Loading...
Эмнэлэгт хэвтэн эмчлүүлсэн чихрийн шижинтэй хүмүүсийн хавсарсан эмгэгүүдийн судалгаа
Зохиогч
Он
2024 оны арван нэгдүгээр сарын 7
Төрөл
journal article
Journal
Эрүүл мэндийн шинжлэх ухаан
Volume
20
Issue
7
Start Page
195
End Page
199
ISSN
2959-6947
Хураангуй
Үндэслэл: Монгол Улсад чихрийн шижингийн тархалт нэмэгдсээр байгаа хэдий ч Чихрийн шижин (ЧШ)-тэй хүмүүсийн дундах хавсарсан эмгэгүүдийг судалсан судалгааны ажил харьцангуй ховор байгаа нь энэ судалгааны ажлыг хийх үндэслэл боллоо. Зорилго: Чихрийн шижинтэй хүмүүсийн дундах хавсарсан эмгэгүүдийг судлах. Арга, аргачлал: Энэхүү судалгааг ретроспектив бичиглэлийн ба аналитик судалгааны аргаар хийж гүйцэтгэсэн. АШУҮИС-ийн Монгол-Японы эмнэлэгт 2023.01.01-2023.12.31-ны хооронд хэвтэн эмчлүүлсэн ЧШтэй хүмүүсийн “Эмнэлгийн мэдээллийн систем” дэх мэдээллүүдийг урьдчилан бэлтгэсэн судалгааны хуудсыг ашиглан цуглуулсан. Үр дүн: Судалгаанд нийт 121 өвчтөн хамрагдсан ба дундаж нас нь 56.1±13.1 жил байв. Нийт хэвтэн эмчлүүлэгсэдийн 42.1% нь эрэгтэй (n=51) байсан. Эмнэлэгт хэвтэн эмчлүүлсэн дундаж хугацаа 7.12 хоног (хамгийн бага 5-аас хамгийн удаан 21 хоног) байв. Эмчлүүлэгчдийн дийлэнх нь (86.1%, n=105) төлөвлөгөөт журмаар, харин 13.2% (n=16) нь яаралтай тусламжийн тасгаар дамжин хэвтсэн эмчлүүлсэн. Нийт эмчлүүлэгчдийн дийлэнх буюу 94.2% (n=114) нь ЧШ хэвшинж-2, харин 5.8% (n=7) нь ЧШ хэвшинж-1-тэй байв. Эмнэлэгт хэвтэн эмчлүүлсэн шалтгааны хувьд 33.1% (n=41) нь ямаг нэг цочмог хүндрэлийн улмаас хэвтэн эмчлүүлсэн. ЧШ-тэй хэвтэн эмчлүүлэгчдийн 95.0% (n=115)-д ямар нэг хавсарсан архаг тохиолдсон ба үүний дотроос зүрх судасны тогтолцооны эмгэгүүд хамгийн элбэг буюу 65.8%, хоол боловсруулах эрхтэн тогтолцооны эмгэгүүд 36.8%, бөөр шээс ялгаруулах эрхтэн тогтолцооны эмгэгүүд 29.8% орж байна. Хавсарсан архаг эмгэгүүд ба эмнэлэгт хэвтэн эмчлүүлсэн шалтгаан хоорондын хамаарлыг судлахад 2 ба түүнээс дээш хавсарсан архаг эмгэгтэй байх нь ЧШ-ийн кетоацидозын шалтгаант эмнэлэгт хэвтэн эмчлүүлэх эрсдэлийг 4.5 (харьцуулсан харьцаа OR=4.01, 95% итгэх интервал 1.34-12.4, p=0.001) дахин нэмэгдүүлж байна. Дүгнэлт: Эмнэлэгт хэвтэн эмчлүүлсэн чихрийн шижинтэй хүмүүсийн 33.1% нь ямаг нэг цочмог эмгэгийн улмаас хэвтэн эмчлүүлсэн байна. Эмнэлэгт хэвтэн эмчлүүлсэн ЧШ-тэй хүмүүст зонхилон тохиолдох хавсарсан эмгэгүүдийн дунд зүрх судасны тогтолцооны эмгэгүүд хамгийн элбэг буюу 65.8% тохиолдож байна. Хавсарсан олон архаг эмгэгүүдтэй байх нь ЧШ-ийн цочмог хүндрэлийн эрсдэлийг 4 дахин нэмэгдүүлж байна.
Background: In Mongolia, with rising diabetes cases, understanding the main reasons for hospital admissions and the prevalence of comorbidities is essential for improving care. Aim: To analyze the data of hospitalized patients, focusing on the prevalence of diagnoses, comorbidities, and complications, particularly in those with diabetes mellitus. Materials and Methods: This retrospective study was conducted at a hospital in Mongolia with an internal medicine department, covering the period from January 1, 2023, to December 31, 2023. Collected data included patient demographics, primary reasons for admission, complications, and comorbidities. Results: A total of 121 patients were admitted during the specified period. The mean age was 56.1±13.1 years, with 42.1% being male (n=51). The mean hospital stay was 7.12 days. The majority, 86.8%, were admitted through planned hospitalizations, while 13.2% were admitted from the emergency department. Among these patients, 94.2% (n=114) were hospitalized due to type 2 diabetes and 5.8% (n=7) with type 1 diabetes. The predominant reasons for admission included poor glycemic control in 66.9% of patients, DKA in 11.5%, and severe infections, such as urinary tract infections, in 21.6%. Among hospitalized diabetic patients, 95.0% (n=115) had at least one chronic comorbidity and the main contributors were cardiovascular disease (65.8%), followed by gastrointestinal disease (36.8%), and kidney and urinary tract disease (29.8%). In a logistic regression analysis examining the relationship between multimorbidity and reasons for hospitalization, having two or more chronic comorbidities increases the risk of hospitalization due to diabetic ketoacidosis by 4.5 times (odds ratio OR=4.01, 95% confidence interval 1.34-12.4, p=0.001). Conclusion: Of the hospitalized diabetic patients, 33.1% were hospitalized due to an acute condition. Cardiovascular disorders were the most prevalent comorbidities among diabetic patients, observed in 65.8% of the cases and having multiple chronic comorbidities increases the risk of acute diabetic complications by 4 times.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1166
Эшлэл
Б.Анударь, Д.Оюумаа, М.Даваасүрэн, Б.Нарангэрэл, С.Аззаяа, Г.Нархажид нар. Эмнэлэгт хэвтэн эмчлүүлсэн чихрийн шижинтэй хүмүүсийн хавсарсан эмгэгүүдийн судалгаа. Эрүүл мэндийн шинжлэх ухаан. 2024;20(7):195-199.