Loading...
Цус тасалдах харвалтын эмгэг загварын үед үрэвслийн цитокины ялгаралтанд хүдрийн заарын үзүүлэх нөлөө
Зохиогч
Он
2019 оны арван нэгдүгээр сарын 18
Төрөл
journal article
Journal
Эрүүл мэндийн шинжлэх ухаан
Volume
16
Issue
2
Start Page
73
End Page
76
ISSN
2959-6947
Хураангуй
Дэлхий дахинд болон манай оронд цусны эргэлтийн тогтолцооны өвчин хүн амын нас баралтын тэргүүлэх шалтгаан болсон хэвээр байгаа бөгөөд 2018 онд цусны эргэлтийн тогтолцооны өвчлөлийн шалтгаант нас баралт 10000 хүн амд өмнөх оны мөн үетэй харьцуулахад 1.7оор нэмэгдэж, нийт нас баралтын 28.8 хувийг эзэлж байна. Уламжлалт анагаах ухаанд хүдрийн заарыг нянгаар үүсгэгдсэн өвчнүүд, гараг адын саа өвчний үед хэрэглэж иржээ. Иймд харханд үүсгэсэн цус тасалдах харвалтын эмгэг загварын үед үрэвслийн цитокины ялгаралтанд хүдрийн заарын үзүүлэх нөлөөг судаллаа. Арга аргачлал: Туршилтанд Вистар үүлдрийн 180-220 грамм жинтэй, 180 толгой хархыг авч эрүүл, хуурамч мэс заслын, эмгэг загварын, хүдрийн заар 50 мг/кг, хүдрийн заар 100 мг/кг, нимодипин 10 мг/кг гэсэн бүлгүүдэд хуваан эрүүлээс бусад бүлэгт тархины дунд артерийг бөглөх замаар шигдээс-реперфузи үүсгээд туршилтын бүлэг тус бүрт эмийг 7 хоног амаар өгсөн ба үр дүнг 1, 3, 7 дахь хоногуудад сийвэнд IL-1β, TNF-α, IL-6, IL-10 цитокины хэмжээг фермент холбоот урвалаар тодорхойлсон. Үр дүн: Хархны тархины дунд артерийг бөглөх замаар үүсгэсэн тархины шигдээс-реперфузи эмгэг загварын үед үрэвслийн цитокины хэмжээг тодорхойлоход хүдрийн заарын 50, 100 мг/кг тунд 3, 7 дахь хоногуудад хархны сийвэнд агуулагдах үрэвсэл өдөөгч IL-1β, TNF-α, IL-6 цитокиныг бууруулах (*p<0.05), үрэвслийн эсрэг IL-10 цитокины хэмжээг нэмэгдүүлэх (*p<0.05) нөлөө үзүүлж байгаа нь тогтоогдлоо. Дүгнэлт: Хүдрийн заар 50, 100 мг/кг тундаа тархины шигдээс-реперфузийн эмгэг загварын үед хархны цусны сийвэнд агуулагдах үрэвслийг өдөөгч IL-1β, IL-6, TNF-α цитокиныг бууруулан, үрэвслийн эсрэг IL-10 цитокиныг нэмэгдүүлэх замаар үрэвслийг бууруулж байна.
Both in the world and in our country, blood circulatory disorder is still leading cause of death. In 2018, mortality caused by circulatory system increased by 1.7 per in 10000 population and 28.8 percent of the total deaths. In traditional medicine, deer musk has been widely used to relieve a pain and in inflammatory disorders. We investigated inflammatory effect of deer musk using an ischemic stroke rat model. Methods: In our experiment, we used 180 whore meal breed rats which weigh 180-220 g and divided these rats into 50 mg/kg of musk, 100 mg/kg of musk, 10 mg/kg of nimodipine, the ischemic-reperfusion groups by filling the midriff of the brain and take the drugs for 7 days in each group. The results were analyzed by ELISA, determining amount of IL-1β, TNF-α, IL-6 and IL-10 cytokines in 1, 3 and 7 days. Result: Based on the above results of inflammatory cytokines, it is determined that, deer musk (50, 100 mg/kg) in the 3 and 7th days in ischemic stroke model MCAO/R had an effect on reducing inflammatory cytokines IL-1β, TNF-α, IL-6 (*p <0.05) and increasing of anti-inflammatory cytokine IL-10 (* p <0.05). Conclusions: 50% and 100 mg/kg doses of musk leads to reduce inflammation by reducing IL-1β, IL-6, TNF-α cytokines and increasing anti-inflammatory IL-10 cytokine in ischemic-reperfusion rat model.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1339
Эшлэл
Г.Раднаа, Н.Оюунцэцэг, Ж.Бат-Эрдэнэ, Ч.Чимэдрагчаа. Цус тасалдах харвалтын эмгэг загварын үед үрэвслийн цитокины ялгаралтанд хүдрийн заарын үзүүлэх нөлөө. Эрүүл мэндийн шинжлэх ухаан. 2019;16(2):73-76.