Loading...
Шизофренитэй эмчлүүлэгчдийн архины хэрэглээний түвшин, түүнд нөлөөлөх зарим хүчин зүйлсийг судалсан үр дүн
Зохиогч
Он
2023 оны арван нэгдүгээр сарын 3
Төрөл
journal article
Journal
Эрүүл мэндийн шинжлэх ухаан
Volume
19
Issue
5
Start Page
132
End Page
136
ISSN
2959-6947
Хураангуй
Үндэслэл: Архи нь дэлхий даяар хамгийн өргөн хэрэглэгддэг сэтгэцэд нөлөөлөх бодис бөгөөд, буурай хөгжилтэй болон хөгжиж буй орнуудад өвчин үүсгэх гол эрсдэлт хүчин зүйл юм. Донтолт нь тархинд удаан үргэлжилснээр архи, тамхи, мансууруулах бодисыг албадан хайх хараат байдал үүсэх, зүй бусаар хэрэглэхэд хүргэдэг архаг дахилтад өвчин юм. Олон улсад шизофренитэй эмчлүүлэгчдийн мансууруулах, сэтгэц идэвхит бодисын хэрэглээтэй холбоотой судалгаа олон байдаг ч манай улсад одоогоор уг сэдвээр судалгаа хийгдээгүй байгаа нь бидний судалгааны үндэслэл болж байна. Зорилго: Шизофренитэй эмчлүүлэгчдийн архины хэрэглээний түвшин, түүнд нөлөөлөх зарим хүчин зүйлсийг судлах. Арга, аргачлал: Судалгааг дискрептив судалгааны агшингийн загвараар, санамсаргүй түүврийн аргыг сонгон, асуумж судалгаа, ажиглалтын судалгааны аргаар 2023 оны 3 дугаар сараас 2023 оны 8 дугаар сар хүртэлх хугацаанд СЭМҮТ-ийн амбулатори, клиникүүдийг түшиглэн хийсэн. Судалгаа хийх ёс зүйн зөвшөөрлийг АШУҮИС-ийн Судалгааны Ёс зүйн хяналтын хорооны 2023 оны 02 дугаар сарын 17 өдрийн хурлаар 2023.03.02-нд хэлэлцүүлж ёс зүйн зөвшөөрөл авсан ба эмчлүүлэгчдээс таниулсан зөвшөөрлийн хуудсаар дамжуулан зөвшөөрөл авч гарын үсгээр баталгаажуулан судалгааны картанд хавсаргасан. Судалгааны үзүүлэлтүүдийг Microsoft Word, Microsoft Excel программуудыг ашиглан график дүрслэл, хүснэгт хийж, STATA 14 программыг ашиглан тойм болон нарийвчилсан статистик боловсруулалт хийсэн. Үр дүн: Шизофренитэй эмчлүүлэгчдийн архины хэрэглээний түвшин нь 84% нь эрсдэл багатай архины хэрэглээний түвшин, 8% нь архи хэтрүүлэн хэрэглэгч буюу аюултай хэрэглээний түвшин, 4% нь архи хэтрүүлэн хэрэглэгч буюу хортой үр дагавар өгөхүйц хэрэглээний түвшин, 4% нь архины хамааралд орсон эмчлүүлэгчид байсан. Архины хэрэглээтэй эмчлүүлэгчдийн 88% нь тамхины хэрэглээтэй байгаа нь хосолсон онош байгааг харуулж байна. Архийг ямар байдлаар хэнтэй хамт хэрэглэсэн байдлыг нь дүгнэхэд 92% нь баяр ёслолоор хэн нэгэнтэй хамт хэрэглэдэг гэж хариулсан нь архины зохистой аюулгүй хэрэглээг харуулж байна. Архи хэрэглэдэг эмчлүүлэгч дунд согтууруулах ундааг хольж хэрэглэдэггүй ба ихэвчлэн үйлдвэрийн цагаан архи хэрэглэдэг байна. Дүгнэлт: Шизофренитэй эмчлүүлэгчдийн архины хэрэглээ нь эрсдэл багатай архины хэрэглээний түвшинтэй байна. Шизофренитэй эмчлүүлэгчдийн архины хэрэглээнд хүйс, боловсрол, тамхины хэрэглээ, эцгийн тамхины хэрэглээ зэрэг хүчин зүйлсүүд нөлөөлж байна.
Background: Alcohol is the most widely used psychoactive substance worldwide and a major risk factor for disease in underdeveloped and developing countries. Addiction is a chronic relapsing disease that leads to the development of dependence and abuse of alcohol, tobacco, and drugs due to long-term exposure to the brain. Internationally, there are many studies related to the use of drugs and psychoactive substances by those treating schizophrenia, but the fact that there is no research on this topic in our country is the basis of our research. Aim: To study the level of tobacco use and some factors influencing it among patients with schizophrenia. Materials and Methods: The research was conducted using a descriptive survey model, random sampling method, and a questionnaire survey from March 2023 to August 2023 based on outpatient clinics and clinics of the National Health Service. Ethical permission to conduct research was discussed and ethical permission was obtained on 03/02/2023 at the meeting of the Research Ethics Control Committee of on MNUMS February 17, 2023, and the permission was obtained through the consent form identified by the therapists and attached to the research card. Research indicators were graphically represented and tabulated using Microsoft Word and Microsoft Excel programs, summary and detailed statistical processing was performed using STATA 14 software. Results: Among schizophrenic patients, 84% were at low-risk drinking levels, 8% were at heavy or hazardous drinking levels, 4% were at heavy drinking or harmful levels, and 4% were alcohol dependent. 88% of patients with alcohol use had tobacco use, indicating a co-occurring diagnosis. When judging how and with whom alcohol was consumed, 92% answered that they were with someone during the festival, which means that they have appropriate and safe consumption of alcohol. Among the patients who use alcohol, they do not mix alcoholic beverages and mainly use industrial white alcohol. Conclusions: Alcohol use rates among schizophrenic patients are at low-risk levels. Factors such as gender, education, tobacco use, and father’s tobacco use influence alcohol consumption among schizophrenic patients.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/941
Эшлэл
Ж.Чимэгсайхан, М.Елик, З.Хишигсүрэн. Шизофренитэй эмчлүүлэгчдийн архины хэрэглээний түвшин, түүнд нөлөөлөх зарим хүчин зүйлсийг судалсан үр дүн. Эрүүл мэндийн шинжлэх ухаан. 2023;19(5):132-136.