Loading...
Бактерийн метаболит ба зуун настын (Aloe barbadensis Miller) холимгийн түлэнхийн шархны эдгэрэлтэд үзүүлэх нөлөөг харьцуулан судалсан дүн
Зохиогч
Н.Ням-Эрдэнэ
Б.Сэвжидмаа
Б.Маналжав
О.Мөнхтүшиг
М.Барсболд
Б.Отгонсүрэн
Б.Арвинзаяа
Д.Энхмаа
Н.Цэвэлмаа
Б.Сувдаа
М.Нандин-Эрдэнэ
Ч.Баттогтох
Б.Хонгорзул
Он
2026 оны хоёрдугаар сарын 3
Төрөл
journal article
Journal
Эрүүл мэндийн шинжлэх ухаан
Volume
22
Issue
1
Start Page
31
End Page
37
ISSN
2959-6947
Хураангуй
Үндэслэл: Арьсанд нарны хэт ягаан туяа, механик түлэгдэлт, гэмтэл болон бодисын солилцооны шалтгаант архаг үрэвсэл зэрэг олон шалтгаантайгаар шарх үүсэж болдог. Монгол улсад 2022 оны байдлаар ахуйн түлэгдэлт нь осол гэмтлийн тохиолдлын эхний 5-р байр, 0-5 насны хүүхдийн осол гэмтлийн тэргүүлэх шалтгаан, 0-5 насны хүүхдийн нийт өвчлөлийн 18.4%-ийг эзэлж байна. Арьсны түлэгдэлт, шархны эдгэрэлт нь урт хугацаа шаардагддаг нь эмчлүүлэгчдэд сэтгэл санаа, гоо зүй болон эдийн засгийн дарамтыг үүсгэдэг. Шархны эдгэрэлтийг сайжруулах шинэлэг, үр дүнтэй, гаж нөлөө багатай эмчилгээний бүтээгдэхүүн гарган авах нь эмнэл зүйн болон эдийн засгийн чухал ач холбогдолтой юм. Бактерийн метаболит болон зуун настын (Aloe barbadensis Miller) холимгийн түлэнхийн шарханд үзүүлэх нөлөөг тодорхойлсон судалгааны ажил хомс байгаа нь бидний судалгааны ажлын үндэслэл боллоо. Зорилго: Туршилтын амьтны түлэнхийн шарханд бактерийн метаболит ба зуун настын холимгийн үзүүлэх нөлөөг тодорхойлох. Арга, аргачлал: Судалгаанд 8 долоо хоногтой, BALB/c үүлдрийн хулганыг хяналтын бүлэг, бактерийн метаболит ба зуун наст 2 бүлэгт хувааж судалгааг гүйцэтгэсэн. Туршилтын хулганыг мэдээгүйжүүлэн нурууны хэсгийн үсийг зориулалтын машинаар 2х2 см харьцаагаар хуссан. Хулганы нурууны арьсыг 10 секундийн турш, 200°С-ийн халуун сэнсээр үлээж, 2-р зэргийн түлэнхийн шархны загвар үүсгэсэн. Бактерийн метаболитыг зуун настын шүүстэй 1:1 харьцаатай хольсон холимгоос 100 мкл хэмжээтэй соруулан авч, шархны төв хэсэгт дусаан, жигд тараасан. Өдөр бүр шархны зургийг авч, ImageJ программаар талбайг хэмжин туршилтын 7, 14, 21 хоногт хяналтын бүлэгтэй харьцуулан эдгэрэлтийн байдлыг үнэлсэн. Шархны эдгэрэлтийг үнэлэхдээ хулгана тус бүрт анх үүсгэсэн шархны хэмжээг 100% гэж үзэн үүнээс шархны эдгэрэлт хэдэн хувь болсныг хяналтын болон туршилтын бүлэгт харьцуулан үнэллээ. Түлэнхийн арьсны эдийг туршилтын болон хяналтын бүлэгт иммунофлуоресценцийн аргаар судасжилтын маркер α-SMA (Thermo Fisher Scientific) илрүүлсэн. Статистик боловсруулалт: Хяналтын болон туршилтын бүлэг хоорондын ялгааг үл хамааралт Т тестээр GraphPad Prism 10 программаар боловсруулж, дундаж утга, стандарт хазайлт болон статистик хамаарлыг тооцсон. Үр дүн: Туршилтын хулганад үүсгэсэн түлэнхийн шархны эдгэрэлтэд бактерийн метаболит ба зуун настын (Aloe barbadensis Miller) холимгийн нөлөөлөх байдлыг хяналтын бүлэгтэй харьцуулахад 7 хоногт шархны хэмжээ хяналтын бүлэгт 82.1%, туршилтын бүлэгт 83.7% (p<0.197), 14 хоногт хяналтын бүлэгт 62.6%, туршилтын бүлэгт 58.1% (p<0.0001), 21 хоногт хяналтын бүлэгт 50.7%, туршилтын бүлэгт 32.7% (p<0.0001) байв. Эмчилгээний 7 хоногт туршилтын болон хяналтын бүлгийн шархны эдгэрэлтийн хэмжээ стататистик ач холбогдол бүхий ялгаа илэрсэнгүй, эмчилгээний 14, 21 хоногт туршилтын болон хяналтын бүлэгт статистик ач холбогдол бүхий ялгаатай байлаа. Туршилтын болон хяналтын бүлгийн хулганы түлэнхийн арьсны эдэд судасжилтын маркер болох α-SMA-ийн ялгарлыг иммунофлуоресценцийн аргаар үнэлэхэд, бактерийн метаболит зуун настын холимог түрхсэн бүлэгт эмчилгээний 7, 14, 21 хоногт α-SMA-ийн эерэг эсүүд жигд илэрсэн бөгөөд хяналтын бүлэгт α-SMA илэрсэнгүй. Дүгнэлт: Туршилтын хулганы түлэнхийн шархны эдгэрэлтэд бактерийн метаболит ба зуун настын холимог шархны эдгэрэлтийг дэмжиж байна.
