Loading...
Эфирийн тосны стрессийн эсрэг нөлөөг туршилтын амьтны тархины эдэд IBA 1 маркераар илрүүлсэн дүн
Зохиогч
Н.Ням-Эрдэнэ
Б.Арвинзаяа
М.Сувд
Ц.Анужин
Х.Батбаяр
Б.Хонгорзул
Б.Сувдаа
Он
2024 оны арван нэгдүгээр сарын 7
Төрөл
journal article
Journal
Эрүүл мэндийн шинжлэх ухаан
Volume
20
Issue
7
Start Page
205
End Page
210
ISSN
2959-6947
Хураангуй
Үндэслэл: Эфирийн тос нь ургамлын бодисын солилцооны хоёрдогч нийлэгжлийн бодис бөгөөд ургамлын өвөрмөц тансаг үнэрийг бий болгодог биологийн идэвхт бодис юм.1 Сүүлийн жилүүдэд улс орнууд Лаванда (lavandula angustifolia), Сарнай (Rosa damascena), Жүржийн мод (Citrus aurantium x L) зэрэг анхилам ургамлуудаас гарган авсан эфирийн тосыг архаг стрессийн эмчилгээнд өргөнөөр ашиглаж байна.2 Архаг стрессийн үед микроглий эс идэвхжин нейроны өсөлт хөгжилтөд чухал үүрэгтэй Brain-derived neurotrophic factor (BDNF)-ыг бууруулснаар мэдрэлийн эсэд үрэвсэл, сөнөрөл үүсэн улмаар ой тогтоолт буурч, танин мэдэхүйн үйл ажиллагааны алдагдал үүсэж байгааг тогтоосон байдаг.3,4 Архаг стресст өртөх нь мэдрэлийн эсэд үрэвсэл үүсгэгч М1 төрлийн эс болох IBA 1 микроглий эсийг нэмэгдүүлдэг байна.5 Харин эфирийн тос нь үрэвслийн эсрэг нөлөө үзүүлснээрээ М1 микроглий эсийн идэвхжлийг бууруулдаг нь тогтоогджээ.6 Манай оронд 300 орчим зүйлийн эфирийн тост ургамал ургадаг. Эдгээр эфирийн тост ургамлаас стрессийн эсрэг үйлдлийг нь судалсан судалгааны ажил хомс байгаа тул анхилам тансаг үнэрээр нь эрт дээр үеэс уламжлалт байдлаар өргөнөөр хэрэглэж ирсэн Ямаан арцны эфирийн тосыг сонгон стрессийн эсрэг үйлдэлтэй эсэхийг туршилтын амьтны тархины эд дэх IBA 1 микроглий эсийн маркераар дамжуулан судлах нь бидний судалгааны ажлын үндэслэл боллоо. Зорилго: Ямаан арцны эфирийн тос стрессийн эсрэг нөлөөтэй эсэхийг туршилтын амьтны тархины эд дэх микроглий эсийн IBA 1 маркераар илрүүлэх. Арга, аргачлал: Бид энэхүү судалгааг АШУҮИС-ийн, Био-Анагаахын хүрээлэнг түшиглэн гүйцэтгэсэн. АШУҮИС-ийн Судалгааны ёс зүйн хяналтын хорооны 2023 оны 11 сарын 24-ний өдрийн хурлаар (2023-03-09) хэлэлцүүлж уг судалгааг хийх зөвшөөрөл авсан. Архаг стресс үүсгэх зорилгоор 22-28 гр жинтэй, BALB/c үүлдрийн 25 эр хулганыг эрүүл хяналтын, эмгэг хяналтын, Ямаан арцны бага тунгийн, Ямаан арцны өндөр тунгийн болон Лавандагийн бүлэг гэсэн 5 бүлэг болгон хуваасан. Эрүүл хяналтын бүлгээс бусад бүлэгт архаг стрессийн загвар үүсгэн, эфирийн тосыг эмгэг хяналтын бүлгээс бусад бүлэгт 7 хоногийн турш үнэртүүлэх аргаар өгсний дараа нэвчүүлэн бэхжүүлэх аргаар бүх бүлгийн хулгануудыг егүүтгэн, тархины эдийг авч 4%-ийн параформальдегидийн уусмалд бэхжүүлж, хөлдөөж зүсэх аргаар эдийг бэлтгэн, иммуногистохимийн аргаар будаж, ImageJ болон prism программ ашиглан статистик тооцоолол хийсэн. Үр дүн: Архаг стрессийн дараа тархины эд дэх IBA 1 микроглий эс хэлбэрээ өөрчлөн амёбиод болон идэвхэжсэн хэлбэртэй болсон байв. ImageJ программ ашиглан нийт талбайг олсны дараа бүлэг тус бүрд IBA 1 микроглий эсийн тоог тоолж, статистик тооцоолол хийхэд 1,200,000 мкм2 талбайд эрүүл хяналтын бүлэг-2±1, эмгэг хяналтын бүлэг-18±2, бага тунгийн бүлэг-9±2, өндөр тунгийн бүлэг-5±1, Лавандагийн бүлэг-11±1 тооны IBA 1 эерэг микроглий эс эерэг будагдсан байв. Дүгнэлт: Судалгааны үр дүнгээс харахад архаг стрессийн үед эфирийн тос нь тархины эд дэх микроглий эсийн тоог бууруулснаараа тархины эдийг хамгаалах нөлөөтэй байна.
Background: Essential oils are secondary metabolites of plant substances that create the unique and luxurious scents of plants. In recent years, countries have widely used essential oils derived from aromatic plants such as Lavender (Lavandula angustifolia), Rose (Rosa damascena), and Orange tree (Citrus aurantium x L) in the treatment of chronic stress. During chronic stress, the activation of microglia plays a crucial role in neuronal growth and development by reducing Brain-derived neurotrophic factor (BDNF), which leads to inflammation and degeneration in nerve cells, resulting in memory disorder and cognitive dysfunction. Notably, exposure to chronic stress increases the M1 type inflammatory microglia cells, known as IBA 1. However, essential oils have been shown to reduce the activation of M1 microglial cells due to their anti-inflammatory effects. In our country, approximately 300 species of essential oil plants have been identified, but there has been a lack of research on their anti-stress effects. Therefore, we chose the essential oil of the aromatic plant Juniper sibirica, traditionally used for its luxurious scent, to investigate its potential anti-stress effects through the IBA 1 microglial cell marker in the brain tissue of experimental animals. This formed the basis of our research project. Aim: To investigate whether the essential oil of Juniper sibirica has anti-stress effects, we will identify the microglial cells using the IBA 1 marker in the brain tissue of experimental animals. Materials and Methods: Study was conducted at the Institute of Bio-Medical Sciences, MNUMS. The research was approved for conduct by the Ethics Review Board of the Mongolian National University of Medical Sciences during a meeting on November 24, 2023 (2023-03-09). Total of 25 male Balb/c mice, weighting approximately 22-28 gr, were randomly divided into 5 groups: control group, negative control group, Lavander group, and compound J.S essential oil’s low-dose group and high-dose group. After inducing a chronic stress model, mice were exposed to the essential oil scent for a week. Then all groups of mice were euthanized of perfusion fixation methods, brain tissue was taken, fixed in 4% paraformaldehyde solution, the tissue was prepared by frozen sectioning, immunohistochemical staining, and statistical calculations were performed using ImageJ software. Results: After chronic stress, IBA 1 microglial cells in brain tissue became amoeboid and activated. After finding the total area using ImageJ software, the number of IBA1 microglial cells in each group was counted and statistical calculations were performed on an area of 1,200,000 μm2: control group - 2±1, negative control group - 18±2, low dose group - 9±2, high dose group - 5±1, Lavender group - 11±1 number of IBA 1 positive microglial cells were stained. Conclusion: According to the results of the study, during chronic stress, essential oil has a protective effect on the brain tissue by reducing the number of microglial cells in the brain tissue.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1168
Эшлэл
Б.Мандах-Эрдэнэ, Б.Наранбат, Н.Ням-Эрдэнэ, Б.Арвинзаяа, М.Сувд, Ш.Үүртуяа нар. Эфирийн тосны стрессийн эсрэг нөлөөг туршилтын амьтны тархины эдэд IBA 1 маркераар илрүүлсэн дүн. Эрүүл мэндийн шинжлэх ухаан. 2024;20(7):205-210.