Loading...
Остеокластын ялгаран хөгжил, үйл ажиллагаанд фолийн хүчил түүний аналогийн үзүүлэх нөлөөллийн судлагдсан байдал
Зохиогч
Он
2021 оны гуравдугаар сарын 21
Төрөл
journal article
Journal
Эрүүл мэндийн шинжлэх ухаан
Volume
17
Issue
4
Start Page
255
End Page
258
ISSN
2959-6947
Хураангуй
Фолийн хүчил нь усанд уусдаг В витамин бөгөөд птеридин, пара-аминбензойны хүчил, глутамины хүчил 3-аас тогтсон птероилглутамины хүчил юм. Аливаа витамин болон бага молекулт органик нэгдэл эсийн гадаргуу болон бөөмд байрлах өвөрмөц рецептороор дамжин эсэд нэвтрэх эсвэл аддаптор уургийг идэвхжүүлэх замаар эсийн дотоод дохио дамжилтанд оролцдог. Фолийн хүчил ДНХийн нийлэгжилтэд оролцохоос гадна ясны эсийн харилцан үйлчлэл тэр дундаа остеокластын ялгаран хөгжил, идэвхжилд хэрхэн нөлөөлдөг нь анхаарал татаж байна. Бид остеокластын үйл ажиллагаанд фолийн хүчлийн үзүүлэх нөлөөг судалсан бүтээлүүдийн тоймыг цуглуулан танилцаж дүн шинжилгээ хийлээ. 1) Остеокластийн ялгаран хөгжил, идэвхжилийн молекул механизмийн талаар нягтлан уншихад NFATc1, c-Fos трансприкцийн хүчин зүйл голлох үүрэгтэй оролцдог байна. 2) Эмнэлзүйн болон in vivo туршилт судалгаагаар фолийн хүчил остеокластад үзүүлэх нөлөөллийн тоймд дүн шинжилгээ хийхэд фолийн хүчил остеокластын ялгаран хөгжил, идэвхжилд оролцдог бөгөөд дарангуйлдаг байх магадлалтай байна. 3) Остеокластын дохио дамжилтын молекулуудад үзүүлэх фолийн хүчлийн нөлөөллийн тоймд дүн шинжилгээ хийхэд фолийн хүчил эсийн дохио дамжилтын MAPK, NFκB, c-Fos зэрэг уурагт үйлчилснээр эсвэл эсийн исэлдэн-ангижрах урвалд оролцсоноор остеокластын дотоод дохио дамжилтанд нөлөөлөх боломжтой юм. Гэвч фолийн хүчил остеокластын дохио дамжилтад шууд нөлөөлдөг эсэх нь тодорхойгүй байна.
Folic acid is a water-soluble B vitamin and composed of pteridine, para-aminobenzoic acid, and glutamic acid. A vitamin or a small-molecule organic compound stimulates some molecules of adaptor or signal transduction through binding its specific receptor on the cell surface or nuclear. In addition to its involvement in DNA synthesis, folic acid has been shown to affect bone cell interactions, including osteoclast differentiation and activation. We have reviewed and analyzed a study of the effects of folic acid on osteoclast function. 1) NFATc1 and c-Fos transcription port factors play a key role in the study of the molecular mechanisms of osteoclast differentiation and activation. 2) In an overview of the effects of folic acid on osteoclasts in clinical and in vivo experiments, suggested that folic acid is involved in and inhibits osteoclast differentiation. 3) An overview of the effects of folic acid on osteoclastogenic signaling molecules suggests that folic acid may affect intracellular signaling by acting on cellular signaling proteins such as MAPK, NFκB, c-Fos, or by participating in cell oxidation-reduction reactions. However, it is unclear whether folic acid directly affects osteoclastic signal transduction.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/339
Эшлэл
Н.Шижир, З.Мөнхжаргал, Б.Журамт, А.Авирмэд, С.Энэбиш, О.Эрдэнэзаяа. Остеокластын ялгаран хөгжил, үйл ажиллагаанд фолийн хүчил түүний аналогийн үзүүлэх нөлөөллийн судлагдсан байдал. Эрүүл мэндийн шинжлэх ухаан. 2021;17(4):255-258.