Loading...
Зүрхний цочмог шигдээсийн үед титмийн бичил цусны эргэлт ба хиймэл оюунд суурилсан программ хангамжийн ач холбогдол
Зохиогч
Он
2025 оны тавдугаар сарын 5
Төрөл
journal article
Journal
Эрүүл мэндийн шинжлэх ухаан
Volume
21
Issue
4
Start Page
231
End Page
237
ISSN
2959-6947
Хураангуй
Оршил: Зүрх судасны өвчин (ЗСӨ) нь Монгол улсын өвчлөлийн гуравдугаарт, нас баралтын тэргүүлэх шалтгаан болж байна. Ялангуяа зүрхний титэм судасны эмгэг (ТСЭ)-ийн хүндрэл болох зүрхний цочмог шигдээс (ЗЦШ) нь зүрх судасны шалтгаант нас баралтын тэргүүлэх шалтгаануудын нэг хэвээр байна. ЗЦШ тохиолдсон өвчтөнүүдэд титэм судсан дотуурх оношилгоо (ТСДО)-оор авагдсан ангиографийн дүрсэн дээр нүдэнд харагдах эпикардиал судасны урсгалаас гадна нүдэнд харагдахгүй титмийн бичил цусны эргэлт (БЦЭ)-ийн алдагдал өвчний эмгэг жамд чухал ач холбогдолтой. Сүүлийн жилүүдэд зүрх судасны дүрслэл оношилгооны чиглэлд хиймэл оюунд суурилсан дүрс боловсруулах программ хангамжууд нэвтэрснээр ТСДО-оор авагдсан ангиографийн зургуудыг хиймэл оюун ухаанд суурилсан программ хангамж ашиглан боловсруулах замаар титмийн цусны урсгалыг хэмжих технологиуд бий болсон. Хиймэл оюунд суурилсан программ хангамж нь энгийн нүдэнд харагдах эпикардиал судасны цусны урсгалд үнэлгээ өгөх төдийгүй энгийн нүдэнд харагдахгүй титмийн БЦЭ-Д үнэлгээ өгөх боломжтойг сүүлийн үеийн судалгаанууд харуулаад байна. Зорилго: Тойм өгүүллийн хүрээнд ЗЦШ-ийн үед тохиолдох титмийн БЦЭ-ийн алдагдлын эмгэг жамын холбоо хамаарал, түүнийг оношлох арга зүй, хиймэл оюунд суурилсан технологийн хэрэглээ, эмнэлзүйн ач холбогдол зэрэг асуудлыг авч үзэхийг зорьлоо. Таамаглал: 1. ЗЦШийн үед титмийн БЦЭ-ийн байдлыг хиймэл оюунд суурилсан программ хангамжийн тусламжтай нарийвчлал сайтай тодорхойлох боломжтой. 2. ЗЦШ-ийн үеийн титмийн БЦЭ-ийн алдагдал нь зүрхний бүтэц, үйл ажиллагааны өөрчлөлттэй хамааралтай. 3. ЗЦШ-ийн үед титмийн БЦЭийн алдагдал нь өвчний эдгэрэл болон тавилантай холбоо хамааралтай. Арга зүй: Дээр дурьдсан таамаглалуудын дагуу нийтийн хүртээл болсон эмнэлзүй, био-анагаахын сүүлийн үеийн судалгаануудад дурьдсан баримт нотолгоог эмхэтгэн, логик дараалалтайгаар нэгтгэн дүгнэх арга барилаар тус тойм өгүүллийг бичсэн. Дүгнэлт: ТСДО, эмчилгээний үед авагдсан ангиографийн дүрсийг хиймэл оюунд суурилсан дүрс боловсруулалтын технологи ашиглан боловсруулж тооцоолол хийх боломжтой программ хангамж сүүлийн жилүүдэд бий болсон нь ЗЦШ-ийн үед титмийн БЦЭ-ийн алдагдлыг эрт илрүүлэх, оношилгоог боловсронгуй болгох, өвчтөний эрт болон хожуу үеийн эрсдлийн үнэлгээг сайжруулахад чухал ач холбогдолтой юм.
Background: Cardiovascular diseases (CVDs) is a third leading cause of non-communicable diseases and a leading cause of mortality in Mongolia. Among these, acute myocardial infarction (AMI), a complication of coronary artery disease (CAD), is a leading cause of cardiovascular mortality. In patients with AMI, both epicardial artery blood flow, observed through coronary angiography, and coronary microcirculatory dysfunction (CMD) play critical roles in the disease’s pathophysiology. Recent advancements have introduced artificial intelligence (AI)-based softwares which are capable of analyzing coronary blood flow from coronary angiography images. The AI based softwares can assess not only epicardial blood flow but also CMD in recent studies. In this review, we discussed the role of CMD in pathophysiology of AMI, diagnostic approaches, the application of AI-based technologies, their clinical significance, and future directions. Aim: This review aims to explore the pathophysiological relationship of coronary microcirculatory dysfunction (CMD) in the context of acute myocardial infarction (AMI), diagnostic methodologies, the application of artificial intelligence (AI)-based technologies, and their clinical significance. Hypotheses: 1. AI-based software allows for highly accurate assessment of coronary microcirculation during AMI. 2. CMD during AMI is associated with structural and functional changes in the heart. 3. CMD during AMI is related to disease prognosis and patient outcomes. Methodology: This narrative review was compiled using a systematic and logical approach, based on publicly available recent clinical and biomedical research literature addressing the above hypotheses. Conclusion: In recent years, AI-based image processing software has been developed to analyze angiographic images obtained during percutaneous coronary intervention (PCI) and treatment procedures. These tools show significant promise for early detection and improved diagnosis of CMD during AMI, as well as for better assessment of shortand long-term patient risk.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1247
Эшлэл
Ц.Батзаяа, Ч.Сүрэнжав, Х.Батмягмар, Д.Нарантуяа, З.Лхагвасүрэн, Ө.Цолмон. Зүрхний цочмог шигдээсийн үед титмийн бичил цусны эргэлт ба хиймэл оюунд суурилсан программ хангамжийн ач холбогдол. Эрүүл мэндийн шинжлэх ухаан. 2025;21(4):231-237.