Loading...
Нөхөн үржихүйн насны эмэгтэйчүүдийн жирэмслэхээс сэргийлэх арга, хэрэгслийн хэрэглээнд нөлөөлөх хүчин зүйлс судалсан дүн
Зохиогч
Он
2023 оны тавдугаар сарын 18
Төрөл
journal article
Journal
Эрүүл мэндийн шинжлэх ухаан
Volume
19
Issue
3
Start Page
78
End Page
82
ISSN
2959-6947
Хураангуй
Үндэслэл: Дэлхий дахинд 2020 оны байдлаар гэр бүл төлөвлөлтөд хамрагдах шаардлагатай эмэгтэйчүүдийн 14.2% нь жирэмслэхээс сэргийлэх арга, хэрэгслийг (ЖСАХ) хэрэглэж чаддаггүй болохыг судлаачид дурьдсан байна. 2021 онд Монгол улсын хэмжээнд нөхөн үржихүйн насны эмэгтэйчүүдийн 49.3% ЖСАХ хэрэглэдэг байна. ЖСАХ-ийг хэрэглэх нь хэт эрт эсвэл хожуу жирэмслэхээс сэргийлэх, төрөлт хоорондын зайг төлөвлөх, хүүхдийн тоог хязгаарлах ач холбогдолтой. Манай улсад нөхөн үржихүйн насны эмэгтэйчүүдийн ЖСАХ-ийн хэрэглээг насны бүлгээр нь харьцуулан гаргаж, нөлөөлөх хүчин зүйлсийг тодорхойлох шаардлагатай байгаа нь энэхүү судалгааны үндэслэл боллоо. Зорилго: Нөхөн үржихүйн насны эмэгтэйчүүдийн жирэмслэхээс сэргийлэх арга, хэрэгслийн хэрэглээ, түүнд нөлөөлөх хүчин зүйлсийг судлах. Арга, аргачлал: Судалгааг аналитик судалгааны аргаар Улаанбаатар хотын анхан ба лавлагаа шатны эмнэлгүүдийг түшиглэн хийж гүйцэтгэлээ. Судалгааны мэдээ материалыг урьдчилан бэлтгэсэн асуумжийн хуудсаар цуглуулав. p утга 0.05-аас бага тохиолдолд статистик ач холбогдол бүхий ялгаатай гэж үзсэн. Үр дүн: Судалгаанд Улаанбаатар хотын 15-49 насны 509 эмэгтэй хамрагдсан, дундаж нас 28.4±9.7 жил байв. Эмэгтэйчүүдийн ЖСАХ-ийн хэрэглээ 45.6% байв. ЖСАХ-ийн хэрэглээ нь эмэгтэйн нас, гэрлэлтийн байдал, боловсролын зэргээр статистик ач холбогдол бүхий ялгаатай байв (p=0.000). Өрхийн орлого 600’000-аас доош эмэгтэйчүүдийн хэрэглээ 1.5 дахин бага байна. Гэрлэсэн эмэгтэйчүүд гэрлээгүй эмэгтэйчүүдтэй харьцуулахад 5.8 дахин их (OR:5.8, 95% ИИ:2.4-13.9, p<0.001), өмнө нь ЖСАХ хэрэглэхэд татгалзах асуудал тулгарч байгаагүй эмэгтэйчүүд 2.1 дахин (OR:2.1, 95% ИИ:1.15-3.84, p=0.015), нөхөр/хамтран амьдрагчийн дэмжлэг авч байсан эмэгтэйчүүд 2.8 дахин илүү хэрэглэж байв (OR:2.8, 95% ИИ:1.96-4.25, p<0.001). Дүгнэлт: 1. Ерөндөг, эрэгтэй бэлгэвчийн хэрэглээ нөхөн үржихүйн насны эмэгтэйчүүдийн дунд өндөр байна. Өсвөр насны охид, залуу эмэгтэйчүүдийн (15-24 нас) ЖСАХ-ийн хэрэглээ бусад насны эмэгтэйчүүдтэй харьцуулахад бага байна. 2. Эмэгтэйн ЖСАХ-ийн хэрэглээнд нас, өрхийн орлого, боловсролын түвшин, гэрлэлтийн байдал нөлөөлж байна.
Background: Globally, 14.2% of women are considered to have a need for family planning are using no method of contraception. In 2021, percentage of women of reproductive age who use any contraceptive method was 49.3% in Mongolia. Use of contraception prevents pregnancy-related health risks and give couples opportunity to plan the interval between births. Abortion rates are highest among women aged 20-34 (65.9%). The basis of this study is the need to compare the use of contraceptives among women of reproductive age groups and determine the influencing factors in Mongolia. Aim: To examine the factors influencing contraceptive use methods among women of reproductive age Materials and Methods: The research was conducted by analytical research method based on randomly selected primary and referral level hospitals in Ulaanbaatar. Research data were collected through a questionnaire prepared based on international press reviews. A statistically significant difference was considered when the p-value was less than 0.05. Results: Total of 509 women aged 15-49 years participated in the study, the mean age was 28.4±9.7. 45.6% of women were currently using contraception. The common contraceptive methods used were IUD (14.5%) and male condom (13.0%). Women’s age, marital status and education had a statistically significant association with use of contraceptives (p=0.000). Married women were 5.8 times more likely to use contraceptives than unmarried women (OR:5.8, 95% CI:2.4-13.9, p<0.001), women who had never experienced contraceptive withdrawal were 2.1 times more likely to use contraceptives and women receiving support from their husband/partner were 2.8 times more likely to use contraceptives (OR:2.8, 95% ИИ:1.96-4.25, p<0.001). Conclusion: 1. The common contraceptive methods used were IUD and male condom among women of reproductive age. Adolescent girls and young women (ages 15-24) use contraceptives less than women of other age groups. 2. Use of contraceptives influenced by age, household income, level of education and marital status.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/844
Эшлэл
Э.Оюунханд, Э.Насантогтох, Б.Балжинням, А.Шийрэвнямба, Д.Энхмаа. Нөхөн үржихүйн насны эмэгтэйчүүдийн жирэмслэхээс сэргийлэх арга, хэрэгслийн хэрэглээнд нөлөөлөх хүчин зүйлс судалсан дүн. Эрүүл мэндийн шинжлэх ухаан. 2023;19(3):78-82.