Loading...
Шинж тэмдэггүй цөс чулуужих өвчин оношлогдсон үйлчлүүлэгчийн цөсний хүүдий авхуулсны дараах амьдралын чанарын судалгаа
Зохиогч
С.Долгормаа
Д.Бадамсүрэн
Ц.Сарнай
Он
2023 оны тавдугаар сарын 18
Төрөл
journal article
Journal
Эрүүл мэндийн шинжлэх ухаан
Volume
19
Issue
3
Start Page
196
End Page
199
ISSN
2959-6947
Хураангуй
Үндэслэл: Дэлхий даяар болон манай улсын хүн амын дунд цөс чулуужих өвчний тархалт өндөр байгаатай холбоотой цөсний хүүдий авах мэс заслын тоо буурахгүй байна. Монголчуудын хувьд Шинж тэмдэггүй цөс чулуужих өвчин оноштой үйлчлүүлэгч цөсний хүүдий авах мэс засал хийлгэх асуудал одоог хүртэл маргаантай байна. Зорилго: Шинж тэмдэггүй цөс чулуужих өвчин оношлогдсон үйлчлүүлэгчийн амьдралын чанарыг цөсний хүүдий авах мэс засал эмчилгээний өмнө болон дараа харьцуулан судлах. Арга, аргачлал: Судалгааг П.Н.Шастины нэрэмжит улсын гуравдугаар төв эмнэлгийг түшиглэн 2022 оны 06 дугаар сарын 01-ний өдрөөс 2023 оны 04 дүгээр сарын 10-ны өдрийн хооронд шинж тэмдэггүй цөс чулуужих өвчин оношлогдсон 128 үйлчлүүлэгчийн амьдралын чанарыг проспектив эмнэлэгт суурилсан ажиглалтын судалгааны аргаар цөсний хүүдий авах мэс засал эмчилгээний өмнө болон дараа үнэлж, дагаж судалсан. Цөсний хүүдий авах мэс заслын өмнө болон дараах амьдралын чанарыг SF–36 асуумжаар үнэлсэн. Судалгааны үр дүнгийн статистик боловсруулалтыг IBM SPSS-26 программыг ашиглан хийж гүйцэтгэсэн. Үр дүн: Судалгаанд шинж тэмдэггүй цөс чулуужих өвчин оношлогдож цөсний хүүдий авхуулах мэс засалд орсон 25-84 насны 128 эмчлүүлэгч хамрагдсан. Судалгаанд оролцогсдын дундаж нас 52.3±12.5 жил, хүйсийн хувьд 19.5% (n=25) нь эрэгтэй, 80.5% (n=103) нь эмэгтэй байв. Шинж тэмдэггүй цөс чулуужих өвчин оношлогдсон эмчлүүлэгчийн биеийн эрүүл мэндтэй холбоотой амьдралын чанар мэс заслын өмнө 88.7±9.4 хувь, мэс заслын дараа 84.0±9.6 хувь байгаа нь статистик ач холбогдол бүхий ялгаатай байв (p=0.000). Сэтгэцийн эрүүл мэндтэй холбоотой амьдралын чанар мөн адил мэс заслын дараа статистик ач холбогдол бүхий буурсан байв (p=0.000). Цөсний хүүдий авах мэс заслын дараах амьдралын чанар буурсан байна. Дүгнэлт: Шинж тэмдэггүй цөс чулуужих өвчин оношлогдсон, цөсний хүүдий авах төлөвлөгөөт мэс заслын дараа эмчлүүлэгчдэд биеийн эрүүл мэнд болон сэтгэцийн эрүүл мэндтэй холбоотой амьдралын чанар буурсан байгаа нь тодорхойлогдлоо.
Background: The prevalence of gallstone disease is high worldwide and among the population of our country, and the number of associated gallstone removal surgeries is not decreasing for Mongolians. The issue of gallbladder removal surgery for a client diagnosed with asymptomatic gallstone disease is still controversial. Aim: To compare the quality of life of patients diagnosed with asymptomatic gallstone disease before and after cholecystectomy. Materials and Methods: Based on third state central hospital, between June 1, 2022 and April 10, 2023, the quality of life of 128 clients diagnosed with asymptomatic gallstone disease was assessed and followed up before and after cholecystectomy in a prospective hospital-based observational study. Quality of life before and after cholecystectomy was assessed using the SF-36 questionnaire. Statistical processing of research results was done using IBM SPSS 26 software. Results: The study included 128 doctors aged 25-84 who were diagnosed with asymptomatic gallstone disease and underwent gallbladder removal surgery. The average age of the participants was 52.3±12.5, 19.5% (n=25) were male and 80.5% (n=103) were female. The physical health-related quality of life of patients diagnosed with asymptomatic gallstone disease was 88.7±9.4 percent before surgery and 84.0±9.6 percent after surgery, which was statistically significant difference (p=0.000). Mental health-related quality of life was also statistically significantly reduced after surgery (p=0.000). Quality of life decreases after gallbladder removal surgery. In addition, the quality of life related to the vitality of the patients with gallstone disease was on average 48±8 percent or less. Conclusion: Patients diagnosed with asymptomatic gallstone disease and undergoing elective cholecystectomy had lower physical and mental health-related quality of life.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/867
Эшлэл
С.Долгормаа, Д.Бадамсүрэн, Ц.Сарнай. Шинж тэмдэггүй цөс чулуужих өвчин оношлогдсон үйлчлүүлэгчийн цөсний хүүдий авхуулсны дараах амьдралын чанарын судалгаа. Эрүүл мэндийн шинжлэх ухаан. 2023;19(3):196-199.