Loading...
Монгол анагаах ухааны бариа заслаар хүзүүний хуян өвчнийг эмчилсэн үр дүн
Зохиогч
Он
2025 оны арван хоёрдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
6
Start Page
49
End Page
54
ISSN
2959-6947
Хураангуй
Үндэслэл: Дэлхий даяар насанд хүрэгчдийн дунд хүзүүний хуян өвчний тархалт 4.9-22.3% хүрч байна. Аж үйлдвэржсэн орнуудын оффисын ажилчдын дунд энэ үзүүлэлт 34.7%-д хүрдэг. Эрэгтэйчүүд эмэгтэйчүүдээс илүү өвдөхөөс гадна хүзүүний хуян нь хүний сэтгэцийн эрүүл мэнд, бие махбодын үйл ажиллагаа, нийгмийн оролцоонд ихээхэн сөрөг нөлөө үзүүлдэг болохыг олон судалгааны үр дүн харуулж байна. Тиймээс бид хүзүүний хуян өвчний үед монгол анагаах ухааны эмчилгээний үзүүлэх нөлөөг судлахыг зорилоо. Зорилго: Хүзүүний хуян өвчинд монгол анагаах ухааны бариа заслын үзүүлэх нөлөөг судлах. Арга, аргачлал: Уг судалгааг АШУҮИС-ийн Монгол Анагаах Ухааны Олон Улсын Сургууль, МАУТЭ, БНХАУ, Өвөр Монголын Өөртөө Засах Орны Олон Улсын Монгол Эмнэлгийн Хорооны заслын тасагт түшиглэн санамсаргүй хяналтат эмнэл зүйн туршилт судалгааны дан нууцлалын аргаар хийж гүйцэтгэлээ. Судалгаанд хүзүүний хуян өвчтэй 50 оролцогчийг хамруулж, хоёр бүлэгт хуваан, эхний бүлэгт Монгол анагаах ухааны бариа засал эмчилгээг, хоёр дахь бүлэгт хөдөлгөөн эмчилгээг 14 хоногийн хугацаанд 10 удаа хийсэн. Эмчилгээний үр дүнг VAS үнэлгээ, хүзүүний чадвар алдалтын индекс (NDI), өвдөлтийн туйлын босгыг хэмжигч, амьдралын чанарын асуумж, хүзүүний үений хөдөлгөөний далайцыг хэмжих зэрэг үнэлгээний аргуудаар эмчилгээний өмнө ба дараа тус тус үнэлсэн. Үр дүн: Судалгаанд оролцогчдын 52 хувь нь эрэгтэй, 48 хувь нь эмэгтэй, дундаж нас 43.3±21.3 жил байв. Хүзүүний хуян өвчтэй хүмүүсийн өвдөлтийг үнэлэх VAS оноо эмчилгээний өмнө эмчилгээний бүлэгт 5.44±0.96, харьцуулах бүлэгт 5.44±0.96 байсан бол эмчилгээний дараа эмчилгээний бүлэгт 0.80±0.71, харьцуулах бүлэгт 1.44±0.77 болж тус тус буурсан байгаа нь статистик ач холбогдол бүхий ялгаатай байв (p<0.01). Өвдөлтийн туйлын босгыг эмчилгээний өмнө эмчилгээний бүлэгт 934±154.60, харьцуулах бүлэгт 934±154.60 байсан, эмчилгээний дараа эмчилгээний бүлэгт 1536±22.91, харьцуулах бүлэгт 1392±83.77 болж статистик ач холбогдол бүхий өссөн байв (p<0.01). Хүзүүний хуян өвчтэй хүмүүсийн хүзүүний чадвар алдалтын индекс эмчилгээний өмнө эмчилгээний бүлэгт 11.44±2.87, харьцуулах бүлэгт 11.56±2.55 байсан, 2 бүлгийн хооронд статистик магадлал бүхий ялгаа байгаагүй (p=0.88), эмчилгээний дараа эмчилгээний бүлэгт 0.84±0.69, харьцуулах бүлэгт 1.40±0.87 болсон байв (p<0.05). Амьдралын чанарын асуумж эмчилгээний өмнө эмчилгээний бүлэгт 8.64±2.25, харьцуулах бүлэгт 8.16±1.60 байсан, 2 бүлгийн хооронд статистик магадлал бүхий ялгаа байгаагүй (p=0.39), эмчилгээний дараа эмчилгээний бүлэгт 5.28±0.54, харьцуулах бүлэгт 7.44±1.23 болж тус тус статистик ач холбогдол бүхий буурсан байв (p<0.01). Амьдралын чанарын асуумжийн үнэлгээ нь эмчилгээний өмнө эмчилгээний бүлэгт 58.84±8.50, харьцуулах бүлэгт 44.00±8.68 байсан, 2 бүлгийн хооронд статистик магадлал бүхий ялгаа байгаагүй (p=0.1), эмчилгээний дараа эмчилгээний бүлэгт 77.08±7.42, харьцуулах бүлэгт 51.00±8.03 болж тус тус статистик ач холбогдол бүхий сайжирсан байв (p<0.01). Хүзүүний урагш тонгойх хөдөлгөөний далайц эмчилгээний өмнө эмчилгээний бүлэгт 36.60±2.45, харьцуулах бүлэгт 37.24±2.35 байсан, эмчилгээний дараа эмчилгээний бүлэгт 42.32±2.14, харьцуулах бүлэгт 39.32±2.14 болж тус тус статистик ач холбогдол бүхий буурсан байв (p<0.01). Хүзүүний хойш гэдийх хөдөлгөөний далайц эмчилгээний өмнө эмчилгээний бүлэгт 36.20±1.89, харьцуулах бүлэгт 36.56±2.24 байсан, 2 бүлгийн хооронд статистик магадлал бүхий ялгаа байгаагүй (p=0.542), эмчилгээний дараа эмчилгээний бүлэгт 42.80±2.06, харьцуулах бүлэгт 39.76±1.88 болж тус тус статистик ач холбогдол бүхий буурсан байв (p<0.01). Дүгнэлт: 1. Монгол анагаах ухааны бариа засал нь хүзүүний хуян өвчтэй хүмүүсийн чадвар алдалтыг бууруулж байна. (p<0.05) 2. Монгол анагаах ухааны бариа засал нь хүзүүний хуян өвчтэй хүмүүсийн өвдөлтийн туйлын босгыг нэмэгдүүлж байна. (p<0.01) 3. Монгол анагаах ухааны бариа засал нь хүзүүний хуян өвчтэй хүмүүсийн амьдралын чанарыг сайжруулах нөлөөтэй байна. (p<0.01)
