Loading...
Дууны хөвчийг оёдол ашиглан гадагшлуулах мэс заслыг трахестомийн гуурс тавихгүйгээр хийсэн дүн
Зохиогч
Он
2020 оны тавдугаар сарын 1
Төрөл
journal article
Journal
Эрүүл мэндийн шинжлэх ухаан
Volume
17
Issue
2
Start Page
100
End Page
104
ISSN
2959-6947
Хураангуй
Мэдрэл ба булчингийн сулрал, бөгж утгуурын үений барьцалдалтаас шалтгаалан дууны хөвчүүд хөдөлгөөн хязгаарлагдахыг ДХХС гэдэг. Дууны хөвчүүд ихэвчлэн иж голын байрлалд орох тул амьсгаадах шинж тэмдэг илэрч хөдөлгөөний ачаалал, амьсгалын замын халдварын үед шинж тэмдэг хүндэрч, амьсгал бачуурахад хүргэдэг. Амьсгал чөлөөлөх яаралтай арга хэмжээ авахгүй бол богино хугацаанд амь насанд эрсдэл учруулах маш ноцтой эмгэг юм. 2018 оны 5 сараас 2020 оны 10 сарын хугацаанд 25 эмчлүүлэгчид ДХОАГ мэс заслыг трахеостомийн гуурс тавихгүйгээр Лечтенбергерын аргаар хийж проспектив аргаар судлав. 2015-2018 онд трахеостомийн гуурс тавьж, электрогоагуляцийн тусламжтай дууны хөвч, утгуур тайрагдсан 30 эмчлүүлэгчийн өвчний түүх, судалгааны картыг ретроспектив аргаар судлав. ДХОАГ мэс заслын өмнө ба 1, 6 сарын дараа дуу авиаг электроглоттографи, амьсгалын бачуурлыг пикфлоуметри (Philips)-ийн шинжилгээгээр үнэлж уламжлалт аргатай харьцуулан судлав. Судалгааны бүлэгт үндсэн давтамж, хөг шуугианы харьцаа (p<0.05) статистик ач холбогдол бүхий ялгаатай, бусад үзүүлэлтүүд бага зэрэг өөрчлөгдсөн ч статистик ач холбогдолгүй байсан. Харин хяналтын бүлэгт үндсэн давтамж, давтамжийн мэдрэхүй, далайцын мэдрэхүй, хөг-шуугианы харьцаа статистик ач холбогдол бүхий буурсан үзүүлэлттэй байв. ДХОАГ мэс заслыг дууны хөвчийг тайрах мэс засалтай харьцуулахад мэс заслын хугацаа богино, эмнэлэгт хэвтэн эмчлүүлэх ор хоног цөөн, дууны чанар хэт муудахгүй, амьсгал тогтвортой сайжирсан байсан зэрэг хэд хэдэн давуу талууд ажиглагдсан. Дууны хөвчийг оёдол ашиглан гадагшлуулах мэс заслыг дууны хөвчийг тайрах мэс засалтай харьцуулахад мэс заслын хугацаа богино, эмнэлэгт хэвтэн эмчлүүлэх ор хоног цөөн, дууны чанар хэт муудахгүй, амьсгал тогтвортой сайжирсан байсан зэрэг хэд хэдэн давуу талууд ажиглагдлаа.
Our objective is to describe the outcomes of endoscopic suture lateralization without tracheostomy for bilateral vocal cord paralysis (BVFP). This is a retrospective as well as a prospective study of 55 patients who presented to the Department of Otorhinolaryngology, First Central Hospital of Mongolia. The total of 55 patients was divided into 2 groups, group 1 consisted of 25 patients who underwent vocal cord suture lateralization from 2017 March to 2020 of October and group 2 consisted of 30 patients who underwent partial and total cordectomy by cold instruments and electrocoagulation before 2017. We did electroglottography, a peak flow meter for voice, and breath before and 1, 6 months after surgery. Maximum phonation time and harmonic noise ratio decreased after surgery in the case group (p<0.05). Other voice parameters no statistically changed. All voice parameters statistically changed in the control group. Peak inspiratory flow meter statistically increased in the case group compared than control group (p<0.05). Vocal cord suture lateralization without tracheostomy is minimally invasive, and in patients in whom function returns, it is reversible without damaging the structure of the vocal cord. Suture lateralization the advantages offered by chordectomy are evident in its rapidity, simplicity in concept, immediate assessment of airway size, better short duration hospitalization, and low risk of complications. The voice quality after surgery is not significantly altered SL is a superior, reliable and viable alternative to the chord, arytenoidectomy for BVFP. Bilateral vocal ford paralysis, tracheostomy, suture lateralization.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1522
Эшлэл
С.Нэргүй, П.Ганчимэг, О.Сэргэлэн, Э.Ариунаа, Л.Бямбасүрэн. Дууны хөвчийг оёдол ашиглан гадагшлуулах мэс заслыг трахестомийн гуурс тавихгүйгээр хийсэн дүн. Эрүүл мэндийн шинжлэх ухаан. 2020;17(2):100-104.