Даваа–Баасан 08:30–20:00 · Бямба 09:00–16:00
Now showing 1 - 2 of 2
  • Some of the metrics are blocked by your 
    Item type:Publication,
    Монгол хүүхдийн нүүрний зөөлөн эдийн хажуугийн төрхийг судалсан дүн
    Үндэслэл: Монгол хүүхдийн нүүрний төрхийн хэвийн дундаж хэмжээг тогтоох судалгаа манай оронд өмнө нь хийгдэж байгаагүй бөгөөд уг үзүүлэлтийг тодруулснаар, нүүр амны гажиг, согог засал, нөхөн сэргээх мэс заслын оношилгоо, эмчилгээнд төдийгүй хүн судлал, шүүх эмнэлэг, эргономик, хиймэл оюун ухааны салбарт чухал баримт болох юм. Зорилго: Монгол хүүхдийн нүүрний хажуугийн төрхийг гавлын хажуугийн рентген зураг (ГХРЗ) дээр судалж, хэвийн дундаж үзүүлэлтүүдийг тогтоох. Судалгааны материал ба арга зүй: Ретроспектив агшингийн судалгааны загвараар, “Монгол хүүхдийн эрүү нүүрний морфологийн өсөлт хөгжилт ба эрүү нүүрний гажиг үүсэх хүчин зүйлийг хэлэлцэх нь” сэдэвт судалгааны ажлын төслийн хүрээнд 2013 онд цугларсан мэдээ, материалд тулгуурлан, 6-15 настай харьцангуй эрүүл 541 (228 эрэгтэй, 313 эмэгтэй) хүүхдийн гавлын хажуугийн рентген зураг дээр нүүрний зөөлөн эдийн өнцгийн хэмжилтийг 11 анатомийн цэг, 1 хавтгай ашиглан судалж, 8 үзүүлэлтийг тодруулахдаа хүзүүний ясны хөгжилтийн үзүүлэлтийн ангиллыг баримтлав. Дүгнэлт: Монгол хүүхдийн нүүрний хажуугийн төрх өсвөр насандаа илүү гүдгэр болж, цаашид нас ахих тусам хавтгай болдог байна. Хүйс хоорондын ялгааны статистик ач холбогдол хэмжилт бүр дээр харилцан адилгүй байв.
  • Some of the metrics are blocked by your 
    Item type:Publication,
    Монгол хүүхдийн хамар уруулын өнцгийг тодорхойлсон нь
    (2023-05-18) ;
    Э.Билгүүн
    ;
    Ш.Батсүх
    ;
    Р.Алтанзул
    ;
    Үндэслэл: Монгол улсад хүүхдийн эрүү нүүрний гажгийн тархалт болон эмчилгээний хэрэгцээ их байгаа нь оношилгоо, эмчилгээний арга, техникийг сайжруулах шаардлагатайг харуулж байна. Монгол хүүхдийн нүүрний төрхийн хэвийн дундаж хэмжээ, тэр дундаа хамар уруулын өнцгийн үзүүлэлтийг тодруулснаар, нүүр амны гажиг, согог засал, нөхөн сэргээх мэс заслын оношилгоо, эмчилгээнд төдийгүй хүн судлал, шүүх эмнэлэг, эргономик, хиймэл оюун ухааны салбарт чухал баримт болох юм. Хамар уруулын өнцөг нь нүүрний төрхийг илтгэх гоо сайхны нэгэн хэмжигдэхүүн бөгөөд хэвийн үзүүлэлтэй харьцуулснаар оношилгоо хийх, эмчилгээний төлөвлөгөө боловсруулах, явцын үр дүнг хянах, харьцуулах боломжийг олгоно. Зорилго: Бид Монгол хүүхдийн хамар уруулын өнцгийг толгойн хажуугийн рентген зураг дээр судалж, хэвийн дундаж үзүүлэлтийг тогтоох. Арга, аргачлал: Судалгааг ретроспектив судалгааны загвараар “Монгол хүүхдийн эрүү нүүрний морфологийн өсөлт хөгжилт ба эрүү нүүрний гажиг үүсэх хүчин зүйлийг хэлэлцэх нь” сэдэвт судалгааны ажлын төслийн хүрээнд нийслэлийн ерөнхий боловсролын 33, 67 дугаар дунд сургуульд суралцагч 6-15 настай харьцангуй эрүүл 541 (228 эрэгтэй, 313 эмэгтэй) хүүхдийн 2013-аас 2015 онд цугларсан материалд тулгуурлан толгойн хажуугийн рентген зураг дээр хамар уруулын өнцгийг судалж үзүүлэлтийг тодруулахдаа хүүхдийн өсөлт хөгжлийн онцлогийг харгалзан тооцоолж, хүзүүний ясны хөгжлийн ангиллыг баримтлав. Дүгнэлт: Монгол хүүхдийн хамар уруулын өнцөг нас ахих тусам багасдаг байна. Хүйс хооронд статистик ач холбогдол бүхий ялгаа ажиглагдсангүй.