Даваа–Баасан 08:30–20:00 · Бямба 09:00–16:00
Now showing 1 - 9 of 9
  • Some of the metrics are blocked by your 
    Item type:Publication,
    Туршилтын харханд бичил судас залгах мэс заслын эдэд үзүүлэх нөлөөг судалсан дүн
    (2025-01-01)
    Чи Янбө (Yanbo)
    ;
    ; ;
    Б.Галиндэв
    ;
    Үндэслэл: Мөчдийн артерийн судасны бөглөрөл нь захын артерийн Бичил судас залгалт бөглөрөлт өвчний хүндрэлийн сүүлийн үе шат бөгөөд өвчтөний Мөчдийн ишеми амьдралын чанарт ноцтой сөрөг нөлөө үзүүлсээр байна. Герман улсад Эдийн нөхөн хийгдсэн судалгаагаар захын артерийн судасны бөглөрөлт өвчин төлжилт оношлогдсон 40,000 гаруй тохиолдлын 66% нь оношлогдсоноос Мөчдийн артерийн хойш дөрвөн жилийн дотор мөч тайруулах мэс засал хийгдсэн байна. бөглөрөлт Эмчилгээний гол зорилго нь мөчдийн цусан хангамжийг сайжруулах, Судасны мэс засал өвдөлтийг намдаах, эдийн нөхөн төлжилтийг хурдасгах, мөн зүрх судасны хүндрэлүүдээс урьдчилан сэргийлэхэд чиглэгддэг. Сүүлийн жилүүдэд бичил судасны мэс засал нь эдийн нөхөн төлжилтийг хурдасгаж, эмчилгээний үр дүнг сайжруулах боломжтойг судлаачид онцолж байна. Зорилго: Туршилтын хархны загварт мөчдийн ишеми үүсгэсэн нөхцөлд бичил судасны төгсгөл-төгсгөл (Т-Т) болон төгсгөл-хажуу (ТХ) залгалтын эдэд үзүүлэх үр нөлөөг харьцуулан үнэлж, эдийн нөхөн _______________________ төлжилтийг судлах. Арга, аргачлал: АШУҮИС-ийн Био-Анагаахын хүрээлэн, туршилтын амьтны төвийг түшиглэн 30 Ж§1аг хархыг хоёр бүлэгт (хяналтын бүлэг 10 харх, ишеми үүсгэх бүлэг 20 харх) хуваасан. Туршилтын бүлэгт 3 хоногийн ишеми үүсгэн, зориулалтын уусмалд хадгалсан донор хархны артерийн судас ашиглан Т-Т болон Т-Х залгалт хийсэн. Мэс заслын өмнө болон 21 хоногийн дараа хархны биеийн жин, артерийн судасны диаметр, цусны урсгалын байдлыг шалгаж, үр дүнг тооцоолсон. Мөн гуя, шилбэ болон тавхайн арьсны эд болон мөчдийн судасны эндотелийн нөхөн төлжилтийн байдлыг иммуногистохимийг аргаар үнэлсэн. Үр дүн: Хяналтын бүлгийн хархнуудын биеийн жин мэс заслын өмнө 227.86±21.11 гр байсан бол, судас залгалтын дараа 240.24±25.77 гр болж 12.38 гр нэмэгдсэн (р<0.01). Ишеми үүсгэсэн бүлэгт Т-Т судас залгалт хийсэн хархнуудын биеийн жин мэс заслын өмнө 239.67±26.96 гр байсан бол, мэс заслын дараа 234.3±27.20 гр болсон бол 21 хоногийн дараа 250.67±27.09 гр болж нэмэгдсэн (р<0.05). Т-Х залгалтын бүлгийн хархнуудын биеийн жин 235.18±22.39 гр байсан бөгөөд 21 хоногийн дараа 249.62±21.12 гр болж нэмэгдсэн (р<0.01). Мэс заслын нийт хугацаа хяналтын бүлэгт 24.51±2.29 минут байсан бол, ишеми үүсгэсэн бүлэгт Т-Т залгалт 39.75±0.89 минут, Т-Х залгалт 46.65±8.12 минут үргэлжилсэн (р=0.001). Мэс заслын үеийн цус алдалт хяналтын бүлэгт 0.27±0.12 мл байсан бол, ишеми үүсгэсэн бүлэгт Т-Т залгалт 0.58±0.13 мл, Т-Х залгалт 1.12±0.61 мл байсан бөгөөд зарим тохиолдолд 2.35 мл хүрч байв (р<0.01). Дүгнэлт: 1. Хяналтын бүлгийн хархнуудын биеийн жин 21 хоногийн дараа 240.24±25.77 гр болж өссөн бол, ишеми үүсгэсэн бүлгийн хархнуудын биеийн жин 250.67±27.09 гр болж нэмэгдсэн нь эдийн нөхөн төлжилт сайжирсан, бичил судас залгалт амжилттай хийгдсэн болохыг харуулж байна. 2. Иммуногистохимийн шинжилгээнд РС^А болон КОР уургийн экспресс ишеми үүсгэсэнээс хойш 3 хоногийн дараа буурсан боловч судас залгаснаас хойш 21 хоногийн хугацаанд илэрхий нэмэгдсэн байгаа нь бичил мэс засал амжилттай хийгдсэнийг илтгэж байна. Эдүүд ишемийн өөрчлөлтөд харилцан адилгүй хариу үзүүлж, арьс болон булчингийн эдэд КОР болон РСМА уургуудын илрэл ялгаатай түвшинд нэмэгдсэн нь эдийн нөхөн төлжилт явагдаж байгааг харуулж байна.
