Loading...
АШУҮИС-ийн Төв эмнэлгээр үйлчлүүлсэн чихрийн шижинтэй хүмүүст глюкоз бууруулах эмийн эмчилгээ, гликемийн хяналтыг судалсан дүн
Зохиогч
Он
2022 оны арван хоёрдугаар сарын 26
Төрөл
journal article
Journal
Эрүүл мэндийн шинжлэх ухаан
Volume
18
Issue
7
Start Page
12
End Page
15
ISSN
2959-6947
Хураангуй
Үндэслэл: Чихрийн чижин (ЧШ)-ийн эмчилгээнд сүүлийн жилүүдэд шинээр нэвтэрсэн эм, инсулиныг Монгол улсад өргөнөөр хэрэглэж эхэлсэн. Мөн ЧШ-ийн оношилгоо, эмчилгээний удирдамж 2021 онд шинэчлэгдсэн хэдий ч удирдамжийн практик хэрэглээ, ЧШ-тэй хүмүүст хэрэглэж буй эмийн ба инсулин эмчилгээний төрлүүд, үүнтэй холбоотой гликемийн хяналтыг судалсан судалгааны ажил хараахан хийгдээгүй байна. Зорилго: Чихрийн шижинтэй хүмүүст хэрэглэж буй эмийн ба инсулин эмчилгээний төрөл, гликемийн хяналтын байдлыг судлах. Арга, аргачлал: Энэхүү судалгааны хүрээнд эмнэлэгт суурилсан нилэнхүй түүврийн, нэг-агшингийн судалгааны загвараар АШУҮИС-ийн Төв эмнэлгээр үйлчлүүлсэн ЧШ-тэй хүмүүсийн мэдээлэлд дүн шинжилгээ хийсэн. Үр дүн: Нийт 262 хүний мэдээлэлд дүн шинжилгээ хийхэд тэдгээрийн дундаж нас 56.4±12.01 ба 56.9% (n=149) нь эрэгтэ чүүд, ЧШ-ийн үргэлжилсэн жил 8.6 жил (0-34) ба дийлэнх буюу 94.0% (n=246) нь хэвшинж-2-той байв. ЧШ-тэй хүмүүсийн 79% нь глюкоз бууруулах эмийн эмчилгээтэй ба үлдсэн 21% нь инсулин хэрэглэж байна. ЧШ-тэй хүмүүст хэрэглэж буй эм, инсулины төрлийг авч үзэхэд 47.3 (n=124) нь метформин, 14.1 (n=37) нь сульфанилмочевиний бүлгийн эмүүдийг 25.6 (n=67) нь инкретинд суурилсан эмийн бэлдмэл хэрэглэж байна. Инсулины хувьд аналог инсулины хэрэглээ бага буюу нийт инсулин эмчилгээтэй хүмүүсийн 23.6% байв. Гликемийн хяналтын хувьд 30% нь глюкозжсон гемоглобины шинжилгээг сүүлийн 1 жилийн хугацаанд хийлгээгүй, шинжилгээ хийлгэсэн хүмүүсийн 60% нь хяналт муу байна. Дүгнэлт: ЧШ-ийн эмчилгээнд сүүлийн жилүүдэд шинээр нэвтэрсэн эм, инсулины төрлүүдээс Монгол улсад хэрэглэж байгаа ч ЧШ-тэй хүмүүсийн дийлэнх буюу 60% нь гликемийн хяналт муу байна. Иймд ЧШ-ийн удирдамжын практик хэрэглээг нэмэгдүүлэх, ЧШ-тэй хүмүүсийн хяналтын үзлэгт хамрагдалт, менежментийг сайжруулах шаардлагатай байна.
Background: We have recently started using novel glucose lowering drugs and insulin therapies in Mongolia. Mongolian guidelines on diabetes mellitus has been updated in 2021. However there is no study on the use of glucose lowering drugs and insulin in patients with diabetes and their glycemic control. Aim: To study glucose lowering drugs and insulin usage in patients with diabetes and their glycemic control. Materials and Methods: We performed a cross-sectional study and analyzed data was conducted on patients with diabetes mellitus who admitted to central hospital of MNUMS. Results: A total of 262 patients’ data was reviewed. The male patients were 56.9% (n=149) and mean age was 56.4±12.08 years, mean duration of diabetes was 8.6 years (0-34) and 94.0% (n=246) of them had type 2 diabetes. Among all patients, 79% were given glucose lowering drugs and others (21%) were being treated with insulin. Regradring to types of oral glycemic drugs, 47.3 (n=124) was metformin, 14.1 (n=37) was sulfanylurea, and 25.6 (n=67) was incretin based drugs. It was observed that the use of analogue insulin was low: 23.6% of all patients were being treated with insulins. In the study, 30% of all patients did not get tested HbA1c for the last year. Moreover, 60% of patients who had tested HbA1c have poor glycaemic control. Conclusion: Altough nowel drugs and insulin types have been using in Mongolia in recent years for the treatment of diabetes mellitus, approximatily 60% of people with DM have poor glycemic control. Therefore, we need to increase the practical use of guidelines and to improve the management and follow-up in patients with diabetes.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/751
Эшлэл
Э.Билгүүн, Б.Энхтуяа, С.Цэрэнчимэд, Т.Баасандолгор, Б.Оюунтөгс, Х.Алтайсайхан. АШУҮИС-ийн Төв эмнэлгээр үйлчлүүлсэн чихрийн шижинтэй хүмүүст глюкоз бууруулах эмийн эмчилгээ, гликемийн хяналтыг судалсан дүн. Эрүүл мэндийн шинжлэх ухаан. 2022;18(7):12-15.