Loading...
Сэтгэцийн эмгэгтэй хүний нийгэмд аюултай үйлдлээс урьдчилан сэргийлэхэд гэр бүлийн үүрэг
Зохиогч
Он
2021 оны зургаадугаар сарын 10
Төрөл
journal article
Journal
Эрүүл мэндийн шинжлэх ухаан
Volume
17
Issue
7
Start Page
56
End Page
60
ISSN
2959-6947
Хураангуй
Үндэслэл: Хэвлэлийн тоймоос үзвэл Хятад, Энэтхэг улсад сэтгэцийн эмгэгтэй хүмүүсийн 90%, Германд өвчтөнүүдийн олонхи нь гэр бүлийн гишүүдийн хамт амьдардаг бөгөөд өвчний засралын үед гэр бүлийн гишүүд нь үйлчлүүлэгчид хяналт тавьдаг. Гэвч өвчтөний өвчин дахисан тохиолдолд ойр дотны хүмүүс нь нийгэмд аюултай үйлдлийн хохирогч болох тохиолдол олонтаа байдаг. Зорилго, зорилт: Сэтгэцийн эмгэгийн улмаас нийгэмд аюултай үйлдэл хийсэн тохиолдлын зарим шалтгаан, өвчний дахилтаас урьдчилан сэргийлэхэд гэр бүлийн гишүүдийн оролцоог судлан тогтооход оршино. Материал арга зүй: Судалгааг СЭМҮТ-ийн шүүхийн сэтгэцийн эмгэг судлалын клиникт хэвтэн эмчлүүлэгсдийн асран хамгаалагч нарыг хамруулан агшингийн судалгааны загвараар асуумж судалгааны аргаар хийв. Үр дүн: Судалгаанд эмнэлэгт 1-13 жил хэвтэн эмчлүүлж буй 80 эмчлүүлэгч, тэдний асран хамгаалагчийг хамрууллаа. Эмчлүүлэгчдийн 48.3% нь (n=39) эмнэлэгт хэвтэхээс өмнө сэтгэцийн эмчийн хяналтанд байсан, 16.3% нь шүүхийн сэтгэцийн эмгэг судлалын магадлан шинжилгээнд хамрагдаж байсан. Эмчлүүлэгчдийн 19% нь гэр бүл, хүүхдийн хамт, 50% нь аав, ээжийн хамт амьдарч байжээ. Эмчлүүлэгчдийн 33 (41.2%)-д нь аав, ээж, 21 (26.2%) нь хамаатан садны хүмүүс анхаарал тавьдаг гэсэн бол 3.7 % (n=3) нь хэн ч анхаарал тавьдаггүй (p=0.02) гэжээ. Эмчлүүлэгчдийн 58.7% (n=47) нь гэр бүлийнхний зүгээс эмчлүүлэгчтэй үгэн харилцаа тогтоодог, 41.3% (n=33) нь гэр бүлийнхэн бараг ярилцдаггүй хэмээн хариулсан байлаа. Судалгаагаар эмчлүүлэгчийн ойр дотны хүмүүсийн 48.7% (n=39) хохирогч болсон, 32.2% нь танихгүй хүнд хохирол учруулсан тохиолдол байгаагаас үзвэл сэтгэцийн эмгэгтэй хүмүүс ойр дотны хүмүүстээ хохирол учруулах эрсдэл өндөр байдаг болох нь статистик ач холбогдолтой байна (p=0.005). Дүгнэлт: Сэтгэцийн эмгэгтэй эмчлүүлэгчдийн олонхи нь эцэг эхийн хамт амьдардаг, эмчлүүлэгчдэд ар гэрийнхний зүгээс тавих хяналт хангалттай бус, эмчлүүлэгчдийн ойр дотны хүмүүс нийгэмд аюултай үйлдэлд өртөх эрсдэлтэй байна.
Background: According to review 90% of people with mental illness in China and India, and the majority of mental patients in Germany live with their family members. The family members supervise and controlling the patients during remission period. Unfortunately, many family members often become victims of socially dangerous act of mental patients in recurrence period. Aim, objective: To define some reasons of socially dangerous act due to mental disorders and to detect a role of family members to prevent from recurrence of mental disorder. Material and methods: The study was conducted among caregivers of mentally inpatients in forensic clinic of the NCMH and study design was descriptive cross-sectional, used a semi-structured questionnaire. Results: The study included 80 inpatients and their caregivers, who have been hospitalized for 1-13 years in the clinic. Of total respondents, 48.3% (n=39) were supervising under psychiatrist before hospitalization, and 16.3% are done forensic psychiatric examination. 19% of respondents were lived with their family and children, and 50% were lived with their parents before hospitalization. 33 (41.2%) of total respondents reported, that their parents were cared them; 21 (26.2%) were cared by their relatives, and 3.7% (n=3) are reported, that no one cared them (p=0.02). 58.7% (n=47) of total respondents communicated with their family by verbal communication, and 41.3% (n=33) are not talked with family. According to results, 48.7% (n=39) of closest relatives were their victims, 32.2% were acted to strangers. It is statistically significant that mentally ill people have a higher risk of dangerous acting their relatives (p=0.005). Conclusion: Majority of mental patients were lived with their parents; there is insufÏcient family supervision of patients; and relatives of inpatients are at risk of socially dangerous act.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/452
Эшлэл
Б.Баасандорж, Д.Оюунсүрэн, З.Хишигсүрэн. Сэтгэцийн эмгэгтэй хүний нийгэмд аюултай үйлдлээс урьдчилан сэргийлэхэд гэр бүлийн үүрэг. Эрүүл мэндийн шинжлэх ухаан. 2021;17(7):56-60.