Loading...
С вируст гепатитын эмнэлзүй, оношилгоо, эмчилгээний үр дүнг судалсан нь
Зохиогч
Он
2025 оны аравдугаар сарын 20
Төрөл
journal article
Journal
Эрүүл мэндийн шинжлэх ухаан
Volume
21
Issue
5
Start Page
158
End Page
167
ISSN
2959-6947
Хураангуй
Үндэслэл: Дэлхийн эрүүл мэндийн байгууллагын 2019 онд тооцоолсноор дэлхий даяар гепатитын С вирусийн халдвартай 58 сая хүн амьдарч байна. ГСВ-ийн архаг халдварыг устгах вирусийн эсрэг шууд үйлчилгээтэй эмүүдийн эмчилгээний зөвлөмжийг боловсруулан жил бүр шинэчилж, 2030 он гэхэд гепатитын С вирусийг 90% хүртэл устгах том зорилгын дор дэлхийн улс орон бүр өөр өөрийн онцлогт тохируулан эмчилгээний удирдамж боловсруулан хэрэгжүүлж байгаа нь сайшаалтай ч дээрх зорилгод хүрэх нь бүс нутгийн халдварын тархалт, эрүүл мэндийн системийн бүтэц, эдийн засаг санхүүгийн чадавх зэргээс шалтгаалан харилцан адилгүй үр дүнтэй байна. Иймээс бид архаг С гепатиттай өвчтөнүүдэд вирусийн эсрэг шууд үйлчилгээтэй эмийг хэрэглэн, эмнэлзүй, оношилгоо, эмчилгээний үр дүнг генотипээр нь харьцуулан судалж, эмийн гаж нөлөөг үнэлэх шаардлага зүй ёсоор тавигдаж байгаа нь энэхүү судалгааны ажлын үндэслэл боллоо. Зорилго: Гепатитын С вирусийн архаг халдварын эмнэлзүй, оношилгоо, эмчилгээний үр дүнг генотиптэй харьцуулан судлах. Арга, аргачлал: Судалгааг проспектив, ретроспектив когорт судалгааны загвараар Архангай аймгийн Нэгдсэн эмнэлгийн амбулаторийн тасгаар үйлчлүүлсэн архаг С гепатиттай 1203 өвчтөнийг хамруулав. Эмчилгээнд хамрагдагсдад ГСВ-ийн генотипийг тодорхойлон вирусийн эсрэг шууд үйлчилгээтэй эмийн эмчилгээг хийв. Судалгаанд хамрагдагсдаас эмнэлзүйн шинж тэмдгийг асуумж, бодит үзлэгээр тодорхойлон, цусны дэлгэрэнгүй шинжилгээ, цус бүлэгнэлтийн шинжилгээ, элэгний үйл ажиллагааны сорил, ГСВРНХ тодорхойлох молекул биологийн шинжилгээ, APRI, FIB-4 оноог эмчилгээний эхэнд, 4 дэх долоо хоногт, эмчилгээ дууссанаас хойш 12 дах долоо хоногт үнэлэн, эмчилгээний үр дүнг харьцуулан судаллаа. Судалгааны тоон мэдээллийн статистик боловсруулалтыг SPSS-26.0 програм ашиглан гүйцэтгэв. Үр дүн: Нийт эмчлүүлэгсдийн 6.7% нь элэгний хатууралтай, 1.4% нь өмнө нь интерферонд суурилсан эмчилгээ хийлгэж байсан. Элэгний хатууралтай бүлэгт ядрах, гэдэс дүүрэх, нойр муудах, аюулхайд болон баруун хавирганы нумаар өвдөх, хамар буйлнаас цус гарах, хоолны дуршил буурах зэрэг эмнэл зүйн шинжүүд статистик магадлалтай ялгаатай түгээмэл илэрч байна (p<0.001). ГСВ-ийн вирусийн эсрэг шууд үйлдэлтэй эмийн эмчилгээний хяналтын 4 дэх долоо хоногт эмчилгээний үр дүн 98.9%, эмчилгээ дууссанаас хойш 12 дахь долоо хоногт эмчилгээний үр дүн 99.3% байна. Элэгний фиброзын зэргийг APRI, FIB-4 оноогоор үнэлэхэд APRI 0.71±0.67-оос 0.31±0.54, FIB-4 1.61±0.41-ээс 1.16±0.26 болж буурсан (p<0.001) байв. Эмчилгээний явцад эмийн гаж нөлөөг үнэлэхэд ядрах, толгой өвдөх, дотор муухайрах зэрэг гаж нөлөө давамгайлан илэрсэн. Дүгнэлт: ГСВийн 1b генотиптэй өвчтөнүүдэд эмчилгээний үр дүн эмчилгээ дууссанаас хойш 12 дахь долоо хоногийн дараа 99.5%, 1а генотиптэй өвчтөнд эмчилгээний үр дүн 100.0%, харин 2 дугаар генотиптэй өвчтөнд эмчилгээний үр дүн 75% байгаа нь статистик магадлалтай тогтоогдлоо (p<0.001. ГСВ-ийн архаг халдвартай өвчтөний элэгний фиброзын зэргийг APRI болон FIB-4 оноогоор үнэлэхэд эмчилгээ эхлэх үед дундаж утга нь 0.71±0.67 ба 1.61±0.41, эмчилгээ дууссанаас хойш 12 дах 7 хоногт 0.31±0.54 ба 1.16±0.26 болж буурсан нь эмчилгээний үр дүнд статистик магадлалтай нөлөөлж байгаа нь тогтоогдлоо (p<0.001).
Background: Chronic hepatitis C virus (HCV) infection remains a major global health concern. Approximately 55–85% of individuals with acute HCV infection progress to chronic disease, which is often asymptomatic. Therefore, early diagnosis and treatment are crucial to prevent long-term complications. This provided the rationale for our study to evaluate the clinical characteristics, diagnosis, and treatment outcomes of chronic HCV patients using direct-acting antivirals (DAAs), with comparisons by viral genotype. Aim: To compare the clinical features, diagnosis, and treatment outcomes of chronic hepatitis C according to viral genotypes. Materials and Methods: A total of 1203 chronic HCV patients attending the outpatient department of Arkhangai Provincial General Hospital were included in this prospective and retrospective cohort study. HCV genotyping was performed, and patients received DAA therapy. Clinical manifestations, laboratory findings, HCV RNA levels, and fibrosis scores (APRI and FIB-4) were assessed at baseline, at week 4 of treatment, and at 12 weeks post-treatment. Statistical analysis was conducted using SPSS version 26.0. Results: Among all patients, 6.7% had liver cirrhosis, and 1.4% had previously received interferon-based therapy. Patients with cirrhosis more frequently reported fatigue, abdominal discomfort, insomnia, right upper quadrant pain and loss of appetite (p<0.001). Virologic response at week 4 was 98.9%, and sustained virologic response at 12 weeks post-treatment was 99.3%. The mean APRI score decreased from 0.71±0.67 to 0.31±0.54, and FIB-4 from 1.61±0.41 to 1.16±0.26 (p<0.001). The most common adverse events were fatigue, headache, and nausea. Conclusion: Treatment outcomes were 99.5% in patients with genotype 1b, 100% in genotype 1a, and 75% in genotype 2, with statistically significant differences (p<0.001). Both APRI and FIB-4 scores significantly decreased after treatment, confirming the effectiveness of DAA therapy in improving liver fibrosis (p<0.001).
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1279
Эшлэл
Б.Амгалан, Б.Мягмаржалцан, З.Мөнхжаргал, С.Үзмээ, Н.Наранзул, Н.Хүрэлбаатар нар. С вируст гепатитын эмнэлзүй, оношилгоо, эмчилгээний үр дүнг судалсан нь. Эрүүл мэндийн шинжлэх ухаан. 2025;21(5):158-167.