Loading...
Бөөрний гэмтлийн маркер KIM1 уураг бөөрний архаг өвчний оношилгооны маркер болох нь
Зохиогч
Он
2026 оны гуравдугаар сарын 30
Төрөл
journal article
Journal
Эрүүл мэндийн шинжлэх ухаан
Volume
22
Issue
2
Start Page
28
End Page
32
ISSN
2959-6947
Хураангуй
Үндэслэл: Дэлхий дахинд бөөрний архаг өвчтэй нийт 697.5 сая хүн байгаа нь дэлхийн нийт хүн амын 9.1%-ийг эзэлж байна. Монгол орны хувьд бөөр шээсний замын өвчлөл нийт хүн амын өвчлөлийн 3-р байрт, хэвтэн эмчлүүлэгчдийн өвчлөлийн тэргүүлэх шалтгаан болж байна. Энэхүү өвчин нь зовуурь шинж тэмдэг бага, далд давшингуй явцтай байдаг тул сүүлийн жилүүдэд бөөрний архаг өвчний эрт үеийн оношилгооны асуудал чухлаар тавигдаж байна. Эрт үеийн оношилгооны маркерын нэг нь KIM1 (Kidney injury molecule 1) юм. KIM1 нь бөөрний гэмтлийн үед ойрын тахир сувганцрын хучуур эсэд нийлэгжиж, апоптоз болсон эсийн үлдэгдлийг фагоцитозд оруулах хүлээн авуур болдог. Монголд KIM1 маркерыг бөөрний архаг өвчинтэй холбон хараахан судлаагүй байгаа нь бидний судалгааны үндэслэл боллоо. Зорилго: Бөөрний архаг өвчтэй хүмүүст бөөрний гэмтлийн маркер KIM1 уургийг эмнэлзүйн биохимийн үзүүлэлтүүдтэй холбон судлах. Арга, аргачлал: Судалгааг аналитик судалгааны тохиолдол-хяналтын загвараар хийж гүйцэтгэв. Судалгаанд тохиолдлын бүлэгт 26, хяналтын бүлэгт 28 нийт 54 хүн хамрагдсан. УНТЭ-ийн яаралтай тусламжийн тасаг, дотрын тасгийн хяналтад эмчлүүлж байгаа бөөрний архаг өвчин оноштой 26 хүнийг тохиолдлын бүлэгт хамруулсан. Сийвэнгийн KIM1 уургийн түвшинг фермент холбоот эсрэг биеийн урвалаар тодорхойлов (Human Kim1 ELISA Kit, Cat: ELK2287). Судалгааны ажлын үр дүнгийн статистик боловсруулалтыг SPSS-23.0, текст бичиглэл, үр дүнгийн хүснэгт, дүрслэлийг Microsoft OfÏce программ ашиглан хийж гүйцэтгэсэн. Үр дүн: KIM1 уургийн түвшин нь креатинин, шээг(мочевин), шээсний хүчил, глюкоз, кали зэрэг үзүүлэлтүүдтэй эерэг, кальци, нийт уураг, альбуминтай урвуу хамааралттай байв. KIM1 уургийн дундаж түвшин бөөрний архаг өвчтэй бүлэгт 1379±208.3 пг/мл, хяналтын бүлэгт 91.19±22.09 пг/мл байсан нь хоёр бүлэг хооронд статистик ач холбогдол бүхий ялгаатай байв (p<0.0001). ROC шинжилгээгээр KIM1 (пг/мл) үзүүлэлтийн AUC=0.979 (95% CI:0.951-1.000, p<0.001) байна. ROC шинжилгээгээр босго утга KIM1≥236.17 пг/мл үед мэдрэг чанар 96.2%, өвөрмөц чанар 92.9% үед Youden index хамгийн өндөр (0.89) тодорхойлогдсон тул уг утгыг оношилгооны оновчтой хязгаар гэж тодорхойлов. Дүгнэлт: KIM1 түвшин нь креатинин, шээг, шээсний хүчил, глюкоз, кали зэрэг үзүүлэлтүүдтэй эерэг, кальци, нийт уураг, альбуминтай урвуу хамааралтай байв. KIM1 уургийн түвшин нь бөөрний архаг өвчтэй хүмүүст эрс өндөр буюу KIM1 нь БАӨ-ийг оношлох мэдрэг ба өвөрмөц чанар өндөртэй биомаркер болох нь тодорхойлогдлоо.
Background: Globally, 697.5 million people—9.1% of the world’s population—suffer from chronic kidney disease (CKD). In Mongolia, diseases of the kidney and urinary tract rank third in overall morbidity and are a leading cause of hospital admissions. Due to the asymptomatic and progressive nature of these diseases, early diagnosis of CKD has become a critical issue in recent years. One such early diagnostic marker is KIM-1 (Kidney Injury Molecule-1). KIM-1 is synthesized in the epithelial cells of the proximal tubule during renal injury and serves as a receptor for the phagocytosis of apoptotic cell debris. It is considered a promising biomarker for the early detection of kidney damage. Aim: To evaluate the relationship between KIM-1 (Kidney Injury Molecule-1) and clinical biochemical parameters in patients with chronic kidney disease. Materials and Methods: An analytical case-control study was conducted. A total of 54 participants were involved: a case group of 26 and a control group of 28. The case group included 26 patients with chronic kidney disease who were being treated at the Emergency and Internal Medicine departments of the First Central Hospital of Mongolia (FCHM). Serum KIM-1 protein levels were determined using an Enzyme-Linked Immunosorbent Assay (Human Kim-1 ELISA Kit, Cat: ELK2287). Statistical analysis was performed using SPSS-23.0, while text processing and data visualization were conducted using Microsoft OfÏce. Results: KIM1 levels are positively correlated with creatinine, urea, uric acid, glucose, and potassium, and inversely correlated with calcium, total protein, and albumin, indicating a correlation with clinical biochemical parameters. The mean level of KIM-1 protein was 1379±208.3 pg/mL in the chronic kidney disease group and 91.19±22.09 pg/mL in the control group, showing a statistically significant difference between the two groups ( p<0.0001). ROC analysis for KIM-1 (pg/ mL) showed an Area Under the Curve (AUC) of 0.979(95% CI: 0.951–1.000, p<0.001). The optimal diagnostic cut-off value was determined at KIM-1236.17 pg/mL, where sensitivity reached 96.2% and specificity 92.9%, with the highest Youden index(0.89). Conclusion: KIM1 levels were positively correlated with creatinine, urea, uric acid, glucose, and potassium, and inversely correlated with calcium, total protein, and albumin. KIM1 protein levels were significantly higher in patients with chronic kidney disease, suggesting that KIM1 is a highly sensitive and specific biomarker for the diagnosis of CKD.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1616
Эшлэл
Ж.Дүүрэнбилэг, Э.Оюунпүрэв, С.Алтансүх, Б.Чинзориг, Ж.Мөнхцэцэг, Т.Буянхүү. Бөөрний гэмтлийн маркер KIM1 уураг бөөрний архаг өвчний оношилгооны маркер болох нь. Эрүүл мэндийн шинжлэх ухаан. 2026;22(2):28-32.