Background: Skin wounds can occur for many reasons, including UV radiation, mechanical burns, trauma, and chronic inflammation caused by metabolic factors. In Mongolia, as of 2022, household burns were the top 5 causes of injuries, the leading cause of injuries in children aged 0-5, and accounted for 18.4% of all illnesses in children aged 0-5. Skin burns and wounds take a long time to heal, which causes emotional, aesthetic, and economic stress for doctors. Developing innovative, effective, and low-side effects therapeutic products to improve wound healing is of great clinical and economic importance. The lack of research on the effects of bacterial metabolites and aloe vera (Aloe barbadensis Miller) on burn wounds was the basis for our research. Aim: To determine the effects of a mixture of bacterial metabolites and aloe vera on burn wounds in experimental animals. Materials and Methods: Eight-week-old BALB/c mice were divided into three groups: control group, bacterial metabolite group, and aloe vera group. The mice were anesthetized, and the dorsal hair was shaved over a 2×2 cm area using an electric clipper. A second-degree burn wound model was created by exposing the shaved dorsal skin to hot air at 200°C for 10 seconds. A total of 100 μL of a bacterial metabolite suspension mixed with aloe vera at a 1:1 ratio was applied evenly to the center of the wound. Wound images were captured daily, and wound areas were measured using ImageJ software. Healing was evaluated on days 7, 14, and 21 of treatment and compared with the control group. The initial wound size was defined as 100%, and wound closure percentages were calculated accordingly. Burn skin tissues from both experimental and control groups were subjected to immunofluorescence staining for the vascular marker α-SMA (Thermo Fisher Scientific). Statistical analysis: The differences between the control and experimental groups were analyzed using an independent t-test using GraphPad Prism 10 software, and the mean, standard deviation, and statistical correlation were calculated. Results: The effect of the mixture of bacterial metabolites and aloe vera (Aloe barbadensis Miller) on the healing of burn wounds in experimental mice was compared with the control group. The wound size at 7 days was 82.1% in the control group and 83.7% in the experimental group (p<0.197), at 14 days was 62.6% in the control group and 58.1% in the experimental group (p<0.0001), at 21 days was 50.7% in the control group and 32.7% in the experimental group (p<0.0001). No statistically significant difference in wound healing was observed between the groups at day 7; however, significant differences were observed at days 14 and 21. Immunofluorescence analysis revealed uniform expression of α-SMA-positive cells in the experimental group at 7, 14, and 21 days of treatment, whereas α-SMA expression was not detected in the control group. Conclusion: The combination of bacterial metabolites and aloe vera promotes wound healing in experimental mouse burn wounds.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1570
Эшлэл
Н.Ням-Эрдэнэ, Б.Сэвжидмаа, Б.Маналжав, О.Мөнхтүшиг, М.Барсболд, Б.Отгонсүрэн нар. Бактерийн метаболит ба зуун настын (Aloe barbadensis Miller) холимгийн түлэнхийн шархны эдгэрэлтэд үзүүлэх нөлөөг харьцуулан судалсан дүн. Эрүүл мэндийн шинжлэх ухаан. 2026;22(1):31-37.