Даваа–Баасан 08:30–20:00 · Бямба 09:00–16:00
Now showing 1 - 2 of 2
  • Some of the metrics are blocked by your 
    Item type:Publication,
    Нярайн эмгэг шарлалт үүсэхэд нөлөөлсөн хүчин зүйлсийг судалсан үр дүн
    (2021-11-01)
    А.Гандулам
    ;
    Х.Урам
    ;
    Л.Баярмагнай
    ;
    А.Отгонжаргал
    ;
    З.Гэрэлмаа
    Үндэслэл: Нярайн эмгэг шарлалт нь гүйцэт нярайн 6-10%-д, дутуу нярайн 20% орчимд тохиолддог ба эрт оношилж эмчлээгүй тохиолдолд шарлалт гүнзгийрч цөмөн шарлалт үүсч улмаар хөгжлийн бэрхшээлтэй болох шалтгаан болдог байна1. Зорилго: Нярайн эмгэг шарлалтын нөлөөлөх хүчин зүйлсийг тогтоож шинжилгээний өөрчлөлтүүдийг судлах. Арга, аргачлал: Судалгааг 2018-аас 2019 оны хооронд Нийслэлийн Өргөө амаржих газрыг түшиглэн, нярайн эмгэгийг эмчлэх хэсэгт нярайн эмгэг шарлалтын улмаас хэвтэн эмчлүүлж буй 153 нярайг хамруулан 1:2 харьцаатай хяналтын бүлэг үүсгэн тохиолдол хяналтын судалгаа хийлээ. Үр дүн: Цитомегаловирүсийн архаг халдвар (P=0.005), херпес вирүсийн архаг халдвар (P=0.001), хөхөө оройтож амлах (P=0.023), зунгаг оройтож гарах (P=0.020), дутуу төрөх (P=0.005), нярайн цусны альбумин бага байх (p=0.002), нярайн полицитеми (p=0.005) зэрэг нь нярайн эмгэг шарлалт үүсэхэд эрсдэлт нөлөөлөх хүчин зүйл болж байгаа нь тогтоогдлоо. Дүгнэлт: Нярайн эмгэг шарлалт үүсэхэд дутуу төрөлт, ургийн халдвар, уураг багасалт, нярайн полицитеми нь нөлөөлж байгаа тул эдгээр нярайд шарлалтын хяналтыг зэрэг нь тэргүүлэх шалтгаан болж байгаа ба цусанд уураг багасаж шууд бус билирубин давамгай ихсэж байна.
  • Some of the metrics are blocked by your 
    Item type:Publication,
    Эмгэг шарлалттай нярайн сийвэнгийн билирубины зөрүүг тодорхойлсон дүн
    (2022-04-28)
    А.Гандулам
    ;
    С.Жулдыз
    ;
    З.Гэрэлмаа
    ;
    Үндэслэл: Билиметрийн аппаратыг ашиглан арьсан дээр билирубины хэмжээг тодорхойлох нь нярай хүүхдийн шарлалтыг аюулгүй, шуурхай үнэлж эмчилгээг эрт эхлүүлэхэд ач холбогдолтой. Зорилго: Нярайн арьс болон сийвэнд тодорхойлсон билирубины зөрүүг тогтоох. Арга, аргачлал: Судалгааг агшингийн загвараар 2018-2020 онд нярайн эмгэг шарлалттай 153 хүүхдийг санамсаргүй аргаар түүвэрлэж, арьсны нэг цэгт билиметрийн хэмжилт хийсэн ба нэгэн зэрэг цагт цусны шинжилгээ авч сийвэнд билирубиныг тодорхойлов. Судалгааны ажлын үр дүнг Stata 16 программ ашиглан боловсруулалт хийсэн. Үр дүн: Судалгаанд хамрагдсан нийт хүүхдүүдийн арьсанд хэмжсэн билирубины дундаж 246±8 м.моль/л, сийвэнгийн нийт билирубины дундаж 278.8 м.моль/л байсан нь статистик ач хобогдол бүхий ялгаатай (р=0.005) байлаа. Арьсан дээрх билирубины хэмжээг харьцуулахад духны хэсэгт 258±8 м.моль/л, цээжинд 243±7 м.моль/л, нуруунд 238±5 м.моль/л буюу духны хэсэгт хамгийн өндөр (p=0.001) байна. Амьдралын эхний 30 минутын дотор ангир уураг амласан нярай 46.4% (n=71), 30 минутаас 1 цагийн дотор амласан 30.7% (n=47), 1 цагаас хожуу амласан 22.% (n=35) байв. Зунгаг 24 цагаас хойш гарсан нярай 4.6%-ийг эзэлж байсан ба нярайн шарлалт эмгэгээр явагдахад нөлөөлж (р=0.001) байна. Дүгнэлт: Нярайн арьсанд билиметр ашиглан тодорхойлсон билирубиныг хэмжээ нь сийвэнгийн билирубинаас дунджаар 30±4.2 мк.моль/л-ээр бага байгаа тул нярайн шарлалт эмгэгээр явагдаж, билиметрт өндөр хэмжигдсэн тохиолдолд цусан дахь билирубиныг тодорхойлох шаардлагатай байна.