Loading...
Монгол улсад насанд хүрэгчдэд тохиолдох эмнэлэг дэх нас баралтын ерөнхий зураглал ба таамаглах хүчин зүйлс
Зохиогч
Он
2022 оны арван нэгдүгээр сарын 2
Төрөл
journal article
Journal
Эрүүл мэндийн шинжлэх ухаан
Volume
18
Issue
6
Start Page
46
End Page
54
ISSN
2959-6947
Хураангуй
Үндэслэл: Эмнэлгийн нас баралтын дүр зургыг гаргаснаар эрүүл мэндийн тогтолцооны зарим үзүүлэлтийн ерөнхий төлөв байдлыг гаргах боломжтой. Нас барах эрсдлийг таамаглах хүчин зүйлийг тодорхойлсноор эмнэлзүйн практикт чухал ач холбогдолтой юм. Зорилго: 2020 онд эмнэлэгт хэвтэн эмчлүүлсэн насанд хүрэгчдэд тохиолдсон нас баралтын дүр зураг ба таамаглах хүчин зүйлсийг тодорхойлох. Арга, аргачлал: Монгол улсад хэвтүүлэн эмчлэх тусламж үзүүлж буй 86 эмнэлгийн мэдээллийг судалгаанд ашигласан. Ингэхдээ 2020 оны 1-р сарын 1-ээс 6-р сарын 30-ны хооронд эмнэлэгт хэвтсэн 1795 нас баралтын тохиолдол бүхий 296,083 оролцогчдод дүн шинжилгээ хийсэн. Эмнэлэгийн цахим болон цаасан бүртгэлийг эх материал болгон ашигласан. Бид судалгаандаа нас, хүйс, эмнэлэгт хэвтсэн өдөр, нас барсан газар зэрэг хувьсагчдыг ашиглан эрсдэлт хүчин зүйлсийг тооцоолон гаргасан. Алдагдсан амьдарлын жилүүд болон газарзүйн байршил зэрэг хувьсагчдыг ашиглан нас баралтын дүр зургийг гаргасан. Үр дүн: Оролцогчдын дундаж нас 56.3±15.3 жил, эрэгтэй хүйс 59.4%, эмнэлэгт хэвтсэн дундаж хугацаа 2.2 хоног байв. Судалгааны үр дүнд эмнэлэгт нас барах эрсдэлт хүчин зүйлст дараах үзүүлэлтүүд ач холбогдол бүхий нөлөөтэй болохыг тогтоосон. Үүнд: a) амралтын өдрийн хэвтэлт, b) хотод нас барсан c) өндөр нас, d) эрэгтэй хүйс зэрэг байв. Олон хүчин зүйлийн логистик регрессийн шинжилгээгээр эрэгтэй хүйс болон амралтын өдрийн хэвтэлт нь эмнэлэгт нас барах эрсдлийг илүү ихээр нэмэгдүүлж байсан. Шугаман регрессийн шинжилгээгээр нас болон эмнэлгийн ор тус тусдаа байдлаар мэдэгдэхүйц хамааралтай байсан бөгөөд нас болон эмнэлгийн ор хоногийн хувьсагч хоорондын нөлөө нь нас баралттай илүү хамааралтай байв. Дүгнэлт: Монгол хүн амын дунд эмнэлэгт нас барах тохиолдол харьцангуй бага байсан. Хот газартай харьцуулахад хөдөө орон нутагт залуу хүнд нас баралт өндөр байна. Амралтын өдрийн хэвтэлт, эрэгтэй хүйс, хотжилт зэрэг үзүүлэлтүүд эмнэлэгт нас барах эрсдлийг таамаглах бие даасан хүчин зүйлс болохоос гадна хувьсагч хоорондын харилцан нөлөөлөл нь илүү хүчтэй үр дүнг харуулж байна.
Background: In hospital death pattern can illustrate general image of some parameters of healthcare system. Identifying predictors of death could be crucial role in several. Aim: To determine the pattern and predictors of death in hospitalized adult patients in Mongolia in 2020. Materials and Methods: Data from 86 hospitals providing inpatient care in Mongolia were used in the study. 1,795 hospital deaths from 296’083 hospital admissions were analyzed between the1st of January and the 30th of June in 2020. Electronic and manual medical records were used as the source material. Variables such as age, gender, hospital admission day, hospital categories of in hospital death were used because of hospital mortality predictors. Years potential life lost and geographical variables were used for the pattern of death. Results: The mean age of the participants was 56.3±15.3 years, the male gender was 59.4% and the median of hospital stay was 2.2 days. In the study, it was found out the following factors constitute a significance in terms of hospital death: a) weekend admission, b) urbanization, c) older age, and d) male gender. By the multinomial logistic regression analysis, male gender and weekend admission was significant predictor of in hospital death. By the linear model analysis, age and hospital stay were significantly correlated independently. Also test of between subjects’ effect of age and hospital stay were together significantly more correlated with death. Conclusions: Mongolian people were rarely dying in hospital setting. More young people were dying in rural hospitals than urban. Weekend admission, male gender and urbanization were independent significant predictors of death. Also, between subject-effect of them were more correlated or more predicting of in hospital death.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/735
Эшлэл
С.Алтанчимэг, Г.Даваа, Л.Ганболд, М.Наранпүрэв. Монгол улсад насанд хүрэгчдэд тохиолдох эмнэлэг дэх нас баралтын ерөнхий зураглал ба таамаглах хүчин зүйлс. Эрүүл мэндийн шинжлэх ухаан. 2022;18(6):46-54.