Loading...
Эмнэлзүйд өргөн хэрэглэгддэг ялгаатай найрлага бүхий ам зайлах зарим уусмалын амны орчинд үзүүлэх нөлөөг судалсан дүн
Зохиогч
Он
2025 оны тавдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
4
Start Page
226
End Page
230
ISSN
2959-6947
Хураангуй
Үндэслэл: Шүдний тулгуур эд, амны салстын эмчилгээ, мэс ажилбар болон шүдний сувгийн эмчилгээний өмнө ам зайлах уусмалыг хэрэглэх нь эмгэг төрөгч бичил биетийн тоог бууруулж хоёрдогч халдвараас сэргийлэн, эдгэрэлтийн хугацааг богиносгоход үр дүнтэй байдаг. Монгол улсын ихэнх шүдний эмнэлгүүд эмчилгээний өмнө үйлчлүүлэгчдийн амыг төрөл бүрийн уусмалаар зайлуулдаг төдийгүй КОВИД-19 цар тахлын дэгдэлтээс хойш ард иргэдийн дунд ам зайлах уусмалыг эмнэлгээс гадуур халдвараас сэргийлэх зорилгоор өргөн хэрэглэдэг болсон байна. Гэвч зах зээлд борлуулагдаж байгаа эдгээр олон ам зайлах уусмалын үйлчлэлийг эмнэл зүйд харьцуулан судалсан судалгаа хомс байгаа нь энэхүү судалгааг хийх үндэслэл боллоо. Зорилго: Эмнэлзүйд өргөн хэрэглэгддэг ялгаатай найрлага бүхий ам зайлах зарим уусмалын аманд үзүүлэх нөлөөг харьцуулан судлах. Арга, аргачлал: Судалгааг аналитик судалгааны, тохиолдол хяналтын загварыг ашиглан, АШУҮИС, НАСТЭ-ийн ХНАСУС-ийн тасгаар үйлчлүүлж буй холимог зуулттай 210 хүүхдийг хамруулан хийж гүйцэтгэв. Судалгаанд оролцогчдоос 3 бүлэг 17 асуулт бүхий асуумж судалгааг авч, бодит үзлэг хийн, мэдээллийг картад тэмдэглэсэн. Оролцогчдын амны орчин, үнэрийг хэмжин, шүдний өнгөрөөс арчдас авч, АНУ-ын ОМАХ 40Х-2500Х фаз тодруулагч микроскопоор бичил биетийн тоог тодорхойлов. Бид АШУҮИС-ийн Судалгааны ёс зүйн хяналтын хорооноос судалгааг эхлүүлэх ёс зүйн зөвшөөрөл авсан. Судалгааны үр дүнг Stata-14 программыг ашиглан статистик боловсруулалтыг хийв. Үр дүн: Судалгаанд нийт 210 хүүхдийг хамруулсан бөгөөд дундаж нас 9.04±1.21 жил байсан бол хүйсийн хувьд 52.2% нь эрэгтэй, 47.8% нь эмэгтэй байлаа. Бодит үзлэгээр судалгаанд оролцогчдын шүд цоорох өвчний эрчим 6.3 ЦЛА+цл/ш буюу өндөр, амны хөндийн эрүүл ахуйн байдал 1.53 оноо буюу дунд зэрэг байлаа. Амны орчин ам зайлуулахаас өмнө судалгаанд нийт оролцогчдын дунд 6.3±0.5 рН байв. Содын уусмалаар зайлуулсны дараа 7.4±0.4 рН болж өссөнөө зайлуулснаас 40 минутын дараа 6.61±0.31 рН болж аажим буурч байсан бол плацебо бүлэгт ам зайлуулсны дараа 6.06±0.45 рН, зайлуулснаас 40 минутын дараа 6.09±0.31 рН болсон байна. Ам зайлах уусмалын амны орчинд үзүүлэх нөлөө нь бүлэг хооронд статистик ач холбогдол бүхий ялгаатай үр дүн тодорхойлогдлоо. Амны үнэр ам зайлуулахаас өмнө судалгаанд нийт оролцогчдын дунд 80.8±1.4 ppb байв. Повидон иод агуулсан уусмалаар зайлуулсны дараа 79.9±2.8 ppb зайлуулснаас 40 минутын дараа 76.1±3.4 ppb болж буурсан бол плацебо бүлэгт ам зайлуулсны дараа 74.2±4.9 ppb, зайлуулснаас 40 минутын дараа 66.3±3.8 ppb болсон байв. Бичил биетийн тоо ам зайлуулахаас өмнө нийт судалгаанд оролцогчдын дунд 18.85±0.77 оноо байснаа хлоргексидин глюконат агуулсан уусмалаар зайлуулсны дараа 11.06±0.68 оноо, зайлуулснаас 40 минутын дараа 8.8±3.8 оноо болж буурсан бол плацебо бүлэгт зайлуулсны дараа 15.21±2.02 оноо, зайлуулснаас 40 минутын дараа 17.6±2.2 оноо болсон байна. Дүгнэлт: Шүдний эмчилгээний өмнө ам зайлах уусмалаар үйлчлүүлэгчийн амыг зайлуулах нь амны орчин, үнэр болон бичил биетийн тоонд статистик ач холбогдол бүхий эерэг нөлөө үзүүлсэн ч уусмалын найрлагаас хамаарч ялгаатай байгаа нь тодорхойлогдлоо. Шүдний эмчилгээний өмнө эмнэлзүйгээс хамаарч ялгаатай уусмал сонгох нь илүү үр дүнтэй ба бүх уусмал амны орчны тэнцвэрт байдлыг сайжруулж байна.
Background: Pre-procedural mouth rinsing has been shown to reduce pathogenic microorganisms, prevent secondary infections, and shorten healing time prior to periodontal treatment, oral surgeries, and endodontic procedures. In Mongolia, most dental clinics routinely recommend mouth rinsing before treatment. Moreover, since the COVID-19 pandemic, there has been a notable increase in the public’s use of various mouth rinses outside clinical settings. However, there is a lack of comparative clinical studies assessing the efÏcacy of these commercially available rinses. Aim: To clinically compare the effects of various commonly used mouth rinses with different active ingredients on the oral environment. Materials and Methods: A case-control study was conducted involving 210 participants with mixed dentition, receiving care at the Pediatric and Preventive Dentistry Department of the Central Dental Hospital of Mongolian National University of Medical Sciences. Participants completed a 17-question survey in three groups, followed by clinical examinations. Oral pH, malodor, and bacterial counts were measured using a phase-contrast microscope (OMAX 40X-2500X, USA) after collecting plaque and saliva samples. Ethical approval was obtained from the Research Ethics Committee of the Mongolian National University of Medical Sciences. Data analysis was performed using STATA 14. Results: A total of 210 children participated (mean age 9.04±1.2 year; 52.2% male, 47.8% female). The average DMFT index was 6.3 DMF+df/t (high), and oral hygiene index was 1.53 score (moderate). The baseline oral pH was 6.3±0.5 score. After rinsing with sodium bicarbonate, the pH increased to 7.4±0.4 score, and remained at 6.61±0.31 score after 40 minutes. In contrast, the placebo group showed minimal change (6.06±0.45 to 6.09±0.31 score). Statistically significant differences between groups were observed. Baseline oral malodor averaged 80.8±1.4 ppb. After rinsing with povidone-iodine, it decreased to 76.1±3.4 ppb at 40 minutes, while in the placebo group it decreased from 74.2±4.9 ppb to 66.3±3.8 ppb. Bacterial count prior to rinsing was 18.85±0.77 score. Chlorhexidine gluconate reduced this to 11.06±0.68 score immediately after rinsing and to 8.8±3.8 score after 40 minutes, whereas the placebo group showed minimal reduction (15.21±2.02 to 17.6±2.2 score). Conclusion: Pre-procedural mouth rinsing demonstrated a statistically significant positive impact on the oral environment, including improvements in breath odor and a reduction in microbial load. The effectiveness of these outcomes was found to vary depending on the specific composition of the mouthwash used. These findings suggest that selecting an appropriate mouthwash based on the clinical setting can enhance treatment efÏciency. Nonetheless, all evaluated solutions contributed to maintaining or improving the balance of the oral environment.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1246
Эшлэл
А.Цолмон, Б.Оюунцэцэг, Б.Цэлмэг. Эмнэлзүйд өргөн хэрэглэгддэг ялгаатай найрлага бүхий ам зайлах зарим уусмалын амны орчинд үзүүлэх нөлөөг судалсан дүн. Эрүүл мэндийн шинжлэх ухаан. 2025;21(4):226-230.