Background: The prevalence of neck pain among adults worldwide is 4.9-22.3%. It occurs in 34.7% of ofÏce workers in industrialized countries. Aim: To study the effect of massage therapy of Mongolian medicine on neck pain Materials and Methods In this study, a parallel clinical trial design was used, and 50 patients with neck pain were divided into two groups: the treatment group received massage therapy of Mongolian medicine and the control group received exercise therapy, and the treatment results were compared. VAS assessment, NDI, Digital Algometer, and European Quality of Life Questionnaire were used in the study. Results: 52 % of the study participants were male, while 48 % were female, and their mean age was 43.3±21.3. The VAS score for pain assessment was 5.44±0.96 in the treatment group and 5.44±0.96 in the comparison group before treatment, but after the treatment it decreased to 0.80±0.71 in the treatment group and 1.44±0.77 in the comparison group, respectively, which showed a statistically significant difference. Massage therapy of Mongolian medicine has a greater pain-relieving effect than exercise therapy in the treatment of neck pain (p<0.01). The pressure pain threshold was 934±154.60 in the treatment group and 934±154.60 in the comparison group before treatment, but after treatment, it increased to 1536±22.91 in the treatment group and 1392±83.77 in the comparison group, which was statistically significant (p<0.01). The neck disability index of patients with neck pain was 11.44±2.87 in the treatment group and 11.56±2.55 in the comparison group before treatment, but after treatment it decreased to 0.84±0.69 in the treatment group and 1.40±0.87 in the comparison group. Although exercise therapy has the effect of reducing the neck disability index, when comparing the treatment results of the two groups, massage therapy of Mongolian medicine had greater effect (p<0.05). European Quality of Life Questionnaire was 8.64±2.25 in the treatment group and 8.16±1.60 in the comparison group before treatment, but after treatment it was 5.28±0.54 in the treatment group and 7.44±1.23 in the comparison group. Massage therapy of Mongolian medicine has a greater effect on improving the quality of life of people with neck pain compared to exercise therapy (p<0.01). The neck forward bending was 36.60±2.45 in the treatment group and 37.24±2.35 in the comparison group before treatment, but after treatment, it increased to 42.32±2.14 in the treatment group and 39.32±2.14 in the comparison group, which was statistically significant (p0.01).The neck abduction was 36.20±1.89 in the treatment group and 36.56±2.24 in the comparison group before treatment, but after treatment, it increased to 42.80±2.06 in the treatment group and 39.76±1.88 in the comparison group, which was statistically significant (p=0.01).The neck left rotation was 60.84±3.77 in the treatment group and 61.56±4.31 in the comparison group before treatment, but after treatment, it increased to 75.08±3.55 in the treatment group and 67.20±4.29 in the comparison group, which was statistically significant (p0.01). The neck right rotation was 61.80±4.39 in the treatment group and 62.00±4.42 in the comparison group before treatment, but after treatment, it increased to 76.52±2.95 in the treatment group and 68.04±4.46 in the comparison group, which was statistically significant (p0.01).When comparing the treatment results of the two groups, Mongolian medical bariatric surgery was more effective (p<0.01). Conclusions: 1. Massage therapy of Mongolian medicine reduces disability index in people with neck pain (p<0.05). 2. Massage therapy of Mongolian medicine has a significant effect on reducing pain and pressure pain threshold in people with neck pain (p<0.01). 3. Massage therapy of Mongolian medicine has the effect of improving the quality of life of people with neck pain (p<0.01).
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1291
Эшлэл
Жанг Вэймин (Zhang Weimin), Н.Оюунцэцэг, З.Болортулга, Ж.Байгалмаа, Н.Занди. Монгол анагаах ухааны бариа заслаар хүзүүний хуян өвчнийг эмчилсэн үр дүн. Эрүүл мэндийн шинжлэх ухаан. 2025;21(6):49-54.