Loading...
Уруулын морфометрийн өнцгийн үзүүлэлтүүдийг насанд хүрсэн Монгол хүнд тодорхойлсон дүн
Зохиогч
Он
2021 оны арван нэгдүгээр сарын 1
Төрөл
journal article
Journal
Эрүүл мэндийн шинжлэх ухаан
Volume
17
Issue
8
Start Page
173
End Page
176
ISSN
2959-6947
Хураангуй
Үндэслэл: Уруул нь анатоми бүтцийн хувьд арьс, булчин, салт бүрхүүлээс тогтох бөгөөд хоол боловсруулах, дуу авиа үүсгэх, ярих, нүүрний дүр төрхийг хувиргах, мэдэрхүйн зэрэг олон үүргийг гүйцэтгэхээс гадна нүүрний анатоми бүтцүүдийн харьцаанд голлох байрыг эзэлдэг эрхтэн юм. Уруулын хэлбэр, хэмжээнд нөлөөлөх төрөлхийн болон олдмол олон эмгэгүүд байх бөгөөд эдгээр нь тухайн хүний хэл яриа, бие-сэтгэхүйд тодорхой хэмжээгээр нөлөөлдөг болохыг олон тооны судаалгааны бүтээлд дурьдсан байна.1,2,3 Манай улсад гоо сайхны мэс засал эрчимтэй хөгжиж байгаа өнөө үед уг эрхтний морфометрийн үзүүлэлтүүдийг тодорхойлох шаардлага зүй ёсоор тавигдаж байна. Манай оронд уруулын хэвийн бүтэц, морфометрийн үзүүлэлтийн талаар хийгдсэн судалгааны ажил хомс байгаа нь энэхүү судалгааг хийх үндэслэл боллоо. Зорилго: Уруулын морфометрийн өнцгөн үзүүлэлтүүдийг орон зайн төлөвт судлах. Арга, аргачлал: Конус цацрагт компьютер томоргаммын (CBCT) зураг авхуулсан 16-54 насны эрэгтэй, эмэгтэй хүйсийн нийт 157 хүний судалгаанд хамруулах шалгуур хангасан зургийг түүвэрлэн авч OnDemand3D Dental (OrthopantomographOP300 ®) viewing software-ийн ашиглан, ретроспектив загвараар тодорхойлов. Тоон үзүүлэлтийг боловсруулахдаа SPSS 23.0 программыг ашиглан арифметик дундаж, стандарт хазайлт, стандарт алдаа, вариацын дээд, доод утгыг тодорхойлж үзүүлэлтүүдийн хоорондын хамаарлыг Пирсоны корреляцийн коэффциентоор хүйсийн хоорондын ялгааг ANOVA-г ашиглан тодорхойллоо. р-ийн утгыг р˂0.05-аас бага үед тухайн хоёр үзүүлэлтийн хооронд статистик үнэн магадлалтай ялгаатай гэж тооцоолов. Үр дүн: Бидний судалгаанд нийт 157 хүн хамрагдсан ба дундаж наслалт 28.4± 8.48 байсан. Өнцгөн хэмжээ (эгц урдаас) дээд уруулын өнцөг 136.80±12.92°, доод уруулын өнцөг 136.71±9.91°, өнцгөн хэмжээ (хажуу талаас) хамрын таславчийн доод цэгээс-дээд уруулын хоорондох өнцөг 147.97°±15.98, дээд уруул болон-амны завсар хоорондох өнцөг 141.44±13.49°, амны завсар болон-доод уруул хоорондох өнцөг 146.95±12.19°, доод уруул болон ооч уруулын ховил хоорондох өнцөг 139.71±11.37° тус тус байлаа. Дүгнэлт: Уруулын өнцгөн үзүүлэлт нь бэлгийн диморфизмээс шалтгаалахгүй, харин өнцгийн үзүүлэлт нь нас дагаж гардаг уруулын хэлбэрийн өөрчлөлттэй холбоотойгоор нэмэгдэж байна.
Introduction: The lips are anatomically composed of skin, muscles, and mucous membranes, and play a key role in the relationship between facial anatomy, digestion, sound, speech, facial expressions, and sensory functions. Numerous studies have shown that there are many congenital and acquired disorders that affect the shape and size of the lips and that they have a certain effect on a person’s speech and physical and mental condition. In today’s rapidly developing cosmetic surgery in our country, there is a need to determine the morphometric parameters of this organ. The reason for our research is the lack of research on the normal structure and morphometry of the lips in our country. Objective: To study the angular parameters of lip morphometrics in the spatial state Materials and Methods: A total of 157 males and females aged 16-54 years were photographed with a CT scan computerized tomography and retrospectively identified using OnDemand3D Dental (OrthopantomographOP300®) viewing software. In developing the numerical parameters, the arithmetic means, standard deviation, standard error, and maximum and minimum values of the variance were determined using SPSS 23.0 software, and the relationship between the parameters was determined using the PERSON correlation coefÏcient and the gender difference using ANOVA. When the value of p is less than p˂0.05, it is assumed that there is a statistically significant difference between the two parameters. Results: A total of 157 people were included in our study, and the average life expectancy was 28.4±8.48. Angle (front) angle of upper lip 136.80±12.92°, angle of lower lip 136.71±9.91°, angle (lateral) Lower point of nasal septum angle between upper lip 147.97±15.98°, the angle between the upper lip and mouth 141.44±13.49°, the angle between the lower lip between the lips was 146.95±12.19°, and the angle between the groove of the lower lip and the lip was 139.71±11.37°. Conclusion: The angle of the lips does not depend on sexual dimorphism, but the angle increases with age due to changes in the shape of the lips.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/511
Эшлэл
Б.Зулчимэг, Р.Оюунтөгс, Д.Янсанжав, С.Энэбиш, Б.Журамт. Уруулын морфометрийн өнцгийн үзүүлэлтүүдийг насанд хүрсэн Монгол хүнд тодорхойлсон дүн. Эрүүл мэндийн шинжлэх ухаан. 2021;17(8):173-176.