Loading...
Эмэгтэйчүүдийн шээс задгайрах эмгэгийг цахилгаан зүү эмчилгээгээр эмчилсэн дүн
Зохиогч
Он
2023 оны тавдугаар сарын 18
Төрөл
journal article
Journal
Эрүүл мэндийн шинжлэх ухаан
Volume
19
Issue
3
Start Page
211
End Page
214
ISSN
2959-6947
Хураангуй
Үндэслэл: Шээс задгайрах эмгэг (ШЗЭ) нь ойр, ойрхон шээх болон ханиаж, найтаах, хүнд юм өргөх үед шээсээ барьж чадахгүй байх эмгэг юм. ШЗЭ-тэй хүмүүс бусдаас санаа зовох, ичих, өөрийгөө нийгмээс тусгаарлах хандлагатай байдгаас гадна сэтгэл санааны хямралд ордог. Манай орны хувьд шээс задгайрах эмгэгийн үед цахилгаан зүү эмчилгээг хэрэглэдэг боловч тус эмчилгээний үр дүнг тооцсон судалгааны ажил хийгдэж байгаагүй нь бид энэхүү судалгааг хийх үндэслэл боллоо. Зорилго: Цахилгаан зүү эмчилгээ нь шээс задгайрах эмгэгийн үед илрэх эмнэлзүйн шинжүүдэд үзүүлэх нөлөөг үнэлэх Арга, аргачлал: Судалгааг эмнэлзүйн туршилт судалгааны загвараар, дан нууцлалтай, санамсаргүй түүврийн аргаар эмчилгээний (n=30) болон хяналтын (n=30) бүлэгт хуваан хийж гүйцэтгэв. Судалгаанд шээс задгайрах эмгэгