Loading...
Толгой хүзүүний хавдартай хүмүүст амны мөөгөнцөрт өвчний үүсгэгчийг судалсан нь
Зохиогч
Он
2023 оны хоёрдугаар сарын 16
Төрөл
journal article
Journal
Эрүүл мэндийн шинжлэх ухаан
Volume
19
Issue
1
Start Page
92
End Page
96
ISSN
2959-6947
Хураангуй
Үндэслэл: Толгой хүзүүний хавдрын үед туяа эмчилгээ хийлгэж байгаа хүмүүсийн шүлс ялгаралт буурсантай холбоотойгоор 55.2%-д амны мөөгөнцөрт өвчин илэрч амны хөндийд агуулагдах мөөг 27-77% хүртэл ихэссэн мэдээ байдаг. Амны мөөгөнцөрт өвчнийг үүсгэгч мөөгний 150-200 орчим төрөл тодорхойлогдсоноос Candida albicans нь хамгийн өндөр тархалттай тохиолддог бөгөөд эрүүл болон өвчтэй хүний 6080%-д нь илэрдэг эмгэг төрөгч юм. Түүнчлэн C. glabrata, C. krusei, C. parapsilosis, C. dubliniensis, C. tropicalis, C. kefyr, C. guilliermondii төрлүүд түгээмэл илэрдэг байна. Манай орны хувьд толгой хүзүүний хавдартай хүмүүсийн амны мөөгөнцөрт өвчний үүсгэгчийн зүйлийн талаар хийгдсэн судалгааны ажил хомс байгаа нь энэхүү судалгааг хийх үндэслэл боллоо. Арга, аргачлал: Бид энэхүү судалгааг хавдар судлалын үндэсний төвийн туяа эмчилгээний тасагт туяа эмчилгээг хийлгэн, хэвтэн эмчлүүлж байгаа болон өдрөөр эмчлүүлж байгаа үйлчлүүлэгч, толгой хүзүүний хавдрын тасагт эмчлүүлж байгаа үйлчлүүлэгчийн амны салстад гарсан морфологи элементээс арчдас авч, тэжээлт орчинд (амиес) хийв. Кандид хром агар дээр ургасан клоноос ялган дүйлт хийж, зүйлийг тодорхойлсон цэвэр өсгөврөөс тусгаар колони авч мөөгөнцрийн эсрэг эмэнд мэдрэг чанарын шинжилгээг хийв. Үүний тулд цэвэр хуруу шилэнд 3 мл салины уусмал хийгээд дээр нь мөөгний тусгаар колониос хийн булинга бэлтгэсэн. Булингыг Мак Фарландын 2.00 булингатай тэнцүү бэлтгэх ёстой бөгөөд үүнийг денсичекээр хэмжиж тохируулсан. Бэлтгэсэн мөөгний булингад мөөгний эмийн мэдрэг чанарын картны гуурс хэсгийг дүрээд Vitek-II compact төхөөрөмжид уншуулсан. Судалгааны үр дүнг статистикийн Stata-25, Microsoft Excel программ ашиглан боловсруулалт хийж, нарийвчилсан статистик шинжилгээг хийв. Үр дүн: Үүсгэгчийг илрүүлэх шинжилгээгээр толгой хүзүүний хавдрын эсрэг туяа эмчилгээ хийлгэж буй тохиолдлын бүлгийн үйлчлүүлэгдэд 100% амны мөөгөнцөрт өвчний үүсгэгч илэрсэн бол толгой хүзүүний хавдартай, туяа эмчилгээ, мэс засал хийлгээгүй хяналтын бүлгийн оролцогчдын 25%-д үүсгэгч илэрсэн байна. Үүсгэгчийг зүйлийн түвшинд судлахад тохиолдлын бүлгийн 75%-д Candida albicans, 15%-д Candida dubliniensis, 5%-д Candida sphrica, 5%-д Cryptococcus laurentii илэрсэн бол хяналтын бүлэгт 100% Candida albicans тодорхойлогдлоо. Дүгнэлт: Судалгааны хяналтын болон тохиолдлын бүлэгт мөөгөнцөрт өвчний үүсгэгчээс Candida albicans давамгайлан тодорхойлогдлоо. Тохиолдлын бүлэгт 100% үүсгэгч тодорхойлогдсон ба толгой хүзүүний хавдартай туяа эмчилгээ хийлгэж байгаа хүмүүст амны мөөгөнцөрт өвчин харьцангуй өндөр тохиолдож байна хэмээн бид дүгнэж байна.
Background: Oral fungal infections were reported in 55.2% of the patients who received radiation therapy for neck and head cancer due to decreased saliva production and as a result the amount of oral fungi in oral cavity is increased by 27-77% due to therapy. Candida albicans is the most common of the 150-200 species of fungi that cause oral fungal infections and is found in 60-80% of healthy and sick people. Also C. glabrata, C. krusei, C. parapsilosis, C. dubliniensis, C. tropicalis, C. kefyr, and C. guilliermondii are very common. The basis of the study is to study the drug sensitivity of a pathogen of oral candidiasis in people who are treated with radiation therapy and chemotherapy of neck and head. Aim: The aim of this study is to study and determine a pathogen at the level of oral candidiasis in people who are treated with radiation therapy of neck and head. Materials and Methods: A swab was taken from the morphological elements of the oral mucosa of the study participants who were admitted to the radiation therapy department of National Cancer Center and also those who were treated during the day and placed in transport medium (Amies). Independent colony was isolated carefully from pure cultures grown on candidia chromium agar then was identified and tested for sensitivity to fungal drugs. To do this, 3 ml of saline solution was added to a clean tube then the independent colony of fungi was added to prepare turbid. The turbid should be prepared equal to 2.00 Mc Fairland turbid, which was measured and adjusted with a density. After dipping the tube part of the drug sensitivity card in the prepared fungi turbid, read it on the VITEK II compact device. The results of the study were processed using statistical software Stata-25 and Microsoft Excel, and detailed statistical analysis was performed. Results: After identifying the pathogens of oral fungal infections using VITEK II COMPACT device in case group participants undergoing radiation therapy for head and neck cancer, Candida albicans was present in 75%, Candida dubliniensis in 15%, Candida spherical in 5% and Cryptococcus laurentii in 5% and Candida albicans in 100% of participants in the control group. Conclusion: Oral candidiasis pathogens were found most commonly Candida albicans the participants of case and control group. Analysis revealed that Candida was found in 100% among the control group participants. We conclude that head and neck cancer patients who receiving radio therapy, in particular, were more high incidence oral fungal disease.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/791
Эшлэл
А.Сувданчимэг, Б.Оюунцэцэг, Х.Даариймаа, Ш.Мөнх-Од, Г.Номин, Б.Баярмаа нар. Толгой хүзүүний хавдартай хүмүүст амны мөөгөнцөрт өвчний үүсгэгчийг судалсан нь. Эрүүл мэндийн шинжлэх ухаан. 2023;19(1):92-96.