Даваа–Баасан 08:30–20:00 · Бямба 09:00–16:00
Now showing 1 - 2 of 2
  • Some of the metrics are blocked by your 
    Item type:Publication,
    Хөгжлийн бэрхшээлтэй хүүхдүүдэд хийсэн хөдөлмөр засал эмчилгээний үр нөлөө
    (2025-01-01) ;
    Б.Мендигүл
    ;
    Т.Туяажаргал
    ;
    Г.Тунгалаг
    ;
    Ц.Хонгорзул
    Удиртгал: Хөгжлийн бэрхшээлтэй хүүхдүүдэд мэдрэхүй хөдөлгөөний үйл ажиллагаа, мэдрэхүй боловсруулалт, танин мэдэхүйн хөгжил, нийгмийн харилцааны ур чадварыг хөгжүүлэх шаардлагатай байдаг. Монгол улсад 2023 оны байдлаар 0-18 насны 11835 хүүхэд байгаагаас оюуны хоцрогдолтой 21,396, хавсарсан оноштой 7,409 хөгжлийн бэрхшээлтэй хүүхдүүд байна. Сүүлийн 10 гаруй жилд АШУҮИС-ийн СС-д сэргээн засахын мэргэжилтнүүд болох хөдөлгөөн, хөдөлмөр засалчдыг бэлтгэж байгаагаас тодорхой хувь нь хөгжлийн бэрхшээлтэй хүүхдүүдтэй ажиллаж байна. Гэсэн хэдий ч эдгээр хүүхдүүдэд урт хугацааны сэргээн засах эмчилгээ хязгаарлагдмал хэвээр байна. Энэхүү эмнэлзүйн тохиолдол судалгаагаар оюуны болон хавсарсан оноштой хөгжлийн бэрхшээлтэй хүүхдийн мэдрэхүйн боловсруулалт, нийгмийн харилцаа, өдөр тутмын амьдралын үйл ажиллагааг үнэлж, хөдөлмөр засал эмчилгээний үр дүнг үнэлэх юм. Оношилгоо: Судалгаанд оролцогчыг зориудын аргаар “Энэрэл” энэрэл хүүхэд хөгжүүлэх төвөөс хөдөлмөр засалд хамрагдсан хүүхдүүдээс сонгож авсан. Оролцогч А, 16 настай эрэгтэй, сонсгол, хэл ярианы бэрхшээлтэй, оюуны бэрхшээлтэй. Эхний үнэлгээгээр мэдрэхүйн боловсруулалтын асуудал, зан үйл, харилцааны бэрхшээлийг харуулсан. Эмчилгээ: Мэдрэхүйд суурилсан мэдрэхүйн боловсруулалтын эмчилгээ, харилцааны карт, дохионы хэл зэргийг багтаасан тусгай эмчилгээний хөтөлбөрийг асран хамгаалагчтай хамтран боловсруулсан. Хөдөлмөр заслын эмчилгээг долоо хоногт 5 удаа 40 минутаар 11 долоо хоногийн турш хийсэн. Эмчилгээний өмнөх болон дараах үнэлгээнд Зорилгын биелэлтийн хэмжүүр (САЗ) болон Мэдрэхүйн шинж байдлын үнэлгээ 2-г (хүүхэд) тус тус ашигласан. Эмчилгээний үр дүн: Оролцогчид харилцааны карт болон дохионы хэл ашиглан заахад бусадтай харилцах харицаа нэмэгдэж, сэтгэл хөдлөлийн зохицуулалт сайжирч, мэдрэхүйн боловсруулалт сайжирч, гадны өдөөлтийн хэт идэвхжил буурч байгааг харуулсан. Зорилгын биелэлтийн хэмжүүр (САЗ)-д +2 гэж үнэлсэн нь зорилгыг биелэлт хүлээлтээс давсан болохыг харуулж байна. Мөн Мэдрэхүйн шинж байдлын үнэлгээний 2 (хүүхэд) оноо 328-аас 63 болж буурсан нөлөө бүхий эерэг өөрчлөлтүүдийг харуулсан. Дүгнэлт: Мэдрэхүйд суурилсан мэдрэхүйн боловсруулалтын хөдөлмөр заслын эмчилгээ, харилцааны зурган карт, дохионы хэл зэрэг нь мэдрэхүйн асуудал, зан үйл, харилцааны бэрхшээлтэй хүүхдүүдэд хөдөлмөрийн гүйцэтгэл, өдөр тутмын үйл ажиллагааг сайжруулахыг харуулж байна.
  • Some of the metrics are blocked by your 
    Item type:Publication,
    “Хөдөлмөр засал” хөтөлбөрийн чанар хүртээмжийн үнэлгээ
    (2021-06-10) ;
    М.Эрдэнэцэцэг
    ;
    С.Долгорсүрэн
    ;
    Б.Мөнхбаясгалан
    ;
    С.Оюун-Эрдэнэ
    Сэргээн засах салбарын нэн чухал, эрэлттэй байгаа мэргэжилтэн бол хөдөлмөр засалч юм. Мэргэжилтэн бэлтгэж буй хөтөлбөрт үнэлгээ хийх нь сургалтын хөтөлбөрөө хэрхэн сайжруулах талаар хөтөлбөрөөс авч байгаа мэдээлэл бөгөөд оюутан, төгсөгч, багш нар болон бусад оролцогч талуудын хөтөлбөрийн тухай үнэлгээ, санал хүсэлт нь хөтөлбөрийн чанарыг сайжруулахтай холбоотой байдаг. Судалгааны зорилго: “Хөдөлмөр засалч” мэргэжилтэн бэлтгэх хөтөлбөрөөр суралцаж буй оюутан болон төгсөгчид хөдөлмөр заслын сургалтын хөтөлбөрийн чанар хүртээмжийг хэрхэн үнэлж буйг тодорхойлох. Агшингийн судалгааны загварыг ашиглаж тоон судалгааны аргаар хийсэн ба судалгаанд тус хөтөлбөрийн 34 оюутан, 19 хөдөлмөр засалч, нийт 53 хүн хамрагдсан. Судалгааг хөтөлбөрийн үнэлгээний батлагдсан загвар болох CIPP-г ашигласан бөгөөд асуумжийн дүнг дүрслэх болон дүгнэх статистикийн аргаар боловсруулав. Судалгаанд оролцогчдын өгсөн дүгнэлтийг асуумжийн 4 бүлгээр задалж үзвэл сургалтын үйл ажиллагааны нөхцөл байдал 4.04±0.6, сургалтын нөөц, хэрэглэгдэхүүн, орчин 2.96±0.79; сургалтын үйл явц 4.07±0.59, сургалтын үр дүн 4.08±0.66 байсан ба эдгээр үзүүлэлтүүдийг суралцагчдын дамжаа тус бүрээр харьцуулахад үнэн магадлал бүхий ялгаа харагдахгүй байна (p>0.01). Пирсоны корреляцын аргаар үзэхэд сургалтын үйл ажиллагааны нөхцөл байдал нь жил ирэх тусам дээшилж байгаа буюу хүчтэй эерэг хамааралтай (r=0.95) байдал ажиглагдлаа. Сургалтын үйл ажиллагааны нөхцөл байдал нь жил ирэх тусам сайжирч байна. “Хөдөлмөр засалч” мэргэжилтэн бэлтгэх хөтөлбөрийн сургалтын үйл ажиллагааны нөхцөл байдал, сургалтын үйл явц, сургалтын үр дүнг суралцагчид хангалттай сайн гэж үзсэн хэдий ч сургалтын нөөц, хэрэглэгдэхүүн, орчин нь шаардлага бүрэн хангахгүй байна гэж үзэж байна.