Даваа–Баасан 08:30–20:00 · Бямба 09:00–16:00
Now showing 1 - 2 of 2
  • Some of the metrics are blocked by your 
    Item type:Publication,
    Улаанбаатар хотын 6-17 насны “Эрт илрүүлэг үзлэг”-т хамрагдсан хүүхдүүдийн бодисын солилцооны хамшинжийн тархалтыг судалсан нь
    (2023-05-22)
    П.Ариунзаяа
    ;
    ;
    Г.Эрдэнэтуяа
    ;
    Л.Баярмагнай
    Үндэслэл: 2020 оны байдлаар дэлхий хүн амын дундах бодисын солилцооны хамшинжийн (БСХШ) тархалтын хувь ойролцоогоор 2025% байна. Бүс нутгуудыг хооронд нь харьцуулан үзэхэд Ази тивд 12-37%, Европ тивд 12-26% тархалттай байна. 2020 оны байдлаар нийт хүүхдүүдийн 2%, өсвөр үеийнхний 3% нь БСХШ-тэй, улс орон бүс нутгуудад ялгаатай байна. Монгол улсад бүх насны хүн амын дунд илүүдэл жин, таргалалтын тархалт өндөр байна. Хүүхэд, өсвөр үеийн дундах БСХШ-ийн тархалт, шалтгаан ,нөлөөлөх хүчин зүйлсийг судлан тогтоосноор урьдчилан сэргийлэлт, оношилгоо эмчилгээний чадамжийг дээшлүүлэн, эрт илрүүлэгийн түвшинг сайжруулахад чухал ач холбогдолтой. Зорилго: Улаанбаатар хотын 6-17 насны хүүхдүүдийн дундах БСХШ-ийн тархалтыг тогтоох, БЖИ болон артерийн даралт хоёрын хоорондын хамаарлыг тогтоох. Арга, аргачлал: Улаанбаатар хотын 9 дүүргийн ӨЭМТ-ийг түшиглэн 6-17 насны хүүхдийг статистикийн хувь тэнцүүлсэн аргаар байшин хороолол, гэр хороолол тус бүрээс судалгаанд хамрагдсан байхаар тооцон нийт 622 хүүхдийг хамруулан аналитик судалгааны аргын агшингийн загвараар гүйцэтгэв. Үр дүн: Судалгаанд хамрагдсан 6-17 насны хүүхдүүдийн дундах БСХШийн тархалтыг тогтоох судалгааны шалгуур үзүүлэлтийн дагуу ОУЧШХ, ДЭМБ, Күүк судалаачийн шалгуурын дагуу судалгааны үр дүнгээс түүвэрлэлт хийхэд ОУЧШХ, ДЭМБ-ын шалгуурыг хангасан 5(0.8%) тохиолдол, Күүкийн шалгуурыг хангасан 6 (1%) тохиолдол байв. 1317 насныхан 60% нь БСХШ-ийн 2 хүртэлх эрсдэлтэй байна. (p>0.001). Дүгнэлт: Улаанбаатар хотын 6-17 насны хүүхдүүдийн дунд бодисын солилцооны хамшижийн тархалт 1% байгаа нь тодорхойлогдлоо. Хүүхдийн амьдарч буй нөхцөл нь жингийн илүүдэл болон таргалалттай хамааралтай байгаа ба хүйсийн хувьд ялгаатай байдал ажиглагдаж байна. Биеийн жингийн илүүдэл, таргалалт нь эрэгтэй хүүхдэд харьцангуй их тархалттай байгаа нь тус тус тодорхойлогдлоо.
  • Some of the metrics are blocked by your 
    Item type:Publication,
    Чихрийн шижин хэв шинж 2 оношлогдсон иргэдийн гарын атгалтын хүчийг тодорхойлсон дүн
    Үндэслэл: Монгол улсад ХБӨ-ний тархалтын болон эмнэл зүйн судалгаанууд хийгдсэн хэдий ч чихрийн шижингээр оношлогдсон иргэдийн гарын атгалтын хүчийг хэмжсэн судалгаа хийгдээгүй байгаа нь энэ судалгааг хийх үндэслэл боллоо. Зорилго: Улаанбаатар хотын өрхийн эрүүл мэндийн төвүүдэд чихрийн шижин хэв шинж 2 (ЧШХШ) оношлогдсон иргэдийн гарын атгалтын хүчийг хэмжих. Арга, аргачлал: Судалгааг хүн амд суурилсан нэг агшингийн загвараар хийж гүйцэтгэсэн бөгөөд ЧШХШ 2 оношлогдсон 40-с дээш насны 347 оролцогчдыг хамруулсан. Судалгааны мэдээ материалыг олон улсын саркопени нийгэмлэгийн гаргасан удирдамжын дагуу гарын атгалтын хүчийг үнэлсэн. Үр дүн: Судалгаанд нийт 347 хүн хамрагдсан бөгөөд дундаж нас нь 59.87±8.93 жил байв. Судалгаанд хамрагсадын 59.9% нь (n=208) эмэгтэйчүүд, 40.1% нь (n=139) эрэгтэйчүүд эзлэж байв. Судалгаанд хамрагсадын 81.3% нь АД ихсэлттэй, 42.1% нь зүрх судасны өвчтэй, 36.0% нь нүдний эмгэгтэй, 28.2% нь бөөрний эмгэгтэй, 26.8% нь үе мөчний эмгэгтэй байв. Судалгаанд хамрагдсан эрэгтэйчүүдийн гарын атгалтын хүчний (ГАХ) дундаж хэмжээ баруун гарт 36.27±21.76 кг, зүүн гарт 33.50±21.41 кг, харин эмэгтэйчүүдийн баруун гарт 23.28±14.31 кг, зүүн гарт 22.14±15.10 кг байв. Насны бүлгээр нь авч үзэхэд эрэгтэйчүүдэд баруун ГАХ нь 40-49 насны бүлэгт хамгийн их буюу 32.23±9.33 кг, харин эмэгтэйчүүдэд 40-49 насны бүлэгт хамгийн их буюу 20.66±5.62 кг байв. Баруун гар болон зүүн гарны ГАХ-ний дундаж хэмжээ нь насны бүлэгтэй харьцуулахад судлахад ялгаатай байсан бөгөөд нас ахих тутамд гарын атгалтын хүч буурч байв. Судалгаанд хамрагсадын ГАХ-ийг ЧШӨ-ний хувьсагчдын хооронд хүйсээр харьцуулан судлахад эрэгтэйчүүдийн ГАХ нь насны бүлэгтэй статистик ач холбогдолтой байв (p<0.02). Харин эмэгтэйчүүдэд ГАХ нь жирэмсэн үедээ ЧШӨ-өөр өвдөж байсантай статистик ач холбогдолтой байв (р<0.024). Дүгнэлт: Чихрийн шижин хэв шинж 2 оношлогдсон иргэдийн гарын атгалтын хүч эмэгтэйчүүдэд бага байв.