Loading...
Бүслүүр үлд өвчний эмчилгээнд самнуур заслыг зүү эмчилгээтэй хавсруулан эмчилсэн үр дүн
Зохиогч
Он
2025 оны тавдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
4
Start Page
160
End Page
164
ISSN
2959-6947
Хураангуй
Үндэслэл: Бүслүүр үлд (Herpes zoster) нь салхин цэцэг-бүслүүр үлд үүсгэгч Varicella-zoster virus-ын дахин идэвхжилээр үүсдэг хурц үрэвсэлт арьсны өвчин юм. Олон улсын судалгаанаас үзэхэд өвчний явцад өвчтөний амьдралын чанар ноцтойгоор алдагддаг ба архаг өвдөлт нь өдөр тутмын үйл ажиллагаанд сөргөөр нөлөөлдөг. Эмнэлзүйн практикт самнуур заслын аргыг бүслүүр үлд өвчний үед үр дүнтэйгээр хэрэглэж ирсэн бөгөөд самнуур засал нь өвчний зовуурийг бууруулах, арьсны үрэвслийг намжаах, арьсны нөхөн төлжилтийг дэмжих зэрэг эерэг нөлөө үзүүлдэг. Иймд бүслүүр үлд өвчнийг самнуур засал, зүү эмчилгээтэй хослуулан эмчилсэн судалгаа ховор байгаа тул энэхүү эмнэлзүйн судалгааг хийх үндэслэл боллоо. Зорилго: Бүслүүр үлд оноштой эмчлүүлэгчдэд самнуур заслыг зүү эмчилгээтэй хавсруулан хийж эмчилгээний дүнг тооцох. Арга, аргачлал: Судалгааг санамсаргүй бус түүврийн аргаар эмнэлзүйн туршилт судалгааны загвараар АШУУИСийн Монгол Анагаах Ухааны Олон Улсын Сургууль, ӨМӨЗО-ны Олон Улсын Монгол Эмнэлгийн Хороо (ОУМЭХ)-г түшиглэн судалгаанд хамруулах шалгуур хангасан бүслүүр үлд (ICD 10–B02.9) оноштой 70 үйлчлүүлэгчийг хамруулж эмчилгээний бүлэгт самнуур заслыг зүү эмчилгээтэй хавсруулан хийсэн. Хяналтын бүлэгт Ацикловир эмийг 800 мг-аар өдөрт 5 удаа 7-10 хоногийн турш, Прегабалин 75 мг-аар өдөрт 2 удаа 14 хоног уусан. Эмчилгээний үр дүнг үнэлэхдээ өвдөлтийн байдлыг VAS шугаман үнэлгээ, амьдралын чанарыг SF-12 (Short Form12 health survey) товч асуумжаар, Афины нойргүйдлийн шалгуураар (AIS) өвчтөний унтах чанарыг хэмжиж, нойргүйдлийн байдлыг үнэлэв. Эмчилгээний дүнд эдгэрсэн байдлыг “Монгол уламжлалт анагаах ухааны өвчний оношилгоо, эмчилгээний стандарт”-аар үнэлсэн. Үр дүн: Судалгаанд оролцогсдын дундаж нас эмчилгээний бүлэгт 47.29±11.11 жил, хяналтын бүлэгт 44.43±11.63 жил, хүйсийн хувьд 34% нь эрэгтэйчүүд, 66% нь эмэгтэйчүүд байв. Эмчилгээний үр дүнг VAS шугаман үнэлгээгээр үнэлэхэд өвдөлтийн байдал эмчилгээний бүлэгт өвдөлтийг илүү бууруулсан статистик ач холбогдол бүхий үр дүнтэй байв (P<0.001). Судалгаанд оролцогсдын амьдралын чанарыг SF-12 асуумжаар үнэлэхэд физиологийн талаас үнэлсэн (Physical component summary) онооны хувьд (SF-12-PCS) эмчилгээний бүлэгт эмчилгээний өмнө 32.71±7.38 байсан бол эмчилгээний дараа 52.99±2.02 болж нэмэгдсэн ба (t=-17.18, p<0.001), хяналтын бүлэгт 36.10±7.41ээс 51.56±7.9 (SF-12-3.9) болж нэмэгдсэн байна (p<0.001). Судалгаанд хамрагсдын нойрны байдлыг AIS асуумжаар үнэлэхэд эмчилгээний бүлгийн нойрны чанар хяналтын бүлгийнхээс өндөр байсан (P<0.05). Монголын уламжлалт анагаах ухааны өвчний оношилгоо, эмчилгээний стандартаар үнэлэхэд самнуур заслыг зүү эмчилгээтэй хавсруулан хийж эмчилснээр эдгэрэлтийн байдал 100% байлаа. Дүгнэлт: 1. Бүслүүр үлд өвчний эмчилгээнд самнуур заслыг зүү эмчилгээтэй хавсруулан хийхэд өвдөлтийг сайн бууруулж байна. 2. Бүслүүр үлд оноштой үйлчлүүлэгчдэд самнуур заслыг зүү эмчилгээтэй хавсруулсан хийснээр нойрны болон бие, сэтгэцийн үйл ажиллагааны хувьд амьдралын чанарыг сайжруулах үр дүнтэй байна.
Background: Herpes zoster (shingles) is an acute inflammatory skin disease caused by the reactivation of the Varicella-zoster virus. International studies show that the disease severely reduces patients’ quality of life, and chronic pain negatively affects daily activities. In clinical practice, bloodletting pricking therapy has been effectively used for herpes zoster, with positive effects including reducing disease symptoms, alleviating skin inflammation, and promoting skin regeneration. Due to the limited research on treating herpes zoster with combined bloodletting pricking therapy and acupuncture, this clinical study was conducted. Aim: To evaluate the effectiveness of combining bloodletting pricking therapy with acupuncture in patients diagnosed with herpes zoster. Materials and Methods: The study was conducted using a non-randomized clinical trial design based at the International School of Mongolian Medicine of MNUMS and the Inner Mongolia International Mongolian Medicine Committee (IMIMC). The study included 70 patients diagnosed with herpes zoster (ICD 10-B02.9) who met the inclusion criteria. The treatment group received bloodletting pricking therapy combined with acupuncture. The control group received Acyclovir 800 mg 5 times daily for 7-10 days and Pregabalin 75 mg twice daily for 14 days. Treatment effectiveness was evaluated using the VAS linear scale for pain assessment, the SF-12 (Short Form-12 health survey) questionnaire for quality of life, and the Athens Insomnia Scale (AIS) to measure sleep quality and evaluate insomnia. The treatment outcome was assessed according to the Mongolian Traditional Medicine Diagnostic and Treatment Standards. Results: The average age of participants was 47.29±11.11 in the treatment group and 44.43±11.63 in the control group, with 34% male and 66% female participants. According to the VAS linear scale, the treatment group showed a statistically significant greater reduction in pain (P<0.001). The quality-of-life assessment using the SF-12 questionnaire showed that the Physical Component Summary (SF-12-PCS) in the treatment group increased from 32.71±7.38 before treatment to 52.99±2.02 after treatment (t=-17.18, p<0.001), while in the control group, it increased from 36.10±7.41 to 51.56±7.9 (SF-12-3.9) (p<0.001). According to the AIS questionnaire, the sleep quality in the treatment group was significantly better than in the control group (P<0.05). According to the Mongolian Traditional Medicine Diagnostic and Treatment Standards, the combined treatment of pricking therapy and acupuncture resulted in a 100% recovery rate. Conclusions: 1. The combination of bloodletting pricking therapy and acupuncture in treating herpes zoster effectively reduces pain. 2. For patients diagnosed with herpes zoster, combining bloodletting pricking therapy with acupuncture effectively improves quality of life in terms of sleep quality as well as physical and mental functioning.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1234
Эшлэл
Сувд (SUBUDE), Б.Лагшмаа, З.Болортулга, Н.Занди, Н.Оюунцэцэг. Бүслүүр үлд өвчний эмчилгээнд самнуур заслыг зүү эмчилгээтэй хавсруулан эмчилсэн үр дүн. Эрүүл мэндийн шинжлэх ухаан. 2025;21(4):160-164.