  • Some of the metrics are blocked by your 
    Item type:Publication,
    Хөлийн эрхий хурууны шигдсэн хумсны фенол эмчилгээг уламжлалт мэс заслын эмчилгээний аргатай харьцуулан судалсан дүн
    (2023-02-16)
    Э.Оргилболд
    ;
    Н.Батсайхан
    ;
    А.Болд
    ;
    Ц.Энх-Амгалан
    ;
    Үндэслэл: Хөлийн эрхий хурууны хумс шигдэж ургах нь залуу хүмүүс болон насанд хүрэгчдийн дунд мэс заслын эмчид ханддаг хамгийн түгээмэл асуудлуудын нэг гэж судлаачид тэмдэглэжээ. Хумс шигдэж ургах нь гоо сайхны асуудал, таагүй байдал, өвдөлт, хөдөлмөрийн чадвар алдах, гутал өмсөхөд хүндрэл учруулж улмаар өдөр тутмын үйл ажиллагаанд маш их хязгаарлалт үүсгэж байгаа нь энэхүү судалгааг хийх үндэслэл болж байна. Зорилго: Хөлийн эрхий хурууны шигдсэн хумсны фенол эмчилгээний үр дүнг фенол эмчилгээ хийлгээгүй уламжлалт аргаар хөлийн эрхий хурууны шигдсэн хумсыг таллаж авсан эмчилгээний аргатай харьцуулан судлах. Арга, аргачлал: Бид Интермед эмнэлэгт 2017 оны 1 дүгээр сарын 1-нээс 2022 оны 1 дүгээр сарын 1-н хүртэлх хугацаанд хөлийн эрхий хурууны шигдсэн хумсны фенол эмчилгээ хийлгэсэн 25 тохиолдол болон уламжлалт аргаар хөлийн эрхий хурууны шигдсэн хумсыг таллаж авах эмчилгээ хийлгэсэн 25 тохиолдлуудыг хамруулан судалгааны үр дүнг STATA-22 программыг ашиглан статистик боловсруулалт хийв. Үр дүн: Судалгаанд оролцогчдын дундаж нас 27.9-15.9 жил байв. Судалгаанд нийт оролцогчдын 28 эрэгтэй, 22 эмэгтэй байсан. Нас болон баруун, зүүн талын хөлийн эрхий хурууны шигдсэн хумсыг эмчлэх нь хоорондоо (p=0.003) хамааралтай, статистик ач холбогдолтой байна. Хөлийн эрхий хурууны шигдсэн хумсыг фенолоор эмчлэх аргыг, уламжлалт аргаар хөлийн эрхий хурууны шигдсэн хумсыг таллаж авах эмчилгээний үр дүнг 12 сарын хугацаанд харьцуулан судлахад фенол эмчилгээний арга үр дүнтэй байна. Дүгнэлт: Хөлийн эрхий хурууны шигдсэн хумсыг фенолоор эмчлэх нь уламжлалт аргаар хөлийн эрхий хурууны шигдсэн хумсыг таллаж авах аргатай харьцуулахад үр дүн сайтай гарсан нь гол эмчилгээний сонголт болгох боломжтой юм.
