Loading...
Чихрийн шижин, хооллолтоос хамаарсан гэдэсний хэвийн бичил биетний онцлогийг судалсан нь
Зохиогч
Он
2021 оны арван нэгдүгээр сарын 1
Төрөл
journal article
Journal
Эрүүл мэндийн шинжлэх ухаан
Volume
17
Issue
8
Start Page
195
End Page
197
ISSN
2959-6947
Хураангуй
Дэлхий дахинд чихрийн шижингийн эрсдэлтэй хүмүүст гэдэсний хэвийн бичил биетний харьцааг хадгалах урьдчилан сэргийлэлтийн арга хэмжээ авснаар чихрийн шижингээс сэргийлэх боломжтой эсэхийг судалсаар байна. Зорилго: Чихрийн шижин, хоололтоос хамаарсан гэдэсний хэвийн бичил биетний онцлогийг судлах. Арга, аргачлал: Судалгааг аналитик судалгааны агшингийн загвараар хийж гүйцэтгэсэн. Судалгаанд 32-65 насны нийт 224 хүнийг хамруулсан. Хоололтын байдлыг 24 цагийн хоолны тэмдэглэл хөтлөх аргаар, гэдэсний хэвийн бичил биетний бүрдлийг бааснаас дээж аван некст генерацийн секвенсир (MiSeq, Illumina) аргаар тодорхойлсон. Үр дүн: Судалгаанд хамрагдсан хүмүүсийн 57.6% нь чихрийн шижинтэй 42.4% чихрийн шижингүй хүмүүс байв. Үр тарианы хэрэглээ ба bacteroidetesийн хооронд эерэг хамаарал (r=0.100, p<0.001) ажиглагдлаа. Чихрийн шижинтэй хүмүүст firmicutis-ийн хэмжээ бага, харин bacteroidetes-ийн хэмжээ их байгаа нь статистик үнэн магадлалтай байв. Дүгнэлт: 1.Үр тариа ихээр хэрэглэх нь bacteroidetes-ийн хэмжээг нэмэгдүүлэх, улмаар гэдэсний бичил биетний харьцааг алдагдуулах хүчин зүйлийн нэг байж болзошгүй юм. 2.Чихрийн шижинтэй хүмүүст гэдэсний хэвийн бичил биетний харьцаа алдагдсан байгаа нь уг өвчний эмгэг жамд чухал оролцоотой болохыг харуулж байна.
Background: People at risk for diabetes are being studied globally to see whether they can prevent diabetes by taking preventive measures such as maintaining a normal gut microbiota ratio. Aim: to study the characteristics of normal intestinal microorganisms in relation to diabetes and diet. Materials and Methods: In this cross-sectional study, a total of 224 people aged between 32 and 65 were surveyed. Frequency of food groups was studied using 24-hour dietary recall diary and stool samples were taken to determine microflora using next generation sequencer, (MiSeq, Illumina). Results: Of total participants, 57.6% and 42.4% were with and without diabetes respectively. It was found that there is a positive correlation between grain consumption and Bacteroidetes (r=0.100, p<0.001). There is a statistically significant low number of firmicutes and high number of Bacteroidetes in diabetic patients compared to that of non-diabetic patients. Conclusion: Higher consumption of grains might be the causes of increases in bacteroidetes and alteration of gut microbiota in Mongolians. The changes of gut microbiota in diabetic people suggesting a role of its patogeneis.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/516
Эшлэл
П.Чанцалдулам, Х.Чаминчимэг, Л.Цогтбаатар, Б.Оюунтөгс, Ч.Баттогтох, С.Сайнбилэг нар. Чихрийн шижин, хооллолтоос хамаарсан гэдэсний хэвийн бичил биетний онцлогийг судалсан нь. Эрүүл мэндийн шинжлэх ухаан. 2021;17(8):195-197.