Loading...
Сонсголын бэрхшээлтэй иргэдэд нүүр амны тусламж үйлчилгээ авах үеийн харилцааны хэлбэр, гарч буй асуудлын судалгаа
Зохиогч
Он
2024 оны дөрөвдүгээр сарын 13
Төрөл
journal article
Journal
Эрүүл мэндийн шинжлэх ухаан
Volume
20
Issue
4
Start Page
34
End Page
37
ISSN
2959-6947
Хураангуй
Үндэслэл: Монгол Улсын Хөгжлийн бэрхшээлтэй хүний эрхийн тухай хуулийн 20 дугаар зүйлийн 20.2 дахь хэсэгт эрүүл мэндийн байгууллага хөгжлийн бэрхшээлтэй хүнд эрүүл мэндийн тусламж, үйлчилгээ үзүүлэхдээ тэдний онцлог хэрэгцээ, шаардлагыг хангасан хүртээмжтэй орчин, техник, тоног төхөөрөмжөөр тоноглогдсон байна гэж заажээ. Сонсголын бэрхшээлтэй хүнд эрүүл мэндийн тусламж үйлчилгээ авахад хэрэгцээ, шаардлагыг хангаж ажилладаг чиглэлээр манай оронд хийгдсэн судалгаа, түүнд тулгуурлан хийгдсэн төсөл, арга хэмжээ хангалтгүй байдаг нь манай судалгааны үндэслэл боллоо. Зорилго: Сонсголын бэрхшээлтэй иргэдэд нүүр амны тусламж үйлчилгээтэй холбоотой тулгардаг бэрхшээл, сэтгэл ханамжийг судлах. Материал, арга зүй: Судалгааг сонсголын бэрхшээлтэй иргэдэд зориулсан “Мандах Наран цуглаан”-д явдаг нийт сонсголын бэрхшээлтэй 32 иргэдийг сайн дураар хамруулж, 4 бүлэг бүхий хаалттай болон нээлттэй асуумжийн төрлийг ашигласан. Асуумжийг бичвэр болон дохионы хэл хэлбэрээр хослуулан авч үр дүнгийн боловсруулалтыг STATA программ ашиглан хи квадрат, логистик регресс шинжилгээгээр тодорхойлж р утга <0.05 үед статистик үнэн магадлалтай гэж үзсэн. Үр дүн: Судалгаанд 19-60 насны (дундаж нас 42±14) оролцогчид хамрагдсанаас 40.6% (n=13) нь эрэгтэй байв. Судалгаанд оролцогчид эмч, эмнэлгийн мэргэжилтэнтэй харилцахдаа 64.52% (n=20) нь бичгээр, 25.81% (n=8) нь дохио зангаагаар, 25.81% (n=8) нь дохионы хэлгүй хүнтэй хамт ирдэг, 16.13% (n=5) нь дохионы хэлтэй хүнтэй хамт ирдэг, 12.9% (n=4) нь зургаар, 12.9% (n=4) нь бусад хэлбэрээр болон 3.23% (n=1) нь ярианы хэлбэрээр гэсэн байна. Эмчид зовууриа бүрэн илэрхийлж чаддаггүй 80.64% (n=25) гэсэн ба эрүүл мэндийн үйлчилгээтэй холбоотой ерөнхий сэтгэл ханамжийг үнэлэхэд 22.58% (n=7) нь маш муу, 16.13% (n=5) нь муу, 48.39% (n=15) нь дунд байв. Ерөнхий сэтгэл ханамж сайн байх үзүүлэлтийг эмчийн харилцаа хандлага 22.66 дахин (CI:3.13-163.62, p<0.001), эмчийн хэлсэн зүйлийг ойлгодог байх нь 7.42 дахин (CI:1.22-45.0, p=0.02), үйлчлүүлэгчийн хэлсэн зүйлийг эмч ойлгодог байх нь 9.91 дахин (CI:1.74-56.03, p=0.006) тус тус нэмэгдүүлж байв. Дүгнэлт: Сонсголын бэрхшээлтэй иргэд нь нүүр амны тусламж үйлчилгээ авахдаа эмнэлгийн мэргэжилтнүүдтэй төрөл бүрийн аргаар харилцаж байгаа хэдий ч хүндрэлтэй, ерөнхий сэтгэл ханамж муу байгаа тул дохио болон бичгийн харилцааг хүртээмжтэйгээр хялбарчлах шаардлагатай байна.
Aim: To study the issues people with hearing impairment face during dental appointment and their satisfaction level Materials and Methods: A group of 32 participants with hearing impairment who visited “Mandakh Naran” voluntarily completed an organized questionnaire. The questionnaire consisted of four different categories of questions, including general information, ways of communication, issues related to dental appointments, and satisfaction with dental care services. The questionnaire was administered in both sign language and written form. Chi-square and logistic regression tests were conducted using the STATA program, with a significant p-value of less than 0.05. Results: The mean age of the participants was 42±14 and 40.6% (n=13) of them were male. 78.3% (n=25) of the participants were able to communicate with sign language. When it comes to the ways to communicate with their dentist, 64.52% (n=20) of them communicated with text, 25.81% (n=8) with sign language, 25.81% (n=8) with people who are not interpreters, 16.13% (n=5) with interpreters, 12.9% (n=4) with picture, and 3.23% (n=1) with other methods. 80.64% (n=25) of the participants informed that they could not express their symptoms or needs. In terms of overall satisfaction with dental care service, 22.58% (n=7) of them were not satisfied at all, 16.13% (n=5) of them were not satisfied, and 48.39% (n=15) of them were in the middle. According to the participants, the overall satisfaction level was increased 7.42 times (CI:1.22-45.0, p=0.02) by understanding their dentists, 9.91 times (CI:1.74-56.03, p=0.006) by letting their dentists understand them, and 22.66 times (CI:3.13-163.62, p<0.001) by dentists’ attitude towards them. Conclusion: Individuals who have hearing impairment face communication difÏculties when receiving oral care from medical professionals. Although there are various methods of communication available, the overall satisfaction level is often poor due to the complexity of communication. There is a need for simpler methods of sign and written communication.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/172
Эшлэл
С.Хатанзаяа, Б.Мишээл, Л.Энэрэл, Ц.Зултуяа, Б.Дагиймаа, Д.Намуун нар. Сонсголын бэрхшээлтэй иргэдэд нүүр амны тусламж үйлчилгээ авах үеийн харилцааны хэлбэр, гарч буй асуудлын судалгаа. Эрүүл мэндийн шинжлэх ухаан. 2024;20(4):34-37.