  • Some of the metrics are blocked by your 
    Item type:Publication,
    Double flap техник ашиглан ходоодны амсар хэсгийн хавдар тайрах мэс засал хийсэн тохиолдол
    (2024-04-13) ;
    М.Эрдэмтүлхүүр
    ;
    С.Оюударь
    ;
    Д.Хулан
    ;
    K.Jungeun
    Удиртгал: Ходоодны проксимал хэсгийн тайралт бусад ходоод тайрах мэс заслын хэлбэрүүдээс түгээмэл бус хийгддэг нь мэс заслын дараа гарч болох хүндрэлтэй холбоотой байдаг. Проксимал тайралтын дараа түгээмэл илэрдэг хүндрэлд сөөргөөт эзофагит болон анастомозын нарийсал багтдаг. Ходоодны амсар хэсгийн хорт хавдрын үед ходоодыг бүтэн тайрах, D2 бүлгийн тунгалагийн булчирхайнуудыг түүж авах нь эмчилгээний стандарт байсаар ирсэн. Сүүлийн жилүүдэд ходоодны амсар хэсгийг тайрах (проксимал гастрэктоми) хийсэнээр ходоодны үйл ажиллагааг хадгалах улмаар амьдралын чанарт сайнаар нөлөөлж байна гэж үзэх болсон. Тохиолдлын танилцуулга: Эмчлүүлэгч П.Г 51 настай эмэгтэйд ходоодны салстын доод давхарга руу нэвчсэн дунд зэргийн ялгаралтай булчирхайлаг эдийн хавдар оношоор ходоодны проксимал хэсгийн тайрах, Double-flap техник ашиглан ходоод улаан хоолойг залгах мэс засал эмчилгээ хийгдсэн. Эмчилгээний үр дүн: Эмчлүүлэгчид мэс заслын дараах хүндрэл илрээгүй бөгөөд мэс заслын тасагт 8 хоног хэвтэн эмчлүүлэн биеийн байдал сайжирч эмнэлгээс гарсан. Эмчлүүлэгчид мэс заслаас хойш хяналтын үзлэг тогтмол хийгдэж байна. Дүгнэлт: Ходоодны проксимал хэсгийн тайралт хийсний дараа залгалтын нарийсал болон ходоод улаан хоолойн сөөргөө үүсэх зэрэг шинж тэмдгүүд үүсдэг учир double flap залгалтын техник ашигласанаар дээрх хүндрэлүүдээс зайлсхийж болох юм.
  • Some of the metrics are blocked by your 
    Item type:Publication,
    Мэс заслын дараа үүссэн хэвлийн өмнөд ханын том хэмжээний ивэрхийг биологийн гаралтай тор ашиглан нөхөж эмчилсэн тохиолдол
    (2024-05-13) ; ;
    С.Оюударь
    ;
    Б.Дуламсүрэн
    Үндэслэл: Хэвлийн хөндийн, хоол боловсруулах эрхтэн тогтолцооны том хэмжээний мэс заслын дараа ивэрхий үүсэх нь нийт ивэрхийн тохиолдлын 10-15%-г эзэлдэг ба үүнээс хэвлийн голын шугамаар үүсэх ивэрхий 3-20% буюу хамгийн их тохиолдож байна.8 Хэвлийн хөндийн том цар хүрээтэй мэс заслууд болох нээлттэй хүрцээр ходоод, гэдэс, элэг, дэлүү болон нойр булчирхай тайрах мэс засал эмчилгээний дараа үүссэн хэвлийн өмнөд ханын том хэмжээний ивэрхий (>10 см) нь эдийн дутагдал, татагдал мөн бүтцийн алдагдал ихээр үүсгэдэгтэй холбоотой мэс заслаар эмчлэхэд хүндрэл учруулдаг. Ивэрхийг өвчтөний өөрийн эдээр болон тор тавьж нөхөх мэс засал эмчилгээний аргууд хэрэглэгдэж байгаа хэдий ч шарх халдварлагдах, ивэрхий дахих, хэвлийн эрхтнүүдийн наалдац, цорго үүсэх зэрэг хүндрэлүүд тохиолдсоор байна. Америкийн нэгдсэн улсад жилдээ 2.5-3 сая долларыг уг өвчний тусламж үйлчилгээнд зарцуулдаг гэсэн тооцоо байгаа ба Монгол Улсад хэвлийн өмнөд ханын хүрцээр хийгдсэн мэс заслын дараа үүссэн ивэрхийг нөхөх мэс засал эмчилгээний үр дүн, өртөг зардлыг тооцсон судалгаа ховор байна. Тохиолдлын танилцуулга: Эмчлүүлэгч 58 настай эмэгтэйн нарийн гэдэсний түгжрэл засах мэс засал эмчилгээний дараа үүссэн хэвлийн өмнөд ханын том хэмжээний ивэрхийг биологийн гаралтай тор ашиглан нөхөх мэс засал эмчилгээ хийгдсэн. Эмчилгээний үр дүн: Эмчлүүлэгчид мэс заслын дараах өвдөлт бага, эмнэлгийн ор хоног цөөн, хүндрэл илрээгүй, гоо сайханы хувьд сэтгэл ханамж өндөр байсан бөгөөд ивэрхийг бүрэн нөхөж эмчилсэн болно. Дүгнэлт: Уламжлалт аргаар ивэрхий засах боломжгүй болсон тохиолдолд биологийн тор ашиглан ивэрхий засах нь эмчилгээний нэг боломжит хувилбар болж байна. Нийлэг эдээс гарган авсан тор ашиглан том хэмжээний ивэрхийг нөхөн эмчилэхэд хүний биед гадны биетийн эсрэг хариу урвал ихээр өрнөж хурц улмаар архаг үрэвслийн нөлөөгөөр хүндрэл гарах нь элбэг байдаг тул биологийн (хүн болон гахайн эдээс гаргаж авсан эсгүйжүүлсэн) гаралтай тор ашигласанаар тухайн торны орчинд фибробласт болон эндотель эсүүд илүү ихээр шилжин байршиж биоматериалыг эзэн биеийн эдэд наалдуулах, коллаген ихээр үүсгэх зэргээр шархны эдгэрэлтийн явцыг дэмждэг байна.
  • Some of the metrics are blocked by your 
    Item type:Publication,
    Хүүхдийн мухар олгойн цочмог үрэвслийн хүндэрсэн хэлбэрийн үед цагаан эсийн үзүүлэлтүүдийн хугацаанаас хамаарсан өөрчлөлтийг судалсан үр дүн
    (2021-04-06) ;
    Ц.Одгэрэл
    ;
    Ч.Эрдэнэцэцэг
    ;
    ;
    Л.Ганбаяр
    Үндэслэл: Яаралтай тусламжийн албанд хэвлийн цочмог өвдөлтийн улмаас хандаж буй мэс заслын шалтгаант эмгэгийг мухар олгойн цочмог үрэвсэл тэргүүлдэг ч, оношилгооны алдаа хүүхдэд 3.8-15 хувь, насанд хүрэгчдэд 5.9-23.5 хувь байна. Эмнэлзүйн шинжүүдтэй хамт лабораторийн шинжилгээний үзүүлэлтүүд оношилгоо, шийдвэр гаргахад онцгой ач холбогдолтой байдаг. С-урвалж уураг, лейкоцит, нейтрофиль зэрэг өргөн хэрэглэгддэг үзүүлэлтүүдээс гадна ийлдсийн натрийн концентраци, нейтрофил-лимфоцитийн харьцаа, зэрэг шинэ үрэвслийн маркеруудыг мухар олгойн хүндэрсэн хэлбэрийг ялган оношлоход ашиглаж байна. Гэсэн хэдий ч зөвхөн биомаркеруудад түшиглэн шийдвэр гаргах нь боломжгүй хэвээр байна. Бид энэ удаагийн судалгаагаар захын цусны цагаан эсийн үзүүлэтүүдийн хүүхдийн мухар олгойн цочмог үрэвслийн хүндэрсэн хэлбэрийг оношлох чадамжийг өвчин үргэлжилсэн хугацаагаар үнэлэхийг зорилоо. Арга аргачлал: Уг судалгааг 2020 оны 6 сараас 9 сарын хооронд ЭХЭМҮТөвийн ерөнхий мэс заслын тасагт мухар олгойн цочмог үрэвсэл оношоор мэс засал хийгдсэн 18-с доош насны нийт 186 тохиолдолыг хамруулав. Судалгаанд оролцогчдыг эмгэг судлалын шинжилгээний үр дүнгээс үндэслэн хүндрэлтэй (үхэжсэн, үхжиж цоорсон+) болон хүндрэлгүй(улайсан,идээлсэн) хэмээн 2 бүлэг болгов. Үр дүн: Нийт 186 хүүхэд хамруулснаас 119 эрэгтэй, дундаж нас 10.21±1.22 байв. Хоёр бүлгийн нас, хүйсийн хувьд статистик ач холбогдол бүхий ялгаа байсангүй (p=0.243) (p=0.491). Нийт тохиолдолд цагаан эс, нейтрофил эс, эозинофил эсийн оношлох чадамж хамгийн өндөр байна. Дүгнэлт: Мухар олгойн цочмог үрэвслийн хүндрэлтэй ба хүндрэлгүй хэлбэрийн үед цагаан эсийн үзүүлэлтүүд үндсэн ба тогтвортой ялгааг харуулж байна. Бид илүү хүчтэй маркеруудийг сонгон авч оношилгооны тохиромжтой цаг хугацааг тодорхойлох судалгаануудыг хийх шаардлагатай байна.
  • Some of the metrics are blocked by your 
    Item type:Publication,
    Нойр булчирхайн цочмог үрэвслийн дунд зэрэгтэй өвчтөнүүдийн амаар хооллох болон судсаар хооллох эмчилгээнүүдийг харьцуулан судлах нь
    (2022-06-12)
    Н.Цэнгэл
    ;
    А.Хулан
    ;
    Г.Алтангэрэл
    ;
    Үндэслэл: Нойр булчирхайн цочмог үрэвсэлд (НБЦҮ) зориулсан хоол тэжээлийн эмчилгээний талаарх олон улсын удирдамжид амаар хооллох аргыг судсаар хооллох аргаас илүү үр дүнтэй гэж үздэг бөгөөд судсаар хооллолтыг зөвхөн амаар хооллох эсрэг заалттай эсвэл боломжгүй тохиолдолд л хэрэглэдэг хэмээн үзсэн байна. Манай орны 3-р шатлалын мэс заслын эмч нарыг хамруулсан асуумж судалгаанд 52 хувь нь хүндийн зэргээс үл шалтгаалан НБЦҮ-ийн эхэн үед хоол сойх аргыг түлхүү хэрэглэдэг гэж хариулсан. Ийм төрлийн бусад орны нойр булчирхайн цочмог үрэвслийн хөнгөн ба хүнд хэлбэрийн судалгаанууд байдаг боловч дунд хэлбэрийг харьцуулсан судалгаа байхгүй бөгөөд үр дүн тодорхойгүй хэвээр байна. Зорилго: Нойр булчирхайн цочмог үрэвслийн дунд зэрэгтэй үйлчлүүлэгчдийн хооллолтын байдал өвчний тавилангийн хамаарлыг судлах. Арга, аргачлал: Энэхүү судалгааг эмнэлзүйд суурилсан нэг төвт, санамсаргүй хуваарилалттай туршилт судалгааны загвараар 2021 оны 2-р сарын 1-нээс 2022 оны 1-р сарын 1-ний хооронд Сонгинохайрхан дүүргийн хүн амд эмнэлгийн тусламж үйлчилгээ үзүүлдэг Натул эмнэлгийн мэс заслын тасагт явуулсан. Үр дүн: Мэс заслын тасагт хийсэн эмчилгээний хугацаанд нийт ор хоног нь амаар хооллох бүлэг судсаар хооллох бүлгийнхээс богино байсан. (р<0.038) Дүгнэлт: НБЦҮ-ийн дунд зэрэгтэй үйлчлүүлэгчдэд амаар хооллох арга нь аюулгүй бөгөөд судсаар хооллох аргаас илүү үр дүнтэй гэдэг нь энэхүү судалгааны үзүүлэлтээс харагдаж байна.
  • Some of the metrics are blocked by your 
    Item type:Publication,
  • Some of the metrics are blocked by your 
    Item type:Publication,
    The Effect of Estrogen on Hepatic Fat Accumulation during Early Phase of Liver Regeneration after Partial Hepatectomy in Rats
    (2019-08)
    Srisowanna, Naparee
    ;
    ;
    Yano, Koichi
    ;
    ;
    Ikenoue, Makoto
    Fatty liver is common in men and post-menopausal women, suggesting that estrogen may be involved in liver lipid metabolism. The aim of this study is to be clear the role of estrogen and estrogen receptor alpha (ERα) in fat accumulation during liver regeneration using the 70% partial hepatectomy (PHX) model in male, female, ovariectomized (OVX) and E2-treated OVX (OVX-E2) rats. Liver tissues were sampled at 0-48 hr after PHX and fat accumulation, fatty acid translocase (FAT/CD36), sterol regulatory element-binding protein (SREBP1c), peroxisome proliferator-activated receptor α (PPARα), proliferative cell nuclear antigen (PCNA) and ERα were examined by Oil Red O, qRT-PCR and immunohistochemistry, respectively. Hepatic fat accumulation was abundant in female and OVX-E2 compared to male and OVX rats. FAT/CD36 expression was observed in female, OVX and OVX-E2 at 0-12 hr after PHX, but not in male rats. At 0 hr, SREBP1c and PPARα were elevated in female and male rats, respectively, but were decreased after PHX in all rats. The PCNA labeling index reached a maximum at 36 hr and 48 hr in OVX-E2 and OVX rats, respectively. ERα expression in OVX-E2 was higher than OVX at 0-36 hr after PHX. In conclusion, these results indicated that estrogen and ERα might play an important role in fat accumulation related to FAT/CD36 during early phase of rat liver regeneration.
    Scopus© Citations 21