Loading...
Атопийн арьсны үрэвсэлтэй 0-2 насны хүүхдүүдэд кандидийн төрлийн мөөг тодорхойлж, эмийн мэдрэг чанарыг судалсан дүн
Зохиогч
Ч.Эрдэнэчимэг
Б.Отгонжаргал
Ч.Баттогтох
Я.Энхтөр
Он
2023 оны тавдугаар сарын 18
Төрөл
journal article
Journal
Эрүүл мэндийн шинжлэх ухаан
Volume
19
Issue
3
Start Page
16
End Page
20
ISSN
2959-6947
Хураангуй
Үндэслэл: Атопийн арьсны үрэвсэл нь нярай, хүүхэд насанд эхэлдэг архаг дахилтат арьсны өвчин юм.1 Атопийн арьсны үрэвслийн шалтгаан бүрэн тодорхой болоогүй ч арьсны хоригийн үйл ажиллагаа алдагдах, харшил төрүүлэгчийн нөлөөгөөр нян, мөөгөнцрийн халдварт өртөмтгий болдог талаар судлаачид тэмдэглэсэн байна.2,3 Дэлхий дахинд хүүхдүүдийн 20%, насанд хүрэгчдийн 3%-д тохиолддог.4 Монгол улсад 2012 оны байдлаар уг өвчний шинэ тохиолдлын тоо 5.7 дахин өссөн байна.5 Атопийн арьсны үрэвсэлт өвчний үед нянгийн халдварыг судалсан судалгаа олон байгаа ч мөөгөнцрийн халдварын талаар харьцангуй бага судлагдсан байна.6 Нянгийн халдвараас гадна кандидийн төрлийн мөөг нь атопийн арьсны үрэвсэлт өвчнийг хүндрүүлж байгааг судалж байна.7 Кандидийн төрлийн нь арьс, салст дээр байдаг түгээмэл нөхцөлт эмгэг төрүүлэгч мөөг ба 200 гаруй кандидийн төрөл судлагдсан байна. Үүнээс C.albicans нь C.glabrata, C.parapsilosis, C.tropicalis, C.krusei зэрэг төрлүүд нь түгээмэл тохиолддог юм.8 Зорилго: Атопийн арьсны үрэвсэлт өвчний хүндийн зэргийг үнэлж, кандидийн төрөл зүйлийг тодорхойлон, мөөгөнцрийн эсрэг эмэнд мэдрэг чанарыг судлах зорилготой. Арга, аргачлал: Бидний судалгаа нь 0-2 насны атопийн арьсны үрэвсэлтэй 100, эрүүл 50 хүүхдийг хамруулан Агшингийн судалгааны загвараар судлав. Үр дүн: Эрүүл бүлэгт ямар нэг мөөгний омог илрээгүй. Судалгаанд хамрагдагсдын 50%(50) нь эрэгтэй, 50%(50) нь эмэгтэй байв. Атопийн арьсны үрэвсэлт өвчний хүндийн зэргийг SCORAD оноогоор үнэлэхэд 23% нь хөнгөн, 37% нь дунд, 40% нь хүнд байв. Хөнгөн болон дунд хэлбэрийн үед мөөг өсгөвөрлөгдөөгүй, хүнд хэлбэрийн үед 40%-д нь кандидийн төрлийн хөрөнгө мөөг өсгөвөрлөгдсөн ба энэ нь өвчний явцыг хүндрүүлж байгааг илтгэж байна. Нийт өсгөвөрлөгдсөн хөрөнгө мөөгний 90% нь C.albicans, 10% нь C.krusei байв. Мөөгөнцрийн эсрэг эмийн мэдрэг чанарыг тодорхойлоход C.albicans нь флуконазол, вориконазол, каспофунгин, микафунгин, амфотерицин Б, флуцитозинд мэдрэг байсан бол C.krusei нь флуконазол болон флуцитозинд тэсвэртэй, вориконазол, каспофунгин, микафунгин, амфотерицин Б-д мэдрэг байв. Дүгнэлт: Атопийн арьсны үрэвслийн хүнд зэрэгтэй хүүхдүүдийн дунд Candida albicans давамгай тодорхойлогдож, өсгөвөрлөгдсөн омог мөөгний эсрэг эмийн бэлдмэлд мэдрэг байна.
Aim: This research aims at evaluating the severity index of atopic dermatitis, determining the candida types, and surveying the susceptibility of fungi to antifungal drugs. Materials and Methods: Our research was conducted using the snapshot research model covering 100 children with atopic dermatitis and 50 health children of 0-2 ages. Results: No fungus species are revealed in the healthy group. 50% of the children covered by the research were male and the rest of 50% were female. When evaluating the severity index of atopic dermatitis using the SCORAD score ranges, 23% of the children were mild, 37% - moderate, and 40% - severe. The fungus were not cultured in the moderate and severe cases, and the candida species fungi was cultured in 40% in the severe case, which shows that it worsens the illness process. 90% of total cultured fungus were C.albicans, and 10% were C.krusei. After determining the susceptibility of fungi to antifungal drugs, C.albicans was susceptible to fluconazole, voriconazole, caspofungin, micafungin, amphotericin B, and flucytosine, while C. krusei was resistant to fluconazole and flucytosine, and susceptible to voriconazole, caspofungin, micafungin, and amphotericin B. Conclusion: 1. It was determined that 40% of the respondents have severe atopic skin inflammatory disease. 2. C. albicans was detected in 90% of all children with severe atopic dermatitis, and C. krusei types were identified in 10%. 3. When determining the susceptible of antifungal drugs, C. albicans was susceptible to fluconazole, voriconazole, caspofungin, micafungin, amphotericin B, and flucytosine, while C. krusei was resistant to fluconazole and flucytosine, and susceptible to voriconazole, caspofungin, micafungin, and amphotericin B.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/832
Эшлэл
Ч.Эрдэнэчимэг, Б.Отгонжаргал, Ч.Баттогтох, Я.Энхтөр. Атопийн арьсны үрэвсэлтэй 0-2 насны хүүхдүүдэд кандидийн төрлийн мөөг тодорхойлж, эмийн мэдрэг чанарыг судалсан дүн. Эрүүл мэндийн шинжлэх ухаан. 2023;19(3):16-20.