Даваа–Баасан 08:30–20:00 · Бямба 09:00–16:00
Now showing 1 - 7 of 7
  • Some of the metrics are blocked by your 
    Item type:Publication,
    Эх баригч мэргэжилтний үгэн бус харилцааны ур чадварыг үнэлсэн дүн
    (2024-04-13) ; ;
    Х.Цэцэгсүрэн
    ;
    Д.Гандолгор
    ;
    М.Мэндбаяр
    Үндэслэл: ЭМС-ын А/451 дугаар тушаалаар эх баригч мэргэжилтний төгсөлтийн дараах цогц чадамжийг баталсан. Эх баригчийн цогц чадамж гэдэг нь эх, нярай, эмэгтэйчүүд, тэдгээрийн гэр бүлд нөхөн үржихүйн болон эх барихуйн тусламж үйлчилгээ үзүүлэхэд шаардагдах мэргэжлийн үнэ цэнэ, мэдлэг, ур чадвар, харилцаа хандлагын цогц ойлголт юм.1 Цогц чадамжийг бүрдүүлэх 6 чадварын нэг нь “харилцагч” байх чадвар юм. Манай улсад эх баригчийн харилцааны ур чадварыг ажлын байран дээр үнэлсэн судалгаа хараахан хийгдээгүй байгаа нь энэхүү судалгааг хийх үндэслэл боллоо. Зорилго: Өргөө Амаржих Газарт ажиллаж буй эх баригч мэргэжилтний үгэн бус харилцааны ур чадварыг үнэлж, түүнд нөлөөлөх нийгэм, хүн ам зүйн хүчин зүйлийн хамаарлыг тодорхойлох. Арга, аргачлал: ДЭМБ-ын “Төрөлтийн эерэг туршлагыг сайжруулахад чиглэсэн төрөх үеийн тусламж үйлчилгээ” удирдамж, Дэлхийн эх баригчдын нийгэмлэгээс гаргасан баримт бичгүүдэд тохирсон байдлыг харгалзан судлаач Alimoradi нарын боловсруулсан нээлттэй үнэлгээний хуудсаар Нийслэлийн Өргөө Амаржих Газарт ажиллаж буй 49 эх баригчийг судалгаанд хамруулж, дескриптив судалгааны нэг агшингийн загвараар үгэн бус харилцааны ур чадварыг ажиглалтын аргаар үнэлж, нийгэм хүн ам зүйн хүчин зүйлтэй холбон судлав. Үр дүнг SPSS 26.0 программаар тооцоолов. Үр дүн: Судалгааны явцад ажлын байран дээр 49 эх баригчийн 196 удаагийн ажиглалтыг хийсэн. Судалгаанд хамрагдсан эх баригч нарын дундаж нас 35.38+9.22, 50% нь дундажаар 6-16 жилийн ажлын туршлагатай, 77.6% нь гэрлэсэн, 81.6% нь улсын сургуульд суралцаж, бакалаврын боловсрол эзэмшсэн, 100% хөдөлмөрийн гэрээ байгуулсан үндсэн ажилтан байв. Эх баригчдын 42.9% нь цалин орлогын байдалдаа сэтгэл дундуур байсан. Ажлын ачааллын байдлаар 65.3% нь өдөрт 30 ба түүнээс дээш хүнд үйлчилдэг ба үйлчлүүлэгчийн тоо нэмэгдэхэд үйлчлүүлэгч нэг бүртэй ганцаарчлан харилцах байдал буурсан (р=0.043). Нас нэмэгдэхэд үйлчлүүлэгчийг сонсож байх явцдаа үгэн бус дохио үзүүлж харилцах чадвар нэмэгдэж байсан (р=0.015). Харилцааны ур чадварын сургалтанд хамрагдаагүй эх баригч нар үйлчлүүлэгчтэй харилцах явцдаа биеийн байрлалаа буруу байрлалд байршуулж байгаа нь (p=0,022) ажиглагдсан. Шөнийн ээлжинд ажиллаж буй эх баригч нар үйлчлүүлэгчтэй нүүр царайны хувирал үзүүлж харилцах чадвар буурсан (p=0.045) байв. Өдрийн ээлжинд ажиллаж буй эх баригч нарт үйлчлүүлэгчийн яриаг нь таслахгүй сонсох чадвар (p=0.017) сайн байсан. Дүгнэлт: Эх баригчийн үгэн бус харилцааны ур чадвар нь цалиндаа сэтгэл хангалуун эсэх, харилцааны ур чадварын сургалтанд хамрагдсан эсэх болон ажлын цагийн ачаалалтай шууд хамааралтай байна.
  • Some of the metrics are blocked by your 
    Item type:Publication,
    Сувилахуйн хөтөлбөр хэрэгжүүлэхэд оролцогч талуудын судалгааны үр дүн
    (2022-04-28) ;
    Г.Ганхуяг
    ;
    ;
    Их дээд сургуулийн алсын хараа, эрхэм зорилго, хөтөлбөрийн эрхэм зорилго, нэгжийн эрхэм зорилго нь суралцахуйн үр дүнд шууд нөлөөлдөг. Тухайлбал их сургуулийн урт хугацааны төлөвлөлт, алсын хараа, эрхэм зорилгыг хангахад тухайн хөтөлбөр өөрийн үүргээ хэрхэн гүйцэтгэж ямар чадамжтай төгсөгч бэлтгэх ёстойг тодорхойлдог байна1. ДЭМБ-ын 2021-2025 онд хэрэгжүүлэх Сувилахуй, эх барихуйн стратегийн тэргүүлэх чиглэлд боловсролын чанарын асуудлыг нэн тэргүүнд тавьсан билээ. МУ-ын хувьд Сувилахуйн боловсролын хэтийн төлөв, баримтлах зарчим, стратегийг тодорхойлох, чанар сайжруулах-төгсөгчөө сургууль хариуцдаг тогтолцоог нэвтрүүлэх зэрэг ажлуудыг эхлэхээр төлөвлөж байна.2 Үр дүнд суурилсан боловсролын арга зүйн дагуу сургалтын хөтөлбөр шинээр боловсруулах ажлын хүрээнд хөтөлбөрийн боловсролын зорилго, зорилтуудыг шинэчлэн тодорхойлох эсвэл өөрчлөлт хийж буй тохиолдолд (PЕO)-г сургуулийн алсын хараа эрхэм зорилго, зорилттой уялдуулах ёстой. Хөтөлбөрийн суралцахуйн үр дүн буюу сувилахуйн оюутны сэтгэл ханамж болон нэгж хичээлийн үр дүн (CEQ)-ийн түвшин дунд байна. ҮДСБ-ын хөтөлбөрийг хэрэгжүүлж буй багш нарын оролцоог тодорхойлоход маш өндөр (r=0.87), багш нарын оролцоонд удирдлагын дэмжлэг өндөр (r=0.81), сургалтын хөтөлбөрт эрхэм зорилго зорилт дунд (r=0.69) хамааралтай байгаа нь PEO тодорхойлоход эрхэм зорилго, зорилтын уялдааг сайжруулах шаардлагатай байна.
  • Some of the metrics are blocked by your 
    Item type:Publication,
    Сувилахуйн оюутнуудын үйлчлүүлэгчийн аюулгүй байдлын мэдлэг, чадварыг асуумжаар үнэлсэн үнэлгээний үр дүн
    (2021-11-01)
    М.Гэрэлтуяа
    ;
    Э.Наранцэцэг
    ;
    Г.Ганхуяг
    ;
    Сүүлийн жилүүдэд эрүүл мэндийн байгууллагаар үйлчлүүлж буй үйлчлүүлэгчдийн аюулгүй байдалд ихээхэн анхаарал хандуулж байна. Зорилго: Сувилахуйн оюутнуудын үйлчлүүлэгчийн аюулгүй байдлын мэдлэг, чадварыг үнэлэх. Арга, аргачлал: Үйлчлүүлэгчийн аюулгүй байдлын талаарх сувилагчийн мэдлэг, чадвар, хандлагыг судлаач Нам Жу Ли (2017) нар үйлчлүүлэгчийн аюулгүй байдлын хүрээ болон Солонгосын эрүүл мэндийн тогтолцоо, сувилахуйн боловсролын орчинг тусгаж үйлчлүүлэгчийн аюулгүй байдлын чадварын өөрийгөө үнэлэх хэмжүүрийг (PSCSE) боловсруулан судалсан загвараар АШУҮИС-ийн Сувилахуйн сургуулийн сувилахуйн мэргэжлээр суралцаж буй 2-4 дамжааны 18-32 насны 191 оюутныг хамруулан судалгааг хийсэн. Үр дүн: Судалгаанд Сувилахуйн 2 дугаар дамжааны оюутан 43 (22.6%), 3 дугаар дамжааны оюутан 66 (34.7%), 4 дүгээр дамжааны оюутан 81 (42.7%) хамрагдсанаас 170 (89,4%) нь 18-22 насны оюутнууд байв. Сувилахуйн оюутнуудын үйлчлүүлэгчийн аюулгүй байдлын мэдлэгийн хамгийн бага утга 1.67, хамгийн их утга 5, дундаж оноо 3.55±0.54 байхад чадварын хамгийн бага утга 2.57, хамгийн их утга 5, дундаж 3.7±0.42 байсан. Дүгнэлт: 1. Сувилахуйн оюутнуудын үйлчлүүлэгчийн аюулгүй байдлын мэдлэг болон чадварыг төвшинг үнэлэхэд мэдлэгийн дундаж оноо 3.55±0.54 байхад чадварын дундаж оноо 3.7±0.42 байсан. 2. Сувилахуйн оюутнуудын үйлчлүүлэгчийн аюулгүй байдлын мэдлэг, чадварын хамаарлыг тодорхойлоход мэдлэгтэй, чадвартай 101(72.1%) оюутнууд байгаа нь статистикийн хувьд ач холбогдолтой (р=0.0001) байна. Энэ үр дүнгээс харахад мэдлэгтэй оюутан ур чадвартай болохыг харуулж байна.
  • Some of the metrics are blocked by your 
    Item type:Publication,
    Сувилахуйн сургуулийн оюутнуудын өөрийгөө үнэлэх үнэлэмжийг судалсан нь
    (2024-01-21)
    Б.Мөнхтуяа
    ;
    Г.Ганхуяг
    ;
    Үндэслэл: Суралцахуйн нөөц, чадвар хүн бүрт байдаг бөгөөд хүн өөрийгөө танин мэдэх, юмсын учир холбогдлыг өөрөө олж мэдэх, өөрийгөө үнэлэх замаар сонирхол, хэрэгцээ, авъяас чадвараа нээн илрүүлэх өөрийгөө хөгжүүлэх асуудал нь өрнө дорнын үе үеийн сэтгэгчдийн дэвшүүлсэн философи үзэл баримтлал онол сургаальд чухал байр суурь эзлэсээр ирсэн. Суралцахуйн үндэс нь хүн өөрийгөө танин мэдэх, нээн илрүүлэхээс эхлэлтэй тул амжилттай суралцахад өөрийгөө үнэлэх үнэлэмж онцгой чухал үүрэгтэй1. Бие хүн хөгжин төлөвших үйл явц түүний үр дүн нь тухайн хүний өөрийнх нь идэвх оролцоо, өөртөө тавих шаардлага, өөрийгөө үнэлэх үнэлэмж зэргээс ихээхэн шалтгаална. Өөрийгөө танин мэдэх, өөрийгөө хүндлэх, өөртөө итгэлтэй байх энэхүү хэрэгцээ нь хүний амьдралын туршид байнга өсөн нэмэгдэж байдаг. Бүхий л үе шатанд хүмүүс амьдралын утга учрыг эргэцүүлэн өөрт нь хамгийн чухал юм юу болохыг хайж эрэлхийлж байдаг байна2. Зорилго: Сувилахуйн оюутнуудын өөрийгөө үнэлэх үнэлэмжийг тодорхойлох. Арга, аргачлал: Судалгааг аналитик судалгааны агшингийн загвараар гүйцэтгэсэн бөгөөд үр дүнг SPSS-25 программ, Microsoft Exsel программуудыг ашиглан өгөгдлийг кодлож, алдааг шалгасны дараа боловсруулалтыг хийв. Үр дүн: Судалгаанд АШУҮИС-ийн Сувилахуйн сургуулийн сувилахуйн бакалаврын хөтөлбөрийн 356 (48.6%) оюутан, сувилахуйн дипломын хөтөлбөрийн 377 (51.4%) оюутан, нийт 17-43 насны 733 оюутан хамрагдсан бөгөөд дундаж нас нь 21.2±4.2 жил байв. Судалгаанд хамрагдсан оюутнуудын 49 (6.68%) нь өөрийгөө үнэлэх үнэлэмж маш өндөр, 55 (7.5%) нь өөрийгөө үнэлэх үнэлэмж дунджаас дээгүүр түвшинд, 142 (19.4%) нь өөрийгөө үнэлэх үнэлэмж дундаж түвшинд, 487 (66.4%) нь өөрийгөө үнэлэх үнэлэмж маш бага гэж үнэлсэн. Дүгнэлт: Оюутнуудын өөрийгөө үнэлэх үнэлэмж маш бага (66.4%) байна. Энэ нь тэдний нас, болон нийгэмд эзлэх байр суурь, мөн хүрээлэн буй орчны нөлөөлөл, ар гэр, багш, эцэг эхийн оролцоотой холбоотой байх магадлалтай учраас оюутан хэмээх бие хүний өөрийгөө үнэлэх үнэлэмж хөгжиж төлөвших насанд нь өөрийгөө үнэлэх үнэлэмжийг дээшлүүлэх хэрэгцээ байна.
  • Some of the metrics are blocked by your 
    Item type:Publication,
    Артерийн гипертензийн талаарх эмчлүүлэгчдийн мэдлэгийг үнэлсэн зарим үр дүн
    (2023-11-03)
    Ли Ли
    ;
    ;
    Г.Ганхуяг
    Үндэслэл: БНХАУ-д хийгдсэн судалгаагаар хүн амын нийт нас баралтын 71 хувийг халдварт бус өвчин (ХБӨ) эзэлж байгаа бөгөөд нас баралтын тэргүүлэх шалтгаан нь зүрх судас, тархины судасны өвчлөл байна. Энэ нь ХБӨ-ний 44 хувийг эзэлж байгаа нь хорт хавдрын өвчлөлөөс хоёр дахин их байна. Улмаар 2030 он гэхэд зүрх судасны өвчнөөр нас барсан хүний нийт тоо 23 саяас давах төлөвтэй байгаа бөгөөд үүний гол шалтгаан нь артерийн даралт ихсэлт, таргалалт, чихрийн шижин өвчний хэв шинж 2 болон бусад хүчин зүйлүүд болоод байна. Халдварт бус өвчний дэлхийн зорилтуудын нэг бол 2010-2030 онд артерийн даралт ихсэх өвчний тархалтыг 33 хувиар бууруулах явдал юм. Зорилго: Артерийн гипертензийн талаарх эмчлүүлэгчдийн мэдлэгийг үнэлэх. Арга, аргачлал: Халдварт бус өвчний талаарх хүн амын мэдлэг, хандлага, дадлыг үнэлэх судалгааны стандарт STEPS асуумжаас судалгааны ерөнхий мэдээллийн асуумж, ХБӨ-ний талаарх ерөнхий мэдлэгийн асуумжийг ашигласан. Асуумж судалгааны үнэн магадлалтай болон найдвартай байдлыг шалгаж санамсаргүй түүврийн аргаар 5 эмчлүүлэгчийг сонгон авч асуумжаар ярилцлага хийж, судлаач мэдээлэл цуглуулах дадлага хийж, асуумжын найдвартай байдлыг Кронбах альфа (Cronbach’s alpha)-ийн утга нэгрүү дөхөх тусам найдвартай гэж үзсэн. Судлаач судалгааны 51 асуумжийн дагуу эмчлүүлэгчтэй ярилцаж оролцогчийн ойлголт, үзэл бодлоо үнэн зөв илэрхийлэх боломжийг олгож, 1 эмчлүүлэгчтэй 30 минут ярилцаж, судлаач судалгааг бөглөсөн. Үр дүн: Судалгаанд Монгол-Хятад эмнэлэгт хэвтэн эмчлүүлж буй 7 аймаг хошууны 43-89 насны 330 эмчлүүлэгчийн n=175 (53%) нь эрэгтэй, n=155 (47%) нь эмэгтэй байв. Амьдарч буй орчныг тодорхойлбол орон сууцанд 188 (57%), гэрт 100 (30%), хашаа байшинд 42 (13%) нь амьдарч байна. Ам бүлийн тооны хувьд 1-5 ам бүлтэй 253 (77%), 6-10 ам бүлтэй 77 (23%), дундаж нас 66.88+12.26 жил, оношлогдсон жилийн дундаж үзүүлэлт 8.39+6.83 байна (p=0.000). Судалгаанд хамрагсдын бүх насны бүлэгт артерийн даралт ихсэлт нь бусад өвчнөөр өвчлөх шалтгаан болдог гэдгийг мэддэг боловч байнгын хяналт хийхгүй, артерийн даралтыг зөв хэмжихгүй (.072) байна. Дүгнэлт: Судалгаанд хамрагдагсадын ихэнх хувь нь артерийн даралт ихсэлт нь бусад өвчний суурь болдог, артерийн даралт бууруулах аргуудаас эм хэрэглэх, идэвхтэй хөдөлгөөн хийх чухал гэдгийг мэддэг боловч хэрхэн хэзээ хэмжиж, хэрхэн хянахаа мэддэггүй байгаа эрүүл мэндийн боловсрол олгох шаардлагатай байгааг харуулж байна.
  • Some of the metrics are blocked by your 
    Item type:Publication,
    Сувилахуйн сургуулийн оюутнуудын электрон тамхины хэрэглээ түүнд нөлөөлөх хүчин зүйлсийн судалгаа
    (2025-12-05)
    Ан Яачун (An Yaqiong)
    ;
    ;
    Г.Ганхуяг
    ;
    Үндэслэл: Оюутан, залуучуудын дунд электрон тамхины хэрэглээ нэмэгдэж буй нь нийгмийн эрүүл мэндийн чухал асуудал болж байна. Эрүүл мэндийн боловсрол олгох үүрэгтэй анагаахын салбарын оюутнууд болох сувилахуйн чиглэлээр суралцаж буй оюутнуудын дунд электрон тамхины хэрэглээ болон түүнд нөлөөлөх хүчин зүйлсийг тодорхойлох нь чухал ач холбогдолтой юм. Зорилго: АШУҮИС-ийн Сувилахуйн сургуулийн оюутнуудын электрон тамхины хэрэглээ түүнд нөлөөлөх зарим хүчин зүйлсийг тодорхойлох. Арга, аргачлал: Бид энэхүү судалгааг аналитик судалгааны агшингийн загвараар 2025 оны 4 сараас 6 сарын хооронд хийж гүйцэтгэсэн. Судалгаанд нийт 557 сувилахуйн оюутан хамрагдаж, судалгааны мэдээ материалыг асуумжийн аргаар цуглуулсан. Асуумжинд хүн ам зүйн мэдээлэл, тамхи таталт, электрон тамхины талаарх оюутнуудын мэдлэг, хандлагыг илрүүлэх асуултууд багтсан. Үр дүнгийн статистик боловсруулалтыг SPSS-26.0 программ ашиглан хийж гүйцэтгэсэн. Үр дүн: Судалгаанд нийт 557 хүн хамрагдсанаас 448 (80.4%) нь эмэгтэй, 109 (19.6%) нь эрэгтэй байв. Эрэгтэй оюутнуудын дундаж нас 21.0±1.6 жил, эмэгтэй оюутнуудын дундаж нас 20.9±2.9 жил байв. Тамхины хэрэглээ оюутнуудын дунд өндөр (17,2%) байсан ба электрон тамхи хэрэглэгчдийн хувь дийлэнх нь буюу 13.3 хувь байв. Электрон тамхины хэрэглээнд нөлөөлөх хүчин зүйлсийг олон хүчин зүйлийн регрессийн шинжилгээгээр тодорхойлоход 20-25 настай оюутнууд электрон тамхи хэрэглэх нь 2.5 дахин өндөр (AOR=2.49, 95% CI:1.14-5.44, p=0.023), анх сургуульд элссэн харъяалал нь хотоос элссэн оюутнуудын хэрэглээ 1.8 дахин өндөр (AOR=1.81, 95% CI: 1.01–3.22, p=0.045), найз нөхөд нь тамхи татдаг оюутнууд электрон тамхи хэрэглэх нь 2.4 дахин өндөр (AOR=2.44, 95% CI: 1.35– 4.40, p=0.003), найзуудтайгаа 5-аас дээш цагийг хамт өнгөрүүлдэг оюутнуудын хэрэглээ 3.8 дахин өндөр (AOR=3.84, 95% CI:1.75–8.43, p=0.001), электрон тамхины талаарх мэдлэг багатай оюутнуудын хэрэглээ 2 дахин их (AOR=2.07, 95% CI: 1.16–3.70, p=0.014), электрон тамхины талаарх хандлага сөрөг оюутнуудын хэрэглээ 4.4 дахин их (AOR=4.43, 95% CI: 2.12–9.26, p<0.001) байв. Дүгнэлт: Сувилахуйн оюутнуудын электрон тамхины хэрэглээ харьцангуй өндөр байна. Найз нөхдийн нөлөө, электрон тамхины талаарх мэдлэг, хандлага нь голлох нөлөө үзүүлж байна. Иймээс оюутнуудад чиглэсэн эрүүл мэндийн боловсрол, урьдчилан сэргийлэх хөтөлбөрийг хэрэгжүүлэх шаардлагатай байна.
  • Some of the metrics are blocked by your 
    Item type:Publication,
    АШУҮИС-ийн Сувилахуйн сургуулийн оюутнуудын сэтгэл хөдлөлийн оюун ухааны түвшинг үнэлсэн дүн
    (2024-03-20)
    Г.Булган
    ;
    Э.Наранцэцэг
    ;
    ;
    Г.Ганхуяг
    ;
    Үндэслэл: EQ (Emotional quotient) буюу сэтгэл хөдлөлийн оюун ухаан гэдэг нь өөрийн болон бусад хүмүүсийг юу хөдөлгөж, идэвхтэй байлгадаг болон тэдэнтэй хэрхэн хамтарч ажиллахыг ойлгож, мэдрэх зэрэг цогц чадвар юм. Манай улсад энэ чиглэлээр судалгаа хийдэг байгууллагууд байдаг ч боловсролын салбарт төдийлөн судлагдаагүй байна. Судлаач Г.Ичинхорлоо нарын хийсэн судалгаанд 142 өсвөр насны хүүхэд хамрагдсанаас 64.1% нь сэтгэл хөдлөлийн оюун ухааны түвшин доогуур үзүүлэлттэй гэж тодорхойлогдсон бөгөөд энэ нь өөрийн ухамсар, өөрийн сэтгэл хөдлөлийг удирдах, өөрийн сэдэлжүүлэлт, бусдын мэдрэмж сэтгэл хөдлөлийг хуваалцах, бусдын сэтгэл хөдлөлийг хөгжүүлэх хэрэгцээ шаардлага байгааг харуулж байна. Зорилго: АШУҮИС-ийн Сувилахуйн сургуулийн сувилахуйн ангийн оюутнуудын сэтгэл хөдлөлийн оюун ухааны түвшинг тодорхойлох. Арга, аргачлал: Судалгааны мэдээ мэдээллийг тоон судалгааны аргаар нэг агшингийн загвараар хийж гүйцэтгэв. Судалгаанд АШУҮИС-ийн Сувилахуйн сургуулийн сувилахуйн ангид суралцдаг 110 оюутныг хамруулж хүн ам зүйн мэдээлэл цуглуулах асуумж, судлаач Н. Холл нарын сэтгэл хөдлөлийн оюун ухааны түвшинг тодорхойлох асуумжийг зөвшөөрөл авч хэрэглэн судалгааны мэдээллийг цуглуулсан. Үр дүн: Судалгаанд АШУҮИС-ийн Сувилахуйн сургуулийн сувилахуйн ангийн 110 оюутныг (дундаж нас 21.64±5.125) хамруулсан. Судалгаанд оролцогчдын 99.1%(109)-ийг эмэгтэйчүүд эзэлж байв. Судалгаанд оролцогчдын сэтгэл хөдлөлийн 5 түвшинг хэсэгчлэн тооцоолоход сэтгэл хөдлөлөө танин мэдэх чадвар 36.4% бага, 45.5% дунд, 18.2% нь өндөр гэж тодорхойлогдов. Харин сэтгэл хөдлөлөө удирдах чадвар 65.5% бага, 31.8% дунд, 2.7% өндөр байв. Өөрийгөө хөгжүүлэх чадвар 26.4 бага, 46.4% дунд, 27.3% өндөр байгаа нь тодорхойлогдсон. Бусдыг ойлгох чадвар 27.3% бага, 56.4% дунд, 16.4% өндөр байна. Бусадтай харилцах чадвар 28.3% бага, 50.9% дунд, 20.9% өндөр байв. Сэтгэл хөдлөлийн оюун ухааны ерөнхий түвшинг авч үзэхэд 34.5% бага, 60% дунд, 5.5% өндөр үзүүлэлттэй байна. Эдгээр үр дүнгээс харахад оюутнуудын сэтгэл хөтлөлөө удирдах чадвар хамгийн бага, өөрийгөө идэвхжүүлэх чадвар хамгийн өндөр байна. Дүгнэлт: Судалгаанд оролцсон оюутнуудын сэтгэл хөдлөлөө удирдах чадвар сул, бусадтай харилцах өөрийгөө хөгжүүлэх чадвар сайн байна. Цаашид оюутнуудын сэтгэл хөдлөлөө удирдах чадварыг нэмэгдүүлэх шаардлагатай байна.