Loading...
Эмнэлгийн мэргэжилтнүүдийн өндөр эрсдэлт эмийн талаарх мэдлэгийг судалсан дүн
Зохиогч
Б.Золзаяа
А.Сайнзаяа
Ж.Бадамсэд
Ц.Дэлгэрмаа
Ө.Айгиймаа
Б.Мэндбаяр
Б.Маралмаа
М.Эрдэнэтуяа
Он
2023 оны тавдугаар сарын 18
Төрөл
journal article
Journal
Эрүүл мэндийн шинжлэх ухаан
Volume
19
Issue
3
Start Page
205
End Page
210
ISSN
2959-6947
Хураангуй
Үндэслэл: Эмнэлэгт хэвтэн эмчлүүлэгчдэд өдөрт нэг удаа эмийн алдаа тохиолддог болохыг судлан тогтоосон байна. Эмийн алдаанаас үүдэлтэй нийт нас баралтын 80 орчим хувь нь өндөр эрсдэлт эмийн алдаанаас үүдэлтэй байдаг бөгөөд алдааны гол шалтгаануудад өндөр эрсдэлт эмийн талаарх эмнэлгийн мэргэжилтнүүдийн мэдлэг дутмаг байгаатай холбоотой байна. Зорилго: Эмнэлгийн мэргэжилтнүүдийн өндөр эрсдэлт эмийн талаарх мэдлэгийг харьцуулан судлах. Арга, аргачлал: Судалгаанд төрөлжсөн мэргэжлийн болон аймаг, дүүргийн нэгдсэн эмнэлэгт ажилладаг нийт 781 эмч, сувилагч, эм зүйчдийг хамруулж, нэг агшингийн загвараар судалгааг хийж гүйцэтгэлээ. Судалгааны мэдээллийг нийт 33 асуулт бүхий судалгааны карт ашиглан цуглуулж, үр дүнгийн статистик боловсруулалтыг хийлээ. Үр дүн: Судалгаанд 347 (44.4%) эмч, 389 (49.8%) сувилагч, 45 (5.8%) эм зүйч хамрагдсан. Судалгаанд оролцогчдын 461 (59%) нь өндөр эрсдэлт эмийн талаарх мэдлэг хангалтгүй байв. Эмнэлгийн мэргэжилтнүүдийн өндөр эрсдэлт эмийн талаарх мэдлэгийн түвшин нь мэргэжил, мэргэжлийн зэрэг, ажилладаг тасаг, ажлын цагийн хуваарь (P<0.05) зэргээс хамаарч статистик ач холбогдол бүхий ялгаатай байсан. Судалгаанд оролцогчдын 248 (31.8%) нь өндөр эрсдэлт эмийн сургалтад хамрагдсан байгаа нь эмнэлгийн мэргэжилтнүүдэд сургалт, мэдээлэл зайлшгүй шаардлагатай байгааг харуулж байна. Дүгнэлт: Эмнэлгийн мэргэжилтнүүдийн өндөр эрсдэлт эмийн талаарх мэдлэг хангалтгүй байна. Эмч, сувилагч нарын өндөр эрсдэлт эмийн талаарх мэдлэг эм зүйчтэй харьцуулахад бага байна. Иймд өндөр эрсдэлт эмийн талаарх мэдээлэл сургалтыг сайжруулах, эмчлүүлэгчийн ба тусламж үйлчилгээний чанар, аюулгүй байдлыг сайжруулах тасралтгүй сургалтын хөтөлбөрүүдийг нэмэгдүүлэх шаардлагатай байна.
Background: There are several research studies shown that medication errors occur once a day among hospitalized patients. About 80% of all deaths caused by medication errors are caused by high alert medication error. The lack of knowledge of a healthcare professional is one of the leading causes of medication errors. Aim: This study aimed to evaluate and compare healthcare professionals’ knowledge of high alert medication. Materials and Methods: In this a cross-sectional questionnaire study was participated total of 781 health professionals (doctors, nurses, and pharmacists) working in specialized referral hospitals and province and district hospitals. Results: 347 doctors (44.4%), 389 nurses (49.8%), and 45 pharmacists (5.8%) participated in the study. 461 (59%) of the total participants had insufÏcient knowledge about high alert medications. There were significant differences in knowledge about high alert medication depending on the profession, professional degree, department, and work schedule (p< 0.05). Only 248 (31.8%) of the respondents attended in high alert medications training, indicating the need for training and information about high alert medications. Conclusion: Medical professionals’ knowledge of high alert medications was insufÏcient. Compared to pharmacists, doctors and nurses had less knowledge about high alert medications. It shows that the need for improved education and training in this area to reduce medication errors and improve patient safety.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/869
Эшлэл
Б.Золзаяа, А.Сайнзаяа, Ж.Бадамсэд, Ц.Дэлгэрмаа, Ө.Айгиймаа, Б.Мэндбаяр нар. Эмнэлгийн мэргэжилтнүүдийн өндөр эрсдэлт эмийн талаарх мэдлэгийг судалсан дүн. Эрүүл мэндийн шинжлэх ухаан. 2023;19(3):205-210.