Loading...
Тамирчдын өвдөгний үений дотно хажуугийн холбоосны хавсарсан гэмтлийг жүдо бариа заслаар эмчилсэн үр дүн
Зохиогч
Н.Сарангэрэл
Н.Куме
Н.Оюунцэцэг
Он
2023 оны хоёрдугаар сарын 16
Төрөл
journal article
Journal
Эрүүл мэндийн шинжлэх ухаан
Volume
19
Issue
1
Start Page
83
End Page
86
ISSN
2959-6947
Хураангуй
Үндэслэл: Спортоор хичээллэдэг хүмүүс болон тамирчдын дунд бэлтгэл сургуулилт, тэмцээн уралдааны үед өвдөгний үеэр хүчтэй мушгирах, хөшигдөж дарагдсаны улмаас өвдөгний үений тогтвортой байдлыг хангаж байдаг гол холбоосууд болох урд чагтан холбоос, дотно, гадна хажуугийн холбоос, өвдөгний үений жийргэвч мөгөөрсний гэмтлүүд үүсэх нь хамгийн түгээмэл байдаг.1,2 Өвдөгний урд, хойд чагтан холбоосны гэмтэл өвдөгний нийт гэмтлийн 50-70%-ийг эзэлдэг бол дотно хажуугийн холбоосны гэмтэл нь 43-52%-ийг эзэлдэг болохыг тогтоосон байна.3 Өвдөгний дотно хажуугийн холбоосны гэмтлийг эмчлэхдээ гэмтлийн зэрэг, байршлаас нь хамаарч мэс заслын болон мэс заслын бус эмчилгээний аргуудаас сонгодог. Тамирчдын өвдөгний үений дотно хажуугийн холбоосны 1, 2-р зэргийн хавсарсан гэмтлийг мэс заслын бус эмчилгээний арга болох жүдо бариа засал эмчилгээний үр дүнг судалсан судалгааны ажил манай улсад хараахан хийгдээгүй байгаа нь уг судалгааг хийх үндэслэл болж байна. Зорилго: Тамирчдын өвдөгний үений дотно хажуугийн холбоосны 1, 2-р зэргийн хавсарсан гэмтлийн жүдо бариа заслын эмчилгээний үр дүнг судлах. Арга, аргачлал: Судалгааг санамсаргүй хяналтат эмнэлзүйн туршилт судалгааны загвараар АШУҮИС-ийн Монгол Анагаах Ухааны Төв эмнэлгийг түшиглэн хийж гүйцэтгэв. Судалгаанд хөл бөмбөг, жүдо болон бусад спортын тамирчдаас өвдөгний дотно хажуугийн холбоосны 1, 2-р зэргийн хавсарсан гэмтэлтэй 16-35 насны 30 тамирчин хамрагдсан. Үр дүн: Өвдөлтийг үнэлэх харааны үнэлгээ VAS, өвдөгний үений нугалах тэнийлгэх далайц, өвдөгний үений тогтвортой байдал тэнцвэрийг үнэлж үр дүнг тооцоход VAS өөрчлөлт нь 67.4±25.1мм байснаас 9.0±1.6мм болж өвдөлтийн хэмжээ буурсан байгаа нь тодорхойлогдлоо. Өвдөгний үеэр нугалах далайцын хэмжээ нь 104.5±13.0° байсан бол 128.5±3.4° болж далайц нэмэгдсэн байгаа нь тодорхойлогдсон. Өвдөгний үений тэнийлгэх далайцын хэмжээ нь эхний эмчилгээний дараа 25.5°±7.6°аас 2.0°±2.6° болж буурсан. Жүдо бариа заслын эмчилгээний үр дүнд эмчилгээний тоо нэмэгдэх тусам өвдөлтийг бууруулж, үений далайцыг нэмэгдүүлэн, үений контрактур үүсэх эрсдэлийг багасгахад үр дүнтэй байна. Дүгнэлт: Өвдөгний үений дотно хажуугийн холбоосны 1, 2-р зэргийн хавсарсан гэмтлийн дараа жүдо бариа заслын эмчилгээ хийхэд өвдөлт багасаж, үений далайц, өвдөгний үений тогтвортой байдал нэмэгдсэн үр дүнтэй байлаа.
Background: Among people in sports and athletes, injuries to the main joints, which provide stability to the knee joints, such as the anteroposterior cruciate ligament, the proximal lateral ligament and the meniscus are common when knee twisting and bending during training and participating in competitions. The most common one is anterior cruciate ligament injuries, which account for 50-70% of all knee injuries, while proximal lateral ligament injuries account for 4352%. Depending on the location of an injury, we decide whether surgical treatment or non-surgical treatment is used. To research the results of judo physiotherapy, which is one of the non-surgical treatment methods, in 1st and 2nd-degree proximal lateral ligament injuries in athletes’ knee joints. Aim: This study is to research the results of judo physiotherapy for athletes’ 1st and 2nd degree proximal lateral ligament injuries in their knee joints. Materials and Methods: The study was conducted with a randomized controlled clinical experimental research design. 30 athletes in football, judo and other sports aged 16-35 years old, who have 1st and 2nd-degree proximal lateral ligament injuries in their knee joints, took part in this study based on the Mongolian Medical Central Hospital of MNUMS. Results: VAS, which is a visual assessment of pain, and knee flexion-extension amplitude and knee stability balance were used to calculate the results. Subjective VAS changes were 67.4±25.1 mm after the first treatment, 9.0±1.6 mm after the third treatment. In addition, judo therapy treatment decreased the pain of the subject as the number of treatments increased. The judo therapy treatment performed this time was thought to be effective in reducing pain associated with medial collateral ligament injury of the knee. The knee joint flexion range of motion was 104.5°±13.0° after the first treatment, 128.5°±3.4° after the third treatment. The knee extension range of motion was 25.5°±7.6° after the first treatment, 2.0°±2.6° after the third treatment. This judo therapy treatment was thought to be effective in reducing the limited joint range of motion in knee flexion and extension after medial collateral ligament injury. Conclusion: Judo treatment after grade 1and 2 proximal collateral ligament was effective in reducing pain, increasing range of motion and stability of the knee joint.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/789
Эшлэл
Н.Сарангэрэл, Н.Куме, Н.Оюунцэцэг. Тамирчдын өвдөгний үений дотно хажуугийн холбоосны хавсарсан гэмтлийг жүдо бариа заслаар эмчилсэн үр дүн. Эрүүл мэндийн шинжлэх ухаан. 2023;19(1):83-86.