Loading...
Ургамлын гаралтай нийлмэл бэлдмэлийн артерийн даралтад үзүүлэх үйлдлийг судалсан дүн
Зохиогч
Он
2026 оны тавдугаар сарын 22
Төрөл
journal article
Journal
Эрүүл мэндийн шинжлэх ухаан
Volume
22
Issue
5
Start Page
198
End Page
203
ISSN
2959-6947
Хураангуй
Үндэслэл: Стресс, нойргүйдэл, сэтгэл түгшил нь нийгэмд өргөн тархсан сэтгэцийн эмгэгийн нэг бөгөөд хөдөлмөрийн чадвар буурах, амьдралын чанар доройтох, архаг өвчний эрсдэл нэмэгдэх зэрэг сөрөг үр дагаврыг үүсгэдэг. Стрессийн үед симпатик мэдрэлийн тогтолцоо идэвхжиж зүрхний цохилтын тоо ихсэх, судас агших, улмаар артерийн даралт нэмэгдэх зэрэг физиологийн өөрчлөлтүүд илэрдэг ба удаан хугацаанд үргэлжилбэл артерийн даралт ихсэх өвчин болон зүрх судасны бусад эмгэг үүсэх эрсдэлийг нэмэгдүүлдэг. Сүүлийн жилүүдэд тайвшруулах, нойрсуулах, сэтгэл түгшлийг багасгах үйлдэлтэй эмийн ургамлуудын фармакологийн судалгаа эрчимтэй хийгдэж байна. Иймээс бид уламжлалт анагаах ухаанд тайвшруулах, нойрсуулах, сэтгэл засах зорилгоор хэрэглэж ирсэн Эмийн бамбай, Сибирь хотой ургамлаас нийлмэл бэлдмэл бэлтгэж, артерийн даралтад үзүүлэх үйлдлийг судлах шаардлага тулгарч байна. Зорилго: Ургамлын гаралтай нийлмэл бэлдмэлийн артерийн даралтад нөлөөлөх үйлдлийг судлах. Арга, аргачлал: Бид Эмийн бамбай болон Сибирь хотойн 70%-ийн этанолын ханднаас 30:70 харьцаатайгаар нийлмэл бэлдмэл бэлтгэж, хэвийн үеийн болон АТ II-р үүсгэгдсэн артерийн даралт ихсэлтэд нөлөөлөх үйлдлийн судалгааг C57BL/6 үүлдрийн хулганад 750, 1000 мг/кг тунгаар уулгаж, Softron BP-98AWU аппарат ашиглан, систол болон диастолын даралтыг хэмжиж, бүлэг хооронд харьцуулан судалсан. Үр дүн: Ургамлын гаралтай нийлмэл бэлдмэлийг 750, 1000 мг/кг тунгаар хэрэглэхэд хэвийн үеийн СД-ыг 6.7-12.3%, ДД-ыг 16.0-29.3%-иар тус тус бууруулсан (p<0.05) бол АТ II-ыг хэвлийн хөндийд тарьж үүсгэсэн артерийн даралт ихсэлтийн эмгэг загварын үед СД-ыг 5.9-19.6%, ДД-ыг 6.3-20.1%иар тус тус бууруулсан (p<0.05). Осмотик шахуурга ашиглан АТ II-р артерийн даралт ихсэлтийн эмгэг загвар үүсгэхэд нийлмэл бэлдмэл нь 750 мг/кг тунгаараа СД-ыг 18.2-33.1%, ДД-ыг 16.4-27.8%-иар бууруулж байлаа (p<0.001). Дүгнэлт: Ургамлын гаралтай нийлмэл бэлдмэлийг 750, 1000 мг/кг тунгаар хэрэглэхэд хулганын хэвийн үеийн болон АТ II-р үүсгэгдсэн артерийн даралт ихсэлтийг бууруулах үйлдэлтэй болох нь тогтоогдлоо.
Background: Stress, insomnia, and anxiety are among the most prevalent mental health disorders in society and are associated with negative consequences such as reduced work capacity, decreased quality of life, and an increased risk of chronic diseases worldwide. During stress, the sympathetic nervous system becomes activated, leading to physiological changes such as increased heart rate, vasoconstriction, and elevated arterial blood pressure. If prolonged, these changes may increase the risk of developing hypertension and cardiovascular diseases. In recent years, pharmacological research on medicinal plants with sedative, hypnotic, and anxiolytic effects has been intensively conducted. Therefore, there is a growing need to develop a combined herbal preparation from Valeriana ofÏcinalis L. and Leonurus sibiricus L., which have been used in traditional medicine for sedative, hypnotic, and anxiolytic effects, and to investigate their effects on arterial blood pressure. Aim: To investigate the effect of an herbal complex preparation on arterial blood pressure. Materials and Methods: An herbal complex preparation was formulated from 70% ethanol extracts of Valeriana officinalis L. and Leonurus sibiricus L. in a 30:70 ratio. Its effects on normal blood pressure and Angiotensin II-induced hypertension were evaluated in C57BL/6 mice. The preparation was administered orally at doses of 750 and 1000 mg/kg. Systolic and diastolic blood pressure were measured using a Softron BP-98AWU system and compared between groups. Results: At doses of 750 and 1000 mg/kg, the complex preparation reduced systolic blood pressure (SBP) by 6.4-12.0% and diastolic blood pressure (DBP) by 16.1-28.1% under normal conditions (p<0.05). In the intraperitoneal Angiotensin II-induced hypertension model, SBP decreased by 5.9-19.6% and DBP by 6.3-20.1% (p<0.05). In the osmotic pump-induced Angiotensin II hypertension model, the 750 mg/kg dose reduced SBP by 18.2-33% and DBP by 17.2-28.3% (p<0.001). Conclusion: The herbal complex preparation at doses of 750 and 1000 mg/kg demonstrated a significant antihypertensive effect in both normal and Angiotensin II-induced hypertensive mice.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1710
Эшлэл
А.Тэгшжаргал, Г.Баттөгс, Г.Марал-Эрдэнэ, Б.Батдаваа, Ц.Чимгээ, Г.Энхмаа нар. Ургамлын гаралтай нийлмэл бэлдмэлийн артерийн даралтад үзүүлэх үйлдлийг судалсан дүн. Эрүүл мэндийн шинжлэх ухаан. 2026;22(5):198-203.