Ankhbayar, Bayartsetseg
Loading...
Товч нэр
Ankhbayar, Bayartsetseg
Бүтэн нэр
Ankhbayar Bayartsetseg
Латин нэр
Ankhbayar Bayartsetseg
Албан тушаал
Судлаач
8 results
Now showing 1 - 8 of 8
- Some of the metrics are blocked by yourconsent settings
Item type:Publication, Antioxidant Effect of GOYO-11 Against Aspirin-Induced Gastric Ulcer in Rats(Mongolian National University of Medical Sciences, 2021-07-01); ; ; ; Objectives: This study aimed to investigate the protective effects of GOYO-11 on aspirin-induced gastric ulcer formation. Methods: The prevention of aspirin-induced gastric ulcers was studied in 60 rats divided into 6 equally sized groups: healthy group (no aspirin), control group (aspirin-only), standard drug group (aspirin + omeprazole and bismuth), GOYO-11 (aspirin + GOYO-11 50 mg/kg, 100 mg/kg, 150 mg/kg, respectively). Results: The aspirin-only control group had distinctly attenuated activities of superoxide dismutase, catalase, glutathione peroxidase compared to the healthy group (p < 0.05). The control group showed a significant elevation in malondialdehyde levels compared to the healthy group (p < 0.05). The GOYO-11 high dose group had a significant elevation in superoxide dismutase levels compared to the control group (p < 0.05). The GOYO-11 middle dose group showed significant elevation in catalase, superoxide dismutase, glutathione peroxidase levels compared to the control group with a significant reduction in malondialdehyde level when compared to the control group (p < 0.05). Conclusions: GOYO-11 had a gastroprotective effect against aspirin-induced gastric ulcer rats and probably prevents ulcers by protecting the antioxidants, inhibiting lipid peroxidation (malondialdehyde), saving mucous glycoprotein, and decreasing the infiltration of inflammatory cells. - Some of the metrics are blocked by yourconsent settings
Item type:Publication, Үрэвслийн эсрэг дааврын бус эмийн шалтгаантай ходоодны шархны макро, микро бүтцэнд ГОЁО-11 талх эмийн үзүүлэх нөлөө(2021-03-21); ; Б.СувдҮндэслэл: Үрэвслийн эсрэг дааврын бус эмийн бэлдмэлийг (ҮЭДББ) үрэвсэл намжаах, халуун бууруулах, өвдөлт намдаахад өргөн хэрэглэж байна. Эдгээр эмүүд нь простагландины нийлэгжилтэнд оролцдог циклооксигеназа 1, 2 ферментийг дарангуйлж, улмаар салс, бикарбонатын шүүрлийг саатуулснаар ходоодны шарх үүсгэдэг. Уламжлалт анагаах ухааны эм найруулах аргад үндэслэн Улаан гоёо (Cynomorium songorica) ургамлаар гол болгон шинээр найруулсан Гоёо-11 талх эмийн ходоодны гэмтээгч ба хамгаалах хүчин зүйлд үзүүлэх нөлөөг судлав. Арга аргачлал: Туршилтанд 180г-220 г жинтэй 60 ширхэг SDF шугаман харх ашигласан. Эрүүл бүлэгт нэрмэл ус 0.5 мл, хяналтын бүлэг, эмчилгээний бүлэгт аспирин 200 мг/кг стандарт эмийн бүлэгт омепразол 4 мг/кг, Де-нол 700 мг/кг, Гоёо-11 (50, 100, 200 мг/кг) эмийг 1 сар уулгасны дараа ходоодны эдийг авч макро, микро бүтцийг судлав. Үр дүн: Уламжлалт анагаах ухаан эм найруулах аргаар найруулсан Гоёо-11 эм нь ходоодны салстын эсийн тоо, булчирхайн нөхөн төлжих эсүүд нэмэгдэж, салстын зузаан нэмэгдэж, шүүрлийг хориглох, эс хамгаалах механизмыг идэвхжүүлэх, цус тогтоох, шархны талбайг багасгах фармакологийн нийлмэл үйлдэл нь простогландины нийлэгжилтэнд оролцдог циклооксигенеза ферментийг үйл ажиллагааг идэвхжүүлэх эмгэг жамтай уялдаатай байна. Дүгнэлт: Гоёо-11 эм нь ходоодны салтыг хамгаалж, шүүрэл хориглож, цус тогтоож, шархыг анагаах үйлдэл үзүүлэв. Гоёо-11 эмийн 50мг/кг, 100мг/кг, 200мг/кг тун эмийг стандарт эм денол, омепразолтой харьцуулахад Гоёо-11 эмийн 100 мг/кг тун маш сайн үйлдэл үзүүлж байна. - Some of the metrics are blocked by yourconsent settings
Item type:Publication, МОЦҮ-ийн зарим эрсдэлт хүчин зүйл, өвчлөл, хүндрэлийн судалгааҮндэслэл: МОЦҮ нь хүүхдийн хэвлийн мэсзаслын яаралтай эмгэгийн тэргүүлэх шалтгаан хэвээр байна. Судлаачдынхаар 1000 нярайд 2-4 байгаа ч ихэвчлэн 5-аас дээш аль ч насанд элбэг тохиолддог1. Хэрэглэгдэхүүн, арга зүй: Судалгааг ЭХЭМҮТ-ийн ХЭ-ийн Ерөнхий мэс заслын тасагт 5 жилийн хугацаанд МОЦҮ оношоор эмчлэгдсэн 4675 хүүхдийн өвчний түүх, эмнэлзүй, эмгэгсудлалын оношлогооны материалд ретроспектив аргаар хийв. Гундобины ангилаар 0-3, 4-7, 8-11, 12 болон түүнээс дээш настай гэж бүлэглэн үзлээ. Судалгааны үр дүнг SPSS 20.0 программийг ашиглан тооцоолов. Үр дүн: Судалгаанд хамрагдагсдын хүйсийн харьцааг судлахад эмэгтэй хүүхэд 48 хувь (n=2244), эрэгтэй 52 хувь (n=2431)-ийг эзэлж байна. МОЦҮ-ийн хүндрээгүй буюу улайсан хэлбэр нь 20 хувь (n=607), идээлсэн 41 хувь (n=1247), үрэвсээгүй 39 хувь (n=1185) тохиолджээ. Эмгэгсудлалын шинжилгээнд МОЦҮ-ийн хүндэрсэн тохиолдлуудын 60 хувь (n=982) үхэжсэн, 40 хувь (n=654) үхжиж цоорсон хэлбэртэй байв. Өвчлөлийн давтамж, хэлбэр нь хүүхдийн настай статистик ач холбогдол бүхий ялгаатай байлаа (P≤0.05). Эмгэгсудлалын шинжилгээний хэмжилтээс үзэхэд мухар олгойн өргөн нь үрэвслийн явцтай хамааралтай байна (P≤0.05). Дүгнэлт: Судалгаанд оролцогчдын 0-3 насны бүлэгт мухар олгойн үрэвсэл 2 хувь тохиолдож байхад 8аас дээш насны хүүхдүүдэд (87 хувь) давтамж нь ихэсч байна. (P≥0.05). Хүйсний хувьд эмэгтэй хүүхэд 48 хувь, эрэгтэй хүүхэд 52 хувийг эзэлж байна. Өвчлөлийн давтамж, хэлбэр нь хүүхдийн настай статистик ач холбогдол бүхий ялгаатай байлаа. (P≤0.05). Өвчний явц даамжрах тутам мухар олгойн гадна өргөн нь нэмэгдэж байна (P≤0.05). - Some of the metrics are blocked by yourconsent settings
Item type:Publication, Хүүхдийн мухар олгойн цочмог үрэвслийн оношлогоонд PAS болон Alvarado үнэлгээг харьцуулан судалсан ньҮндэслэл: МОЦҮ-ийг эрт оношлон, цаашдын хүндрэлээс сэргийлэх, үрэвсэлгүй мухар олгой авах мэс заслын тоог бууруулахын тулд олон улсад оношлогооны хэд хэдэн онооны системүүдийг эмнэлзүйд нэвтрүүлэн судалж байна1-6 Зорилго: Хүүхдийн мухар олгойн цочмог үрэвслийн оношлогоонд PAS болон Alvarado үнэлгээний оношийн идэвхийг үнэлэх Арга, аргачлал: 2019 оны 9 сараас 2019 оны 12 сарын хооронд ЭХЭМҮТ дээр мухар олгой авах мэс засал хийлгэсэн 3-17 настай хүүхдүүдийн өвчний түүхээс эргэн судлах аргаар хийв. Судалгаанд хамрагсдад дээрх хоёр онооны системийг тус бүр тооцон гаргаж, ROC муруйн шинжилгээгээр босго утгыг тодорхойлов. Үр дүн: Судалгаанд 107 өвчтөнийг хамруулсан ба 89(83.17%) өвчтөнд эмгэгсудлалын шинжилгээгээр онош батлагдсан. Alvarado үнэлгээний дундаж нь МОЦҮ-тэй болон үрэвсэлгүй бүлэгт 6.7 ба 4.2 (P<0.001). PAS үнэлгээний дундаж тус хоёр бүлэгт 7.1 ба 4.8 (P<0.001). ROC муруйн шинжилгээгээр тодорхойлсон босго утга хоёр үнэлгээнд ≥6 байлаа. Дүгнэлт: 1. Alvarado болон PAS үнэлгээ хийж эмгэг судлалын шинжилгээтэй харьцуулан үр дүнг тооцоход мухар олгойн үрэвслийг илтгэх босго оноо 2 үнэлгээнд ≥6 байв. 2. Босго оноог ≥6 үед Alvarado болон PAS үнэлгээний өвөрмөц болон мэдрэг чанарын хувьд ач холбогдол бүхий ялгаагүй байв. - Some of the metrics are blocked by yourconsent settings
Item type:Publication, Өрхийн эмч нарын хүүхдийн өвчний цогц менежментийн сургалтанд хамрагдсан байдлын судалгаа(2021-04-06); Үндэслэл: Анхан шатны тусламж үйлчилгээ үзүүлэх эрүүл мэндийн ажилтнуудын хүртээмжийг өргөжүүлэхэд хатуу хүчин чармайлт шаардагдана хэмээн үздэг. Үүний нэг арга хэлбэр нь хүүхдийн өвчний цогц менежментийн (ХӨЦМ) төгсөлтийн дараах сургалтанд эмч нарыг хүртээмжтэй, тогтвортой хамруулах явдал байдаг. Зорилго: Өрхийн эмч нарын 5 хүртэлх насны хүүхдэд тусламж үзүүлсэн жилээс хамаарч буй зарим үзүүлэлт, ХӨЦМ-ийн төгсөлтийн дараах сургалтанд хамрагдалтын байдлыг үнэлэх. Арга аргачлал: Уг судалгааг 2020 оны 07-10 сарын хугацаанд Улаанбаатар хотын Баянгол, Чингэлтэй, Сүхбаатар дүүргийн 32, Өрхийн эрүүл мэндийн төвийн нийт 62 их эмчийг хамруулан гүйцэтгэсэн болно. Үр дүн: Судалгаанд оролцогчдын 20(32.3%) нь 3-с дээш жил 5 хүртэлх насны хүүхдэд эрүүл мэндийн тусламж үзүүлсэн бол 42(67.7%) нь 3 ба түүнээс бага жил байна. Сургалтанд хамрагдсан давтамж хоорондын хугацааг авч үзэхэд тогтвортой бус буюу багадаа 1 жилийн хамгийн ихдээ 6 жилийн завсарлагатай сургалтанд хамрагдсан байна. Дүгнэлт: Cудалгаанд оролцогчдын 49% зөвхөн нэг л удаа сургалтанд хамрагдсан ба нэгээс олон удаа хамрагдсан тохиолдолд сургалт хоорондын хугацаа тогтвортой биш байна. ХӨЦМ-ийн төгсөлтийн дараах сургалтанд хамрагдсан давтамж ба эмчийн өөрийгөө үнэлэх үнэлгээ сул хамааралтай байна. - Some of the metrics are blocked by yourconsent settings
Item type:Publication, Хүүхдийн мухар олгойн цочмог үрэвсэлийн үеийн хэт авиан шинжилгээний хоёрдогч шинжүүдийн оношийн идэвхийг дүгнэсэн нь(2020-04-13); ; Үндэслэл: Хэвлийн өвдөлттэй яаралтай тусламж авч байгаа хүүхдүүдийн ихэнх хувийг мухар олгойн цочмог үрэвсэл сэжиглэгдсэн хүүхдүүд эзэлж байна.1-4 Хүүхдийн мухар олгойн үрэвслийн ойролцоогоор 30% нь оношийн алдаанд хүрч байна.1,5 12 ба түүнээс бага насныханд анхдагч үзлэгийн оношийн алдаа нь 28-57% байдаг.3 Иймд оношийн алдааг бууруулахын тулд зайлшгүй шаардлагатай багажийн шинжилгээний аргууд болох хэт авиан шинжилгээ, компьютерийн томографийн аргыг хэрэглэх явдал юм. Бид энэхүү судалгаагаараа хэт авиан шинжилгээнд мухар олгой харагдахгүй, онош эргэлзээтэй үед хоёрдогч шинжүүд тус тусдаа болон хоршиж оношлогоонд хэрхэн үр дүнтэй ашиглагдаж болохыг харуулахыг зорилоо. Арга аргачлал: Уг судалгааг 2019 оны 5 сараас 2019 оны 11 сар хүртэлх хугацаанд ЭХЭМҮТ-ийн Ерөнхий мэс заслын тасагт мухар олгойн цочмог үрэвсэл хэмээн сэжиглэгдэн, хэт авиан шинжилгээ хийлгэсэн хүүхдүүдээс мэс ажилбарт орсон 480 тохиолдлыг хамруулсан ба 18-с бага насны, мухар олгой харагдахгүй байсан нийт 226 тохиолдолыг сонгон авлаа. Оношийг эмгэг судлалын шинжилгээнд үндэслэн дүгнэв. Хоёрдогч шинж бүрийн болон хамтатган тус бүрийн өвөрмөц болон мэдрэг чанар, эерэг таамаглах утга, сөрөг таамаглах утгыг тооцоолов. Үр дүн: Судалгаанд хамрагдсан хүүхдүүдийн дундаж нас 10.58 (1.6-18), хүйсийн хувьд 269 (56%) эрэгтэй, 211 (44%) эмэгтэй, хүйсийн харьцаа 1.3:1 байв. Хэт авиан шинжилгээнд мухар олгой харагдсан 254, харагдаагүй 226 тохиолдол байсан ба харагдаагүй тохиолдлын эмгэг судлалын оношоор МОЦҮ батлагдсан 190 хүүхэд, батлагдаагүй 36 хүүхэд байв. Олгой харагдаагүй 226 тохиолдлоос 202 тохиолдолд хоёрдогч шинж илэрсэн, 24-т нь илрээгүй үүнээс 2 хүүхэд МОЦҮ-тэй байв. Харин хоёрдогч шинж дангаараа илэрсэн үед эерэг таамаглах утга 90.2% 2 шинж илэрсэн тохиолдолд 94.9%, 3 ба түүнээс дээш шинж илэрсэн тохиолдолд 100% байна. Дүгнэлт: ХАШ-ний хоёрдогч шинжүүдээс нэг шинж илэрсэн үед МОЦҮ-ийг оношлох боломж 90%-аас дээш, цаашид илэрч буй шинж нэмэгдэх тусам үрэвсэлтэй болохыг харуулах утга ихсэж, 3 шинж илэрсэн тохиолдолд МОЦҮийг оношлох боломж 100% байна. - Some of the metrics are blocked by yourconsent settings
Item type:Publication, Аспиринаар өдөөгдсөн ходоодны шархлаа өвчний үеийн гоёо-11 эмийн нөлөөгөөр үүсэх простогландин ба гастриний өөрчлөлт, тэдгээрийн хамаарлыг судалсан үр дүн(2021-04-06); ; ; Үндэслэл: Ходоод дээд гэдэсний шархлаа өвчний тархалтын судалгаагаар дэлхийн хүн амын 10-15% тохиолддог, эрэгтэйчүүд 3-4 дахин өвчилдөг, 70-80% нь 25-40 насны хүмүүст тохиолдож байгаа нь судлаачдын анхаарлыг татаж байна. Цагаан гоёо ургамал орсон 11 найрлагатай эмийг шинээр анх удаа найруулсан бөгөөд ходоодны шархлаа өвчний үед хэрэглэж үр дүнг тооцох нэгдүгээр шатны судалгаа хийх зорилгоор уг сэдвийг сонгож авлаа. Зорилго: ходоодны шархлаа өвчний эмчилгээнд гоёо-11 эмийн бага, дунд, өндөр тунгийн нөлөөг гастрин, простагландины хоорондын хамааралаар үнэлэх. Арга аргачлал: Туршилтын амьтад 180г-220г жинтэй бие гүйцсэн 60 ширхэг SDF харх ашигласан. Бүлэг бүрт 10 харх байхаар тэнцүү 6 бүлэгт хуваасан. Туршилтын амьтдыг Өвөр Монголын Их Сургуулийн Туршилтын амьтны лабораториос авч ӨМИС-ын Монгол эм химийн лабораторт 22℃±1℃ температурт, 65%±5% чийгшилтэй, гэрлийн орчин 12/12 цагийн лабораторийн орчинд туршилтыг хийсэн. Үр дүн: Бага тунгийн простогландины хэмжээ дунд тунгийн гастриний хэмжээ хоорондоо дундаж сөрөг (r=-0.540), дунд тунгийн простогландины хэмжээ стандарт эмийн бүлэгийн гастриний хэмжээ хүчтэй эерэг (r=0.615) ,стандарт эмийн бүлэгийн гастриний хэмжээ бага тунгийн гастриний хэмжээ хүчтэй эерэг (r=0.614), стандарт эмийн гастриний хэмжээ дунд тунгийн гастриний хэмжээ хүчтэй эерэг (r=0.788), стандарт эмийн гастриний хэмжээ өндөр тунгийн гастриний хэмжээ маш хүчтэй эерэг хамааралтай (r=0.879) байна. Дүгнэлт: Гоёо11 эмийн бага, дунд, өндөр аль ч тунгийн хэмжээ нь ходоодны гастрин, простогландины шүүрэлд харилцан нөлөө үзүүлэх чадвартай байна. - Some of the metrics are blocked by yourconsent settings
Item type:Publication, Хүүхдийн мухар олгойн үрэвслийн үед цагаан эс, түүний нэмэлт үзүүлэлтүүдийг харьцуулан судалсан нь(2020-04-13); ; Үндэслэл: Мухар олгойн цочмог үрэвсэл нь хэвлийн цочмог өвдөлтийн голлох шалтгаан юм. Хүүхдийн мухар олгойн цочмог үрэвслийн оношлогоо нь түвэгтэйгээс олгой цоорч хүндрэхээс гадна, үрэвсэлгүй олгой авах нь цөөн биш тохиолддог. Хүүхдийн анатоми, физиологийн онцлог, өөрийгөө илэрхийлэх болон эмчийн үзлэгт хариу өгөх чадвартай холбоотой хүүхдийн мухар олгойн цочмог үрэвслийн оношлогооны асуудал нь тулгамдсан асуудал хэвээр байна. Зорилго: Энэхүү судалгаагаар бид мухар олгойн цочмог үрэвсэлтэй болон үрэвсэлгүй тохиолдлуудад цусны шинжилгээнд цагаан эсийн зарим үзүүлэлтийг харьцуулан үнэлэх зорилго тавьлаа. Судалгааны арга зүй: Уг судалгааг 2019 оны 5 сараас 11 сар хүртэлх хугацаанд ЭХЭМҮТ-ийн Ерөнхий мэс заслын тасагт мухар олгой авах мэс засал хийгдсэн 18-аас доош насны 480 хүүхдийг хамруулав. Гистологийн шинжилгээний үр дүнгээс үрэвсэлтэй 75% (n=361), үрэвсэлгүй 25% ( n=119) гэсэн 2 бүлэгт хувааж, цусны цагаан эс, нейтрофиль, лимфоцит, нейтрофиль-лимфоцитийн харьцааны дундаж хэмжээ, босго утга, оношийн нарийвчлалыг тооцоолов. Статистик боловсруулалтыг SPSS 20.0 программыг ашиглан гүйцэтгэв. Үр дүн: Судалгаанд 480 хүүхдэд хамрагдсанаас мухар олгойн үрэвсэлтэй 361, үрэвсэлгүй 119 хүүхэд байв. Хоёр бүлгийн нас болон хүйсийн хувьд статистик ач холбогдол бүхий ялгаагүй байна. (p=0.217 ба 0.395). Цагаан эс, нейтрофиль эс, лимфоцит эс, нейтрофиль-лимфоцитийн харьцаа хоёр бүлгийн хувьд статистик ач холбогдол бүхий ялгаатай байна (p<0.001). Хүлээн авагчийн онцлог шинж чанарын муруйн шинжилгээнээс муруйн доорх талбайг тооцоход цагаан эс 0.614, нейтрофил эс 0.716, лимфоцит эс 0.217, нейтрофиль-лимфоцитийн харьцаа 0.934 байлаа. Нейтрофиль-лимфоцитийн харьцааны босго утга 4.97, мэдрэг чанар 89.4%, өвөрмөц чанар 83.3% байв. Дүгнэлт: Цусны цагаан эсийн нейтрофиль-лимфоцитийн харьцаа нь хүүхдийн мухар олгойн үрэвсэлтэй, үрэвсэлгүй болохыг оношлох чадвараараа бусад цусны шинжилгээнүүдийн үзүүлэлтүүдээс илүү байна.