Loading...
Улаанбаатар хотын залуу иргэдийн дундах утаат тамхины хэрэглээ, тамхины донтолтод нөлөөлж буй хүчин зүйлсийг үнэлэх нь
Зохиогч
С.Халиун
Б.Эгшиглэн
Э.Номин-Эрдэнэ
Б.Алтанхишиг
Н.Марал
З.Мандуул
Ө.Жаргалтулга
Э.Ренчиндорж
Он
2024 оны дөрөвдүгээр сарын 13
Төрөл
journal article
Journal
Эрүүл мэндийн шинжлэх ухаан
Volume
20
Issue
4
Start Page
53
End Page
57
ISSN
2959-6947
Хураангуй
Үндэслэл: Дэлхий дахинд сүүлийн жилүүдэд залуу иргэдийн дундах тамхидалт нэмэгдэж байгаа нь утаат тамхины үйлдвэрлэл, хэрэглээ ихэссэнтэй шууд холбоотой бөгөөд үүнийг дагаад никотинд донтох тохиолдлууд эрс нэмэгдэж байгаа билээ. Зорилго: Тиймээс бид энэхүү судалгаагаар Улаанбаатар хотын залуу иргэдийн дундах утаат тамхинд донтох донтолтын зэргийг үнэлж, түүнд нөлөөлж болох хүчин зүйлсийг харьцуулан судлахыг зорилоо. Арга, аргачлал: Улаанбаатар хотын 13-44 насны хүмүүсээс агшингийн судалгааны аргаар 2023 оны 11-р сараас 2024 оны 1-р сар хүртэл судалгааг явуулсан ба түүврийг санамсаргүй аргаар цуглуулсан. Асуумжид “STEPS”, болон “GYTS”-ийг тус тус ашигласан. Үр дүнгийн боловсруулалтад IBM-SPSS 26 программ дахь ерөнхий дескриптив болон Хи-кватрат аргуудыг ашиглаж, p<0.05 үед статистик ач холбогдол бүхий ялгаатай гэж үнэлсэн. Үр дүн: Судалгаанд нийт 1362 хүн оролцсоноос 59.5% (n=811) эмэгтэй, 40.5% (n=551) эрэгтэй, дундаж нас 21.5±7.9 байв. Нийт судалгаанд хамрагдагсдын 18.8% нь янжуур тамхи, 23.2% нь электрон тамхи татаж байгаа ба тамхины нийт хэрэглээ 34.9%ийн үзүүлэлттэй байсан. Хүйсээр харьцуулахад аль ч тамхины хэрэглээ эрчүүдийн дунд илүү байсан ба янжуур тамхи болон нийт тамхины хэрэглээ 25-44 насныхны дунд, харин электрон тамхины хэрэглээ 16-24 насныхны дунд хамгийн их байна. Тамхи хэрэглэдэг хүмүүсийн 43.1% нь гэртээ тамхи татдаг хүнтэй, 72.9% нь ажил дээрээ тамхи татдаг хүнтэй байсан. Сүүлийн 1 жилийн хугацаанд ямар нэгэн тамхины хор уршгийн талаар ярилцаж байсан хүмүүсийн 27.3% (p<0.05) нь тамхи татаж байна. Харин анх хэдэн насанд тамхи сорж үзсэн болон ямар төрлийн тамхи сорж үзсэн байдал нь тамхины хэрэглээтэй хамааралгүй гарсан. Никотинд хамааралт байдлын хувьд тамхи татдаг хүмүүсийн 16.4% (50) нь сонирхон хэрэглэгч, завсрын хэрэглэгч 34.2% (104), бэхжсэн хэрэглэгч 49.3% (150) байгаа ба бэхжсэн хэрэглээ нь янжуур тамхи хэрэглэгчдийн дунд өндөр байна. Тамхи хэрэглэгчдийн донтолтонд тамхи үйлдвэрлэгч борлуулагч үнэгүй тамхи санал болгох (53.3 p<0.0001), олон нийтийн газар (37.8% p<0.0001) болон гэрийн нөхцөлд (37.2% p<0.0001) дам тамхидалтанд өртөх нь бэхжсэн хэрэглэгч болоход хамгийн ихээр нөлөөлж байна. Дүгнэлт: Улаанбаатар хотын залуучуудын 3 хүн тутмын 1 нь ямар нэгэн төрлийн тамхийг хэрэглэж байна. Тамхины хэрэглээг бууруулахад сургууль, байгууллагуудын иргэдийн дундах эрүүл мэндийн боловсролыг дэмжих болоод ямар ч төрлийн тамхины ил болон далд сурталчилгааг зогсоож, хяналт тавих шаардлагатай.
Background: The increase in smoking among young people in the world in recent years is directly related to the increase in the production and consumption of smoky cigarettes, and within this, the cases of nicotine addiction are increasing drastically. Therefore, in this study, we aim to evaluate the degree of smoking addiction among young citizens of Ulaanbaatar and compare the factors that can affect it. Aim: To evaluate the prevalence of tobacco use among young citizens of Ulaanbaatar and some factors that may influence their addiction. To determine the prevalence of tobacco use among young citizens of Ulaanbaatar. Materials and Methods: From November 2023 to January 2024, a survey was conducted from 13 to 44 years of age in Ulaanbaatar, and the sample was collected randomly. “STEPS” and “GYTS” were used in the questions. The general descriptive and Chi-square methods in the IBM-SPSS 26 program were used for processing the results, and statistically significant differences were evaluated at p<0.05. Results: A total of 1362 people participated in the study, 59.5% (n=811) were women, 40.5% (n=551) were men. 18.8% of the respondents smoke cigarettes, 23.2% smoke electronic cigarettes, and the total consumption of tobacco was 34.9%. Compared to gender, tobacco use was higher among men, with a cigarette and total tobacco use highest among 25-44 year olds and e-cigarette use among 16-24 year olds. 43.1% of smokers have someone who smokes at home, and 72.9% have someone who smokes at work. 27.3% (p<0.05) of those who discussed the harmful effects of smoking in the last 1 year are smoking. However, the age at which smoking was first tried and the type of smoking was not related to smoking. Conclusion: 1 out of 3 youths in Ulaanbaatar use some kind of tobacco. To reduce the consumption of tobacco, it is necessary to support health education among citizens in schools and institutions and to stop and monitor all kinds of open and hidden advertising of tobacco.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/177
Эшлэл
С.Халиун, Б.Эгшиглэн, Э.Номин-Эрдэнэ, Б.Алтанхишиг, Н.Марал, Ф.Екатерина нар. Улаанбаатар хотын залуу иргэдийн дундах утаат тамхины хэрэглээ, тамхины донтолтод нөлөөлж буй хүчин зүйлсийг үнэлэх нь. Эрүүл мэндийн шинжлэх ухаан. 2024;20(4):53-57.