Tserendash, Chimgee
Loading...
Товч нэр
Tserendash, Chimgee
Бүтэн нэр
Tserendash Chimgee
Латин нэр
Tserendash Chimgee
Албан тушаал
Судлаач
2 results
Now showing 1 - 2 of 2
- Some of the metrics are blocked by yourconsent settings
Item type:Publication, Артишок (Cynara scolymus L.)-н идээшмэлийн бөөр хамгаалах үйлдлийн судалгааны үр дүн(2020-01-01); С.СарнайАртишок (Cynara scolymus L.) ургамлыг мана улс өөри н орны ба галь газар зү н нөхцөлд сүүли н 5 жилд амжилтта тарималжуулж ба на. Бид Монгол оронд тарималжуулсан Артишокийн навчны идээшмэлийн бөөр хамгаалах үйлдлийг гентамициний сульфатаар бөөрний хурц үрэвслийн эмгэг загвар үүсгэж, цусны ийлдсийн мочевин, креатинин, шээсний хүчлийн хэмжээг тодорхойлж, бөөрний эдэд гистопатологийн шинжилгээ хийж судаллаа. Туршилт судалгааны 7, 14, 21 дэх хоногт Артишокийн идээшмэлийг 300мг/кг, 500 мг/кг тунгаар хэрэглэсэн бүлэг, стандарт буюу канефрон хэрэглэсэн бүлгийг эмгэг бүлэгтэй харьцуулахад цусны ийлдсийн мочевин, креатинин, шээсний хүчил буурсан (p<0.05) байна. Бөөрний эдийн гистопаталогоор шинжилгээний 7, 14, 21 дэх хоногт эмгэг бүлэгт бөөрний сувганцрын үхжил, сувганцрын дегенераци, завсрын эдийн үрэвсэл 50-75% илэрсэн, Артишокийн идээшмэлийг 300мг/кг, 500мг/кг, тунгаар хэрэглэсэн бүлэгт бөөрний сувганцар үхжил, сувганцрын дегенераци, завсрын эдийн үрэвсэл 0-25% илэрсэн ба эмгэг бүлэгтэй харьцуулахад бөөрний сувганцар үхжил, сувганцрын дегенераци, завсрын эдийн үрэвслийг 2-3 дахин бууруулж, бөөр хамгаалах үйлдэл үзүүлсэн байна. - Some of the metrics are blocked by yourconsent settings
Item type:Publication, Кальцийн гидроксиапатит бэлдмэлийн архагдуу хорон чанарын судалгаа(2023-05-22); ; ; Үндэслэл: Кальцийн гидроксиапатит нь яс болон шүдний эдэд агуулагдах гол эрдэс бодис юм. Орчин үед кальцийн гидроксиапатитыг био-анагаах ухаанд эмийн бодисын ялгаралтыг хянах матриц болгох, ясны эд эсэд материал нөхөх зэргээр өргөнөөр хэрэглэдэг. Кальцийн гидроксиапатитыг ууж хэрэглэх нь ясны хугарлын эдгэрэлтийг хурдасгаж, нөхөн төлжилтийг сэргээхээс гадна ясны сийрэгжилтээс урьдчилан сэргийлдэг. Зорилго: Кальцийн гидроксиапатит бэлдмэлийн архагдуу хорон чанарыг судлах. Арга, аргачлал: Кальцийн гидроксиапатитын бэлдмэлийн архагдуу хорон чанарын судалгааг Эдийн Засгийн Хамтын Ажиллагааг Хөгжүүлэх Байгууллагын 423 дугаар удирдамжийн (OECD 423) дагуу хийж гүйцэтгэсэн. Хяналтын буюу эрүүл, туршилтын (1,2) бүлэгт тус бүр Вистар үүлдрийн 10 хархыг авч, эрүүл бүлэгт нэрмэл ус, туршилтын бүлэгт кальцийн гидроксиапатит бэлдмэлийг 1000 мг/кг, 2000 мг/кг тунгаар 45 хоногийн турш өдөр бүр уулгаж, хархны ерөнхий байдал, хордлогын шинж тэмдэг, үхлийг ажиглаж бүртгэсэн. Туршилт судалгааны 46 дах хоногт хархны цусны ерөнхий шинжилгээ болон биохимийн шинжилгээг хийсэн. Эрүүл болон кальцийн гидроксиапатит хэрэглэсэн хархны элэг, бөөр, зүрх, дэлүү ба ходоод зэрэг эрхтнийг авч, 10% буфер формалины уусмалд, бэхжүүлж, гистологийн шинжилгээний тодорхой дамжлагуудаар бэлтгэж, 5µм-ээр зүсэж, гематоксин эозиноор будаж, Olympus BX41 гэрлийн микроскопийг ашиглан, гистопаталогийн шинжилгээг хийсэн. Үр дүн: Кальцийн гидроксиапатит бэлдмэлийг 45 хоногийн турш хэрэглэхэд харханд хордлого, зан төрхийн өөрчлөлтийн шинж тэмдэг ажиглагдаагүй бөгөөд туршилтын хугацаанд хархнууд бүгд амьд байсан. Кальцийн гидроксиапатитыг 45 хоногийн турш 1000 мг/кг ба 2000 мг/кг тунгаар хэрэглэсэн хархны ийлдсийн Асат, Алат болон шүлтлэг фосфатаза, креатинин, мочевины хэмжээг эрүүл болон туршилтын бүлэг хооронд харьцуулахад статистик ач холбогдол бүхий (p>0.05) ялгаа ажиглагдаагүй. Эрүүл болон кальцийн гидроксиапатит бэлдмэлийг хэрэглэсэн бүлэгт элэг, дэлүү, зүрх, бөөр ба ходоодны гистопатологийн шинжилгээнд эдгээр эрхтний эдийн хэвийн бүтэц хадгалагдсан байсан. Дүгнэлт: Кальцийн гидроксиапатит бэлдмэлийг уулгаж хэрэглэхэд элэг болон бөөрийг хордуулах нөлөөгүй байна. Кальцийн гидроксиапатитыг 1000 мг/кг, 2000 мг/кг тунгаар хэрэглэсэн хархны гистологийн шинжилгээнд бөөрний эдэд бага зэрэг завсрын эдийн шохойжилт, 2000 мг/кг тунгаар хэрэглэсэн харханд ходоодны өнгөц шархлаа илэрсэн байна.