартай хүүхдүүдийн дунд хооллох давтамж насандаа тохирсон болон түүнээс илүү байгаа хэдий ч өдөрт хэрэглэдэг хоолны нэр төрөл бага буюу 4-өөс доош нэр төрлийн хүнс хэрэглэдэг. Давтамж их байгаагаас таргалах эрсдэл өндөр ба 4-өөс бага бүлэг хүнс хэрэглэх нь тураалын эрсдэл болж байгаа нь харагдаж байна.
  • Some of the metrics are blocked by your 
    Item type:Publication,
    15–18 насны эрэгтэй хүүхдүүдийн гэмт хэрэгт холбогдоход нөлөөлөх хүчин зүйлсийг судалсан үр дүн
    (2026-09-15)
    Б.Халиунаа
    ;
    ;
    Үндэслэл: Монгол орны хувьд хүүхэд, өсвөр насныхны гэмт хэрэгт холбогдох шалтгаан, нөлөөлөх зарим хүчин зүйлсийг судлан тогтоосноор эрсдэлт хүчин зүйлсийг эрт илрүүлэх, урьдчилан сэргийлэх арга хэмжээ авах үйл ажиллагааг хэрэгжүүлэхэд чухал ач холбогдолтой. 2021 онд СЭМҮТ-ийн Шүүхийн сэтгэцийн эмгэг судлалын магадлан шинжилгээнд хамрагдсан нийт 1053 тохиолдолдлын 20.7% нь насанд хүрээгүй хүүхэд байсан бол 2022 онд 20.4 хувь (n=251), 2023 онд 19.6 хувь (n=203), 2024 онд 19.4 хувь (n=225), 2025 онд 23.6 хувь (n=318)-ийг тус тус эзэлж байна. Ялангуяа 2025 онд өмнөх оноос 4.2% өссөн байна. Гэвч хүүхэд гэмт хэрэгт холбогдох шалтгаан нөхцөл, холбогдсон гэмт хэргийн талаарх мэдээлэл хангалтгүй байгаа нь уг судалгааг хийх үндэслэл болж байна. Зорилго: Насанд хүрээгүй хүн гэмт хэрэгт холбогдох шалтгаан, нөлөөлөх зарим хүчин зүйлс, хүмүүжигчдийн сэтгэцийн эрүүл мэндийн байдлыг судлах. Арга, аргачлал: Нэг агшингийн загвараар Сургалт, хүмүүжлийн тусгай байгууллагын 35 хүмүүжигч, ЕБС-ийн 70 сурагч буюу 15-18 насны 105 эрэгтэй хүүхдийг хамруулж, CPSS-5-SR, PBI, KFLS болон тусгай асуумжаар мэдээлэл цуглуулав. Үр дүн: Оролцогчдын дундаж нас 16.69±0.87 жил. Хүмүүжигчдийн 45.7% нь өмнө нь хэрэгт холбогдож байсан бөгөөд 45.7% нь хүчиндэх, 17.1% нь хулгайн гэмт хэрэг үйлдсэн байв. Хүмүүжигчдийн 82.9% нь тамхи татдаг, 71.4% нь согтууруулах ундаа, 20.0% нь бусад бодис хэрэглэж үзсэн нь ЕБС-ийн сурагчидтай харьцуулахад өндөр байв. Олон хүчин зүйлийн шинжилгээгээр хүүхдийн тамхи ба согтууруулах ундааны хэрэглээ, эцгийн архидалт, гэр бүлийн хэрүүл маргаан нь гэмт хэрэгт холбогдоход статистик ач холбогдол бүхий нөлөөлж байв. Гэмтлийн дараах стрессийн эмгэгийн болзошгүй тохиолдол хүмүүжигчдийн 40.0%-д, сурагчдын 27.5%-д илэрсэн. Дүгнэлт: Сургалт, хүмүүжлийн тусгай байгууллагын хүмүүжигчдийн дунд тамхи, согтууруулах ундаа болон бусад бодисын хэрэглээ, гэр бүлийн орчны таагүй нөлөө ерөнхий боловсролын сургуулийн сурагчдаас өндөр байна. Хүүхэд гэмт хэрэгт холбогдох нь гэмтлийн дараах стрессийн эмгэг үүсгэдэг тул сэтгэцийн эрүүл мэндийн тусламж үйлчилгээнд хамруулах шаардлага тулгарч байна.
  • Some of the metrics are blocked by your 
    Item type:Publication,
    Хүүхдэд тохиолдох Коронавируст халдвар (COVID-19)-ын тойм судалгаа
    (2021-06-10)
    Ц.Наранчимэг
    ;
    ; ;
    Researchers were done a lot of surveys about COVID-19 and scientific assumptions and definitions are changing day by day. it’s been two years since humanity faced SARS-CoV-2. Scientists are planning to make safe and effective vaccines before 2022 pandemic waves. Therefore, the only way that prevent infection is by washing hands, social distance, and wearing a mask. By the end of 2020, several vaccines had become available for use in different parts of the world and over 150 were in preclinical trials. In the United States, the COVID-19 mRNA vaccines BNT162b2 (Pfizer-BioNTech COVID-19 vaccine) and mRNA-1213 (Moderna COVID-19 vaccine) have been granted use for prevention of COVID-19. Vaccine licensure will only include children once the safety and immunogenicity of the vaccine have been studied in them. Such studies are underway in older children and are planned for younger children. COVID-19 is generally less severe in children than adults, nevertheless, pandemic causes a large collateral damage to children because they are taken out of their normal social environment (kindergartens, schools, family members). We searched studies published in China, Korea, Italy, Iran and manually searched the references of select articles for COVID-1938-46.
  • Some of the metrics are blocked by your 
    Item type:Publication,
    Эрүүл мэндийн тусламж үйлчилгээний үеийн ионжуулагч цацрагт тав хүртэлх насны хүүхдийн өртөлт
    (2021-04-06)
    Э.Есү
    ;
    Б.Эрдэнэбулган
    ;
    Үндэслэл: Дэлхий дахинд нэг хүн жилд дунджаар 1.5-3.5 миллзиверт (мЗв/жил)1 ионжуулагч цацрагийн нөлөөлөлд өртдөг. Цацрагийн стохастик нөлөөлөл нь хүүхдэд 20 гаруй төрлийн хорт хавдар үүсэх эрсдэл болдог. Зорилго: Тав хүртэлх насны хүүхдийн эрүүл мэндийн тусламж үйлчилгээний үеийн ионжуулагч цацрагт өртөлтийн байдлыг судлах. Материал арга зүй: Судалгааг 2020 05 15-2020 08 15-ны өдрийн хооронд ЭХЭМҮТ, ГССҮТ, ба дүүргийн эрүүл мэндийн төв, нэгдсэн эмнэлгийг түшиглэн аналитик судалгааны агшингийн загварыг ашиглан, тав хүртэлх насны 149 хүүхэд, 149 асрамжлагчийг хамруулсан. Судалгааны үр дүнгийн статистик боловсруулалтыг SPSS 26.0 программыг ашиглан хийж гүйцэтгэв. Үр дүн: Рентген шинжилгээний давтамж амьдралын турш 10 хүртэл байсан бөгөөд 47.3% нь 2 ба түүнээс олон удаа, харин өвчний улмаас нэг удаа эмнэлэгт хандах, хэвтэн эмчлүүлэх хугацаандаа 1-3 удаа рентген шинжилгээ хийлгэж, дунджаар 0.28±0.2 мЗв тун ионжуулагч цацрагийн ачаалалд өртжээ. Асрамжлагчдын мэдлэг 52.8 (76) хувьд бага байсан ба энэ нь хүүхдийн ионжуулагч цацрагт өртөх эрсдэлийг 3.9 дахин нэмэгдүүлдэг байна. Дүгнэлт: Хүүхдийн ионжуулагч цацрагийн өртөлтийн давтамж өндөр байв. Рентген шинжилгээний нөлөөллийн талаарх асрамжлагчийн мэдлэг хангалтгүй. Энэ нь хүүхдийн ионжуулагч цацрагт өртөх эрсдлийг нэмэгдүүлдэг байна.