Loading...
Шизофренитэй эмчлүүлэгчдийн эмийн эмчилгээний дэглэм баримтлах байдалд нөлөөлөх зарим хүчин зүйлс
Зохиогч
Он
2023 оны арван нэгдүгээр сарын 3
Төрөл
journal article
Journal
Эрүүл мэндийн шинжлэх ухаан
Volume
19
Issue
5
Start Page
137
End Page
141
ISSN
2959-6947
Хураангуй
Үндэслэл: Шизофрени нь хүний сэтгэж танин мэдэхүй, мэдэрч танин мэдэхүй, зоригийн үйл ажиллагаа зэрэг сэтгэцийн олон үйл ажиллагааны өөрчлөлтөөр илэрдэг сэтгэцийн архаг өвчин. Дэлхий дахинаа 300 хүн тутмын нэг нь шизофренигээр өвчилдөг бөгөөд сэтгэцийн эмнэлэгт хэвтэн эмчлүүлэгчдийн 50%-ийг эзэлдэг гэж үздэг. Манай улсын хувьд СЭМҮТ-ийн амбулаторийн хяналтанд 1283 эмчлүүлэгч байгаа нь нийт эмчлүүлэгчдийн 18.9%-ийг эзэлж байна. Манай орны нөхцөлд сэтгэц нөлөөт эмийн гаж нөлөөний талаар зарим нэг судалгаа хийгдсэн боловч эмийн эмчилгээний дэглэм баримтлах байдал, түүнд нөлөөлөх хүчин зүйлсийн талаар хангалттай судлагдаагүй байгаа нь энэхүү судалгааг хийх үндэслэл болж байна. Зорилго: Шизофренитэй эмчлүүлэгчдийн эмийн эмчилгээний дэглэм баримтлах байдал, нөлөөлөх зарим хүчин зүйлсийг судлан тогтоох. Арга, аргачлал: Судалгааг аналитик судалгааны агшингийн загвараар, санамсаргүй түүврийн аргийг сонгон, асуумж судалгааны аргаар 2023 оны 3 дугаар сараас 2023 оны 8 дугаар сар хүртэлх хугацаанд СЭМҮТ-ийн амбулатори, клиникүүдийг түшиглэн хийсэн. Судалгаа хийх ёс зүйн зөвшөөрлийг АШУҮИС-ийн Судалгааны Ёс зүйн хяналтын хорооны 2023 оны 02 дугаар сарын 17 өдрийн хурлаар (2023-03-02) хэлэлцүүлж ёс зүйн зөвшөөрөл авсан ба эмчлүүлэгчдээс таниулсан зөвшөөрлийн хуудсаар дамжуулан зөвшөөрөл авч гарын үсгээр баталгаажуулан судалгааны картанд хавсаргасан. Судалгааны үр дүнг компьютерийн Microsoft Word, Microsoft Excel, STATA 14 программыг ашиглан тойм болон нарийвчилсан статистик боловсруулалт хийсэн. Үр дүн: Судалгаанд 18-79 насны нийт 209 шизофренитэй эмчлүүлэгч хамрагдсанаас эрэгтэй 47.4% (n=99), эмэгтэй 52.6% (n=110), хүйсийн харьцаа (1:1.1) байв. Судалгаанд хамрагдсан шизофренитэй эмчлүүлэгчдийн өвчин анх эхэлсэн дундаж нас 23.5±7 жил (11-48 нас) байсан бол эмнэлгийн хяналтанд байгаа жилийн дундаж нь 21.04±13.2 (1-58 жил), өвчин үргэлжилж буй дундаж хугацаан нь 21.04±13.2 (1-58 жил) байв. Шизофренитэй эмчлүүлэгчдийн эмийн эмчилгээний дэглэм баримтлах байдлыг Морскийн сорилоор үнэлэхэд 1.5% (n=3) нь сайн, 52.6% (n=110) нь дунд зэрэг, 45.9% (n=96) нь эмийн эмчилгээний дэглэм муу баримталдаг (Кронбах α=0.781) байна. Эмчилгээтэй холбоотой нөлөөлөх зарим хүчин зүйлсийг эмийн эмчилгээний дэглэм баримтлах байдалтай харьцуулан судлахад 61.7% (n=129; p=0.001) нь байнга эм уух нь биед хортой гэж боддог, 32.1% (n=67; p=0.000) нь ихэнх тохиолдолд эмээ уухаа мартдаг, эмийн хэрэглээний талаар хэнээс зөвлөгөө авдаг эсэх (p=0.001) нь статистик ач холбогдол бүхий хамааралтай байсан бол 13.9% (n=29) нь өдөрт олон удаа эм уух нь төвөгтэй байдаг, 15.3% (n=32) нь гаж нөлөө тод илэрдэг учир бусдаас ичдэг, 49.8% (n=104) нь эмийн гаж нөлөө их учир өөрт төвөгтэй байдаг, 32.1% (n=67) нь мөнгөний боломжгүйгээс эм худалдан авч чаддаггүй гэж хариулсан ба статистик 0 таамаглалтай буюу эмчилгээний дэглэм баримтлах байдалд хамааралгүй байв. Дүгнэлт: Судалгаанд хамрагдсан шизофренитэй эмчлүүлэгчдийн 98.5% нь эмийн эмчилгээний дэглэмийг дунд зэрэг болон муу баримталж байна. Эмийн эмчилгээний дэглэм баримтлахад гэр бүлийн гишүүдийн тусламж дэмжлэг сайнаар нөлөөлдөг бол эмчлүүлэгчдийн байнга эм уух нь биед хортой гэж боддог нь эмийн эмчилгээний дэглэм баримтлахад сөргөөр нөлөөлж байна гэж тамаглаж байна.
Background: Schizophrenia is a chronic mental illness manifested by changes in many mental functions, such as thinking, feeling, and courage. Schizophrenia affects one in every 300 people worldwide and accounts for 50% of psychiatric hospitalizations. In our country, there are n=1283 patients under the outpatient supervision of the National Center For Mental Health, which is 18.9% of the total number of patients. In the conditions of our country, some studies have been conducted on the side effects of psychoactive drugs, but the adherence to the drug treatment regimen and the factors affecting it have not been sufÏciently studied, which is the reason for conducting this study. Aim: To study the adherence to medication regimens and some influencing factors of patients with schizophrenia. Materials and Methods: The study was conducted using a descriptive moment model, random sampling method, and a questionnaire survey from March 2023 to August 2023, based on ambulatory and clinics of the National Center for Mental Health. Ethical permission to conduct research was discussed and ethical permission was obtained on (03-02-2023) at the meeting of the Research Ethics Control Committee of MNUMS on February 17th, 2023, and the permission was obtained from the medical personnel through the consent form and attached to the research card. The results of the study were analyzed using Microsoft Word, Microsoft Excel, and STATA 14 software. Results: A total of 209 schizophrenic patients aged 18-79 participated in the study, 47.4% (n=99) were male, 52.6% (n=110) were female, and the gender ratio was (1:1.1). The average age of the patients with schizophrenia in the study was 23.5±7 (11-48 years), the average number of years under medical supervision was 21.04±13.2 (1-58 years), and the average duration of the disease was 21.04±13.2 (1-58 years). When evaluating the adherence to medication regimen of patients with schizophrenia by Morsky’s test, 1.5% (n=3) had good adherence, 52.6% (n=110) had moderate adherence, and 45.9% (n=96) had poor adherence to medication regimen (Cronbach’s α=0.781). When examining some treatment-related influencing factors in comparison with adherence to medication regimens, 61.7% (n=129; p=0.001) think that taking medication often is harmful to the body, and 32.1% (n=67; p=0.000) think that taking medication most of the time forget, there was a statistically significant relationship between who to ask for advice on medication use (p=0.001), while 13.9% (n=29) found it difÏcult to take medication multiple times a day, 15.3% (n=32) are embarrassed by others because side effects are obvious, 49.8% (n=104) are difÏcult for themselves because of side effects of drugs, 32.1% (n=67) cannot buy drugs due to lack of money answered and there was not related to treatment adherence. Conclusion: 98.5% of schizophrenic patients surveyed had moderate to poor adherence to medication regimens. It is hypothesized that the support of family members has a positive effect on adherence to medication regimens, while the fact that patients think frequent medication is harmful to the body has a negative effect on adherence to medication regimens.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/942
Эшлэл
М.Елик, М.Акерке, З.Хишигсүрэн. Шизофренитэй эмчлүүлэгчдийн эмийн эмчилгээний дэглэм баримтлах байдалд нөлөөлөх зарим хүчин зүйлс. Эрүүл мэндийн шинжлэх ухаан. 2023;19(5):137-141.