Loading...
КОВИД-19 өвчнөөр нас барагсдад суурь эмгэгийн нөлөөллийг судалсан дүн
Зохиогч
Он
2023 оны тавдугаар сарын 22
Төрөл
journal article
Journal
Эрүүл мэндийн шинжлэх ухаан
Volume
19
Issue
4
Start Page
51
End Page
55
ISSN
2959-6947
Хураангуй
Удиртгал: Үндсэн өвчин гэдэг нь өөрөө буюу өөрийнхөө хүндрэлээр эмчлүүлэгчийг эмнэлгийн тусламж авахад хүргэж, улмаар үхлийн шалтгаан нь болж буй өвчин гэнэ. Коронавируст халдвар (КОВИД-19)ийг өвчний олон улсын 10-дугаар ангилал (ӨОУА-10)-д U07.1 кодоор тэмдэглэж, вирусологийн шинжилгээгээр SARS-CoV-2 батлагдсан бүх тохиолдлыг, U07.2 нь эмнэлзүй болон эпидемиологийн шалгуур үзүүлэлтээр шинэ коронвирусийн халдвар (КОВИД-19) онош тавигдсан боловч лаборатори, вирусологийн шинжилгээ нь баталгаатай бус эсвэл хийгдэх боломжгүй тохиолдлыг тус тус тэмдэглэнэ.1 Зорилго: КОВИД-19 өвчнөөр хүндэрч нас барсан тохиолдолд суурь өвчний нөлөөллийг судлах. Арга, аргачлал: Судалгаанд улаан бүсэд зөөвөрлөгдөн ирж эмчлүүлсэн 237 эмчлүүлэгчдийн цахим өвчний түүх, эмнэлзүй лабораторийн шинжилгээ, оношилгооны мэдээллүүдийг хамруулж, эмчлэгдэж биеийн байдал сайжирч эмнэлгээс гарсан 113 тохиолдлыг “Эмчлэгдсэн бүлэг”, даамжирсаар хүндэрч нас барсан 124 тохиолдлыг “Нас барсан бүлэг” гэж ангилав. Үр дүн: КОВИД-19-ийн эмнэлзүйн үе шатыг тавилантай харьцуулахад нэн хүнд тохиолдолд нас баралт өндөр байсан нь статистик ач холбогдолтой байв. Зүрх судасны өвчтэй (OR 2.392, 95% CI 1.436-3.982, p=0.001) эмчлүүлэгчид нь зүрх судасны өвчингүй хүмүүсээс нас барах эрсдэл 2 дахин өндөр байна. Артерийн даралт ихсэх өвчинтэй тохиолдолд (OR 44.165, 95% CI 2.112-8.215, p<0.001) нас барах эрсдэл 4 дахин их байв. Хорт хавдар оношлогдсон хүмүүст (OR 8.899, 95% CI 4.358-18.1705, p<0.001) хамгийн өндөр буюу нас барах эрсдлийг 8 дахин нэмэгдүүлж байна. Уушгины архаг бөглөрөлт өвчинтэй бол (OR 2.291, 95% CI 1.123-4.674, p=0.023) нас барах эрсдлийг 2 дахин нэмэгдүүлж байна. Дүгнэлт: Бидний судалгаанд хамрагдсан КОВИД-19 -өөр эмчлэгдсэн тохиолдлуудад зүрх судасны өвчин, артерийн даралт ихсэлт, хорт хавдар, бөөрний болон уушгины архаг бөглөрөлт өвчинтэй байх нь нас барах эрсдлийг нэмэгдүүлж байна.
Background: Morbidity is a disorder that causes the patient to seek medical attention due to its complications and is the cause of death. COVID-19 has been confirmed by laboratory testing irrespective of the severity of clinical signs or symptoms. U07.2 COVID-19 is diagnosed clinically or epidemiologically but laboratory testing is inconclusive or not available. Aim: To evaluate the effect of underlying disease on mortality due to complications from COVID-19. Materials and Methods: In this study, 113 cases that improved after treatment and were discharged from the hospital were classified as “Survival” and 124 cases that worsened and died as “Mortality”. Results: Mortality was statistically significant in severe cases compared to the clinical stage. Cases with cardiovascular disease (OR 2.392, 95% CI 1.436-3.982, p=0.001) had a 2-fold higher risk of death than cases without cardiovascular disease. The risk of death was 4-fold higher for hypertension (OR 44.165, 95% CI 2.112-8.215, p<0.001). Cancer (OR 8.899, 95% CI 4.358-18.1705, p<0.001) had the highest or 8-fold increased risk of death. Chronic obstructive pulmonary disease (OR 2.291, 95% CI 1.123-4.674, p=0.023) doubled the risk of death. Conclusion: In cases diagnosed with COVID-19, the presence of cardiovascular disease, hypertension, cancer, chronic obstructive pulmonary disease, and kidney disease increases the risk of death.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/885
Эшлэл
Ж.Цэнгэлмаа, Н.Даваажав, Б.Оюунгэрэл, О.Болд-Эрдэнэ, Э.Баярмаа. КОВИД-19 өвчнөөр нас барагсдад суурь эмгэгийн нөлөөллийг судалсан дүн. Эрүүл мэндийн шинжлэх ухаан. 2023;19(4):51-55.