Даваа–Баасан 08:30–20:00 · Бямба 09:00–16:00
library@mnums.edu.mn
/

Б.Мишээл

Loading...
Thumbnail Image
Товч нэр
Б.Мишээл
Бүтэн нэр
Батзориг Мишээл
Латин нэр
Batzorig Misheel
Албан тушаал
Дадлагажигч багш
Харьяалал
ORCID

Settings

Now showing 1 - 2 of 2
  • Loading...
    Thumbnail Image
    Some of the metrics are blocked by your 
    consent settings
    Item type:Publication,
    Шегрен өвчин болон аутоиммун гепатит, анхдагч хатууралт холангит хавсарсан эмнэлзүйн ховор тохиолдол
    (2025-01-01)
    Б.Мишээл
    ;
    Б.Дуулим
    ;
    Д.Цолмон
    ;
    Д.Зулгэрэл
    Шегрен өвчин нь гадаад шүүрлийн булчирхайн лимфоцитын нэвчилтээр тодорхойлогддог аутоиммун архаг үрэвсэлт өвчин бөгөөд ксеростоми, ксерофтальми зэрэг шинж тэмдгүүд илэрдэг. Энэхүү өвчин нь бие даасан хэлбэр болон бусад өвчнүүдтэй хавсарсан байдлаар илэрдэг. Ихэвчлэн ревматологийн талаас ревматоид артрит, тогтолцооны улаан яршлын үед тохиолддог бол бага хувьд нь бусад эрхтэн тогтолцоог хамарсан аутоиммун өвчнүүдтэй хавсардаг. Аутоиммун гепатит нь сийвэнгийн глобулин, эсрэгбиеийн түвшин нэмэгдсэнээр илэрдэг элэгний архаг үрэвсэл юм. Шегрен өвчин нь аутоиммун гепатитай хавсарч илрэх тохиолдол маш ховор бөгөөд зарим эх сурвалжаас үзэхэд зөвхөн 1.7%-д үүсдэг байна. Бидний эмнэлзүйн тохиолдлын хувьд 2022 онд шегрен өвчин оношлогдсон 52 настай эмэгтэйд гепатитын шинж тэмдэг илэрч аутоиммун гепатит оношлогдсон ховор тохиолдол юм. Аутоиммун гепатит нь бусад аутоиммун өвчинтэй хавсарсан тохиолдолд эмнэлзүйн шинж тэмдэг багатай илэрдэг учир онош батлагдахад тодорхой хугацаа ордог. Тохиолдлын танилцуулга: 52 настай, эмэгтэй 2020 оноос хойш нүд, ам хуурайших, нүд бүрэлзэх, шүлс ялгаралт багасах, ядарч сульдах зовуурь илэрсэн бөгөөд бодит үзлэгээр тунгалгийн булчирхай үе үе томордог гэх өгүүлэмжтэй байсан. 2022 оны 12 сард Монгол-Япон эмнэлгийн ревматологийн эмчид үзүүлсэн. Лабораторийн шинжилгээгээр апй-ЗЗА52, сепр-Ь, А ^А 1дС, РР эерэг, элэгний үйл ажиллагаа өөрчлөлттэй, ширмер тест эерэг, шүлс ялгаралт < 0.1 мл/мин байв. АС Р-Е^^АР 2016 оношилгооны шалгуурын дагуу 5 оноо хангаж Шегрен өвчний онош батлагдсан5. Эмчилгээнд гидроксихлорохин, глюкокортикостероид схемээр, ходоод хамгаалах, элэг хамгаалах, хүндрэлээс сэргийлэх эмчилгээ хийгдсэн. 2023 оны 3 сард хяналтын үзлэгт лабораторийн шинжилгээгээр элэгний үйл ажиллагаа өөрчлөлттэй, элэгний В, С вирусийн эсрэгбие сөрөг, ^мег-9-Ппе өөрчлөлтгүй байв. Шегрен өвчний талаас эмнэлзүйн эерэг динамиктай байсан учир гидроксихлорохины тунг бууруулж, бусад эмчилгээг хэвээр үргэлжлүүлэхээс гадна гастерэнтрологийн эмчид үзүүлэхийг зөвлөсөн. 2024 оны 8 сард хэвлийн зүүн талаар өвдөнө, нүүр шарлана гэх зовуурьтай Интермед эмнэлгийн гастроэнтрологийн эмчид үзүүлж шинжилгээ бүрдүүлэхэд хэвлийн хэт авиан шинжилгээ хэвийн, 1дО 132 Н, А ^А > 400 ШЦ Алат 119.2 Ц Ц Асат 132.8 Ш_ байсан тул аутоиммун гепатит сэжиглэж элэгний биопси хийсэн. Дүгнэлт: Шегрен өвчин болон аутоиммун гепатит хавсарсан тохиолдол нь эмнэлзүйд ховор тохиолддог бөгөөд энэ нь гадаадын судалгаагаар 1 %-иас бага тархалттай байдаг байна. Гэсэн хэдий ч аутоиммун гепатит нь оношлогдохгүй удсан тохиолдолд элэгний цирроз болон гепатоцеллюляр карцином зэрэг хүндрэлүүдэд хүргэж болзошгүй. Тиймээс шегрен оношлогдсон хүмүүст элэг цөсний талаас зовууриуд, лабораторийн шинжилгээгээр элэгний үйл ажиллагааны алдагдал илэрсэн тохиолдолд эсрэгбиеийн шинжилгээнүүд болон эдийн шинжилгээ хийснээр эрт үед илрүүлэх, ялган оношлох чухал ач холбогдолтойг энэхүү эмнэлзүйн тохиолдлоор онцолж байна.
  • Loading...
    Thumbnail Image
    Some of the metrics are blocked by your 
    consent settings
    Item type:Publication,
    Тогтолцооны улаан яршил бүхий өвчтөнүүдийн шээсэн дэх альбумин креатинин, уураг креатинины харьцаа ба хоногийн шээсний уураг алдагдлын харилцан хамаарлыг судалсан нь
    (2025-01-01)
    Б.Дуулим
    ;
    Б.Мишээл
    ;
    Д.Цолмон
    Үндэслэл: Тогтолцооны улаан яршил нь эмнэлзүйн янз бүрийн Протеинури хэлбэрээр илэрдэг шалтгаан тодорхойгүй, архаг үрэвсэлт аутоиммун Люпус нефрит өвчин юм. Тогтолцооны улаан яршил үеийн бөөрний хүндрэл нь Шээсний ерөнхий люпус нефритээр илрэх ба ази хүмүүсийн дунд нас баралтын гол шинжилгээ шалтгаан болж байна. Люпус нефритийн үед протеинуриг үнэлэхэд Бөөрний гэмтэл шээсний ерөнхий шинжилгээнд уураг креатинины харьцааг ашигладаг бөгөөд өөрчлөлттэй гарсан тохиолдолд хоногийн шээсэнд дэх уургийн хэмжээг тодорхойлдог. Манай улсад тогтолцооны улаан яршил оноштой хүмүүст альбумин креатинины харьцаа, уураг креатинины харьцаа болон хоногийн шээсэнд уураг алдагдал хоорондын харилцан хамаарал, ач холбогдлын талаар хийгдсэн судалгаа одоогоор байхгүй нь бидний судалгааны үндэслэл боллоо. Зорилго: Тогтолцооны улаан яршил бүхий өвчтөнүүдийн шээсний ерөнхий шинжилгээний альбумин креатинин, уураг креатинины харьцаа болон хоногийн шээсний уураг алдагдлын харилцаа хамаарал, ач холбогдлыг судлах. Арга, аргачлал: Судалгааг эмнэлэгт суурилсан ретроспектив аналитик судалгааны аргаар 2024 оны 7 сараас 2025 оны 2 сард Монгол-Япон Эмнэлэгийн ревматологийн амбулаториор үйлчлүүлсэн А С К /Е ^ А К 2019 оны оношилгооны шалгуур хангасан тогтолцооны улаан яршил оноштой нийт 41 оролцогчдыг хамруулан хийж гүйцэтгэв. Судалгаанд оролцогчдыг уураг алдагдлын хэмжээгээр нь хоногийн шээсэнд 140 мг-аас их (А бүлэг) болон түүнээс бага (Б бүлэг) болгон хоёр бүлэгт хувааж ерөнхий мэдээлэл болон лабораторийн тоон өгөгдлүүдийг ашигласан. Үр дүн: Судалгаанд нийт 41 оролцогч хамрагдсанаас 56.1% (п=23) нь А бүлэгт, 43.9% (п=18) нь Б бүлэгт байв. Судалгаанд оролцогчдын дундаж нас 37±9.74, хүйсийн хувьд 92.7% (п=38) нь эмэгтэй, 7.3% (п=3) нь эрэгтэй байсан. Тогтолцооны улаан яршил өвчин оношлогдсоноос хойш дунджаар 5 жилийн дотор бөөрний гэмтэл илэрдэг гэж үзсэнээр бид оношлогдсон хугацааг 5 жилээс бага болон 5 жилээс их хэмээн хувааж авч үзэхэд <5 жил 39% (п=16), >5 жил 61% (п=25) байв. А бүлгийн хувьд хоногийн шээсээр алдагдаж буй уургийн дундаж хэмжээ нь 1883.1±1819.5 мг/24ц байсан бол Б бүлэгт 72.8±29.0 мг/24ц байна. Шээсний ерөнхий шинжилгээний альбумин креатинины харьцаа нь хэвийн үед 30мг/г-аас бага байдаг бөгөөд А бүлэгт 8.7% (п=2) нь хэвийн, 91.3% (п=21) нь альбумин креатинины харьцаа алдагдалтай байв. Хэвийн үед уураг креатинины нь 0.15г/г-аас бага байдаг бол А бүлгийн хувьд 13% (п=3) -д нь хэвийн, харин 87% (п=20)-д нь хэвийн бус тодорхойлогдов. Харин Б бүлэгт альбумин креатинины харьцаа <30мг/г нь 94.4% (п=17), >30мг/г нь 5.6% (п=1) байсан бол тус бүлгийн бүх оролцогчдын уураг креатинины харьцаа нь хэвийн тодорхойлогдсон. Хоногийн шээсэн дэх уураг алдагдал болон шээсэн дэх альбумин креатинины харьцаа хоорондын харилцан хамаарлыг судлахад 1=0.790, р<0.001 тодорхойлогдсон нь статистик ач холбогдол бүхий хүчтэй хамааралтайг харуулж байна. Түүнчлэн хоногийн шээсэн дэх уураг алдагдал болон шээсэн дэх уураг креатинины харьцаа нь хоорондоо өндөр хамааралтай 1=0.829, р<0.001 байна. Дүгнэлт: Судалгаанд оролцсон тогтолцооны улаан яршилтай нийт 41 өвчтөнүүдийн 56.1% (п=23) нь уураг алдагдалтай байсан ба 24 цагт шээсээр ялгарч буй уургийн дундаж хэмжээ нь 1883.1±1819.5 грамм байв. Хоногийн шээсэнд уураг тодорхойлох арга нь люпус нефритийн үед протеинуриг үнэлэх алтан стандарт бөгөөд энэхүү үзүүлэлт нь шээсний ерөнхий шинжилгээний уураг креатинины харьцаанаас гадна альбумин креатинины харьцаатай хүчтэй эерэг харилцан хамааралтай байгаа учир эдгээр нь шээсэн дэх уураг алдагдлыг үнэлэх, хянахад туслах ач холбогдолтой үзүүлэлтүүд мөн хэмээн үзэж байна.