Loading...
Энхийг дэмжих ажиллагаанд бэлтгэгдэж буй цэргийн албан хаагчдын сэтгэлзүйн хэвшинж, сэтгэцийн зарим үзүүлэлтийг судалсан дүн
Зохиогч
Н.Өлзийхутаг
Он
2023 оны тавдугаар сарын 22
Төрөл
journal article
Journal
Эрүүл мэндийн шинжлэх ухаан
Volume
19
Issue
4
Start Page
177
End Page
181
ISSN
2959-6947
Хураангуй
Үндэслэл: НҮБ-ын ивээл дор явуулж буй энхийг дэмжих ажиллагаа идэвхижсэн сүүлийн 30-аад жилийн түүхээс үзэхэд байлдааны ажиллагаа нь энхийг дэмжих үйл ажиллагаанд оролцогчдын сэтгэлзүйн дарамт зовуурийг ихэсгэн, сэтгэцийн эрүүл мэндийн тулгамдсан асуудлыг үүсгэн, амьдралын чанарыг бууруулдаг болох нь харагдаж байна. Иймд бид НҮБ-ийн Энхийг дэмжих ажиллагаанд Монгол улсаас оролцож буй энхийг дэмжигчдийн сэтгэцийн эрүүл мэндэд дайн, тулаантай нутаг орны байдал хэрхэн нөлөөлж буйг судлан тогтоох шаардлагатай байгаа нь энэхүү судалгааг хийх үндэслэл боллоо. Зорилго: Энхийг дэмжих ажиллагаанд оролцогчдын сэтгэцийн эрүүл мэндийн зарим үзүүлэлтийг сэтгэлзүйн хэв шинжтэй нь уялдуулан судлаж тусламжийн хэрэгцээг судлан тогтоох. Арга, аргачлал: Судалгааг Өмнөд Судан улсад явагдах энхийг дэмжих ажиллагаанд бэлтгэгдэж буй цэргийн албан хаагчдын дунд дескриптив судалгааны агшингийн загвараар хийж гүйцэтгэв. Үр дүн. Судалгаанд 20-47 насны нийт 372 цэргийн албан хаагч таниулсан зөвшөөрлийн хуудастай танилцан, сайн дураар хамрагдсан бөгөөд тэдний 20-34 насныхан 81.1%, байсан бөгөөд хүйсийн хувьд авч үзвэл эрэгтэйчүүд 90% байв (p≤0.001). Судалгаанд нийт оролцогчийн 45.1% нь тусгай дунд, 37% нь дээд боловсролтой, 72.3% нь гэр бүлтэй, 72.9% нь 0-3 насны хүүхэдтэй байв (p≤0.001). Судалгаанд хамрагдагсадын 99% нь өөрийн хүсэлтээр энхийг дэмжих ажиллагаанд оролцож байгаа ба 47.3% (p≤0.001) нь урьд нь энхийг дэмжих ажиллагаанд оролцож байсан туршлагатай байлаа. Энхийг дэмжих ажиллагааны бэлтгэл нь цэргийн албан хаагчдын бие бялдрыг хөгжүүлэхээс (p≤0.001) гадна сэтгэлзүйн бэлтгэл (p≤0.001), стрессийг даван туулах чадвар (p=0.002), багаар хамтран ажиллах чадвар (p≤0.001)-ыг хөгжүүлэх боломжийг олгосон хэмээн 60-78% нь хариулсан байв. Хувь хүний сэтгэлзүйн хэвшинжийг Айзенкийн сорилоор тодорхойлоход, 21.5% холерик, 35.2% сангвиник, 24.2% флегматик, 9.1% нь меланхолик хэв шинжтэй байлаа. Неврозын илрэл нь меланхолик хэв шинжийн оролцогчдод бусад хэв шинжийн оролцогчдоос статистик ач холбогдол бүхий (p≤0.001) ялгаатай тодорхойлогдсон болно. Архины хэрэглээг үнэлэхэд, нийт оролцогчийн 89.5% (n=333) нь бага хэрэглээтэй, 9.9% (n=37) нь хэтрүүлэн хэрэглэгч байсан бол нас ахих тусам архины хэрэглээний түвшин ихтэй буюу хэтрүүлэн хэрэглэгч, хортой үр дагавар өгөхүйц хэрэглээтэй оролцогчийн тоо нэмэгдэж, 35-аас дээш насныхны дунд архины хэрэглээ статистик ач холбогдол бүхий (p=0.002) ялгаатай байлаа. Дүгнэлт: Энхийг дэмжих ажиллагаанд оролцохоор бэлтгэгдэж буй цэргийн албан хаагчдын сэтгэцийн эрүүл мэндийн зарим үзүүлэлт нь хувь хүний сэтгэлзүйн хэвшинжээс хамааран ялгаатай (p≤0.001) тодорхойлогдож байсан ба архины хэрэглээ 35-аас дээш насныханд илүү байгаа нь цаашид цэргийн алба хаагчдын сэтгэцийн эрүүл мэндийг хамгаалах, дэмжих, стресс тайлах энгийн аргад суралцах, сэтгэцийн эмгэгт өртөх эрсдэлээс урьдчилан сэргийлэх олон талт арга хэмжээг авах шаардлагатайг харуулж байна.
Background: Based on the history of the last 30 years of UN peacekeeping operations, it can be seen that combat operations increase the psychological distress of peacekeepers, cause serious mental health problems, and reduce the quality of life of peacekeepers. Aim: To determine the need for psychosocial care by studying some indicators of mental health of the participants in peacekeeping operations in relationship to their personality types.. Materials and Methods: The study was conducted using a descriptive crossectional design among military personnel preparing for peacekeeping operations in South Sudan. Results: A total of 372 military personnel aged 20-47 years old, read the informed consent form and voluntarily participated in the study. 81.1% of them were 20-34 years old, and 90% were men (p≤0.001). 45.1% of all respondents answered that they had special secondary education, 37% had higher education, 72.3% were married, and 72.9% had children aged 0-3 (p≤0.001). 99% of all the respondents participating in peacekeeping operations by their own request, and 47.3% (p≤0.001) had experiences of peacekeeping operations in the past. Additionally, 60-78% of all respondents responded that training for peacekeeping operations allowed them to improve their physical development (p≤0.001), to develop psychological preparation (p≤0.001), the ability to cope with stress (p=0.002), and the ability to work in a team (p≤0.001). According to the Eysenck Personality Inventory, 21.5% of all respondents were choleric, 35.2% sanguine, 24.2% phlegmatic, and 9.1% melancholic. The manifestation of neurosis was determined to be statistically significant (p≤0.001) in respondents of melancholic type than in respondents of other types. When assessing alcohol consumption, 89.5% (n=333) of all respondents were low drinkers and 9.9% (n=37) were heavy drinkers, while with increasing age, the number of respondents with high levels of alcohol consumption or heavy drinkers and harmful consumption increased. There was a statistically significant (p=0.002) difference in alcohol consumption among over 35 years of age. Conclusion: Some indicators of mental health of military personnel who are preparing to participate in peacekeeping operations were defined differently (p≤0.001) depending on the personality types of respondents, and the consumption of alcohol is more in respondents over 35 years of age, which proves the need to take multifaceted measures to protect and support the mental health of military personnel, learn simple ways to relieve stress, and prevent the risk of mental disorders.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/909
Эшлэл
Н.Өлзийхутаг, З.Хишигсүрэн. Энхийг дэмжих ажиллагаанд бэлтгэгдэж буй цэргийн албан хаагчдын сэтгэлзүйн хэвшинж, сэтгэцийн зарим үзүүлэлтийг судалсан дүн. Эрүүл мэндийн шинжлэх ухаан. 2023;19(4):177-181.