Loading...
Тархины саажилттай хүүхдийн Бобат эмчилгээний дараах өдөр тутмын үйл ажиллагааны сайжралыг үнэлсэн
Зохиогч
Он
2021 оны гуравдугаар сарын 13
Төрөл
journal article
Journal
Эрүүл мэндийн шинжлэх ухаан
Volume
17
Issue
3
Start Page
63
End Page
65
ISSN
2959-6947
Хураангуй
Үндэслэл: Тархины саажилт (ТС) нь 1000 амьд төрөлтөөс 2-3,5 тохиолддог бөгөөд тархины гэмтэл, хөдөлгөөн, байрлал, тэнцвэрт байдалд, оюун ухаанд нөлөөлдөг. Тархины саажилтыг хэлбэрээр нь спастик, дискинетик, атаксик эсвэл холимог гэж ангилдаг3,4. 2016 онд дэлхийд 17 сая тархины саажилттай хүмүүс байна гэсэн дэлхийн эрүүл мэндийн судалгаа байдаг6,7. Манай улсад 3000-4000 тархины саажилттай хүүхдүүд байдаг5. Иймээс тархины саажилттай хүүхдүүд жилээс жилд Монголд төдийгүй дэлхий дахина нэмэгдэж байна. Үүнтэй холбоотой тархины саажилттай хүүхдэд сэргээн засах тэр тусмаа хөдөлгөөн засал (Бобат) эмчилгээний дараах өдөр тутмын үйл ажиллагааны (усанд орох, хувцаслах, үс засах, хооллох, арчилгаа, бие засах) сайжралыг үнэлсэн судалгаа манай улсад хийгдээгүй байна. Зорилго: Тархины саажилттай хүүхдэд хийгдсэн Бобат эмчилгээнд суурилсан хөдөлгөөн засал эмчилгээний дараах өдөр тутмын үйл ажиллагааны сайжралыг үнэлэх. Материал арга зүй: 2020.01 сараас 2020.06 сар хүртэлх хугацаанд Хөгжлийн Бэрхшээлтэй Хүүхдийн Сэргээн Засах Хөгжлийн Төвийг түшиглэн явуулсан. Хэвтэн эмчлүүлж байсан ТС оноштой 41 хүүхдийг түүвэрлэн авч 14 хоног буюу нэг курс эмчилгээнд хамруулсан. Эмчилгээний өмнөх болон дараах үр дүнг өдөр тутмын үйл ажиллагааны (WeeFIM) шалгуураар үнэлсэн. Бүх үйлчлүүлэгчид долоо хоногт 5 өдөр (Бобат) эмчилгээг өдөрт 1 цагийн хугацаатай хөдөлгөөн засал эмчилгээ хийсэн. Үр дүн: Судалгаанд эрэгтэй 25(61%), эмэгтэй 16(39%) хүүхдүүдийн эмчилгээний өмнөх ба дараах үзүүлэлтүүдийг харьцуулахад хооллох чадвар (p≤0,023), өөрийгөө арчлах чадвар (p≤0,044), усанд орох чадвар (p≤0,012), дээгүүр хувцас өмсөх (p≤0,044), доогуур хувцас өмсөх (p≤0,032), шээх үйл ажиллагааг хянах чадвар (p≤0,023), өтгөнөө хянах чадварууд (p≤0,044) сайжирсан. Мөн WeeFIM-г ашиглан үнэлэхэд дээрх чадвараар эмчилгээний өмнөх болон дараах харьцуулалт хийхэд сайжирсан (p≤0.002) байна. Дүгнэлт: Хөдөлгөөн заслын эмчилгээнд Бобат эмчилгээний аргыг ашиглах нь тархины саажилттай хүүхдийн өдөр тутмын үйл ажиллагааны чадваруудыг сэргээхэд үр дүнтэй байна.
Aim: To determine the effect of Bobath approach on children with cerebral palsy. Method: The recruitment period was between January 2020 and June 2020, and based on Rehabilitation and Development Center for Children with Disabilities. We used data from 41 children with cerebral palsy who received the Bobath approach as the management of physical therapy. The progress of the children with cerebral palsy was evaluated using WeeFIM before and after treatment. The duration of the treatment approach was one hour a day and five days per week. Results: in the improvement of the following skills was observed in the children with cerebral palsy, including boys (61%), girls (39%) skill of eating (p≤0,023), taking care of himself or herself (p≤0,044), taking shower (p≤0,012), dressing (p≤0,044), undressing (p≤0,032), control of urination (p≤0,023), and control of defecation (p≤0,044) Also the total score of WeeFIM scores were increased (p≤0.002) after the treatment compared to the condition before the treatment. Conclusion: We have found that the Bobath approach has improved functional skills in Mongolian children with cerebral palsy.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/259
Эшлэл
Э.Баасанхүү, Д.Батлхам, Б.Мөнх-Эрдэнэ. Тархины саажилттай хүүхдийн Бобат эмчилгээний дараах өдөр тутмын үйл ажиллагааны сайжралыг үнэлсэн. Эрүүл мэндийн шинжлэх ухаан. 2021;17(3):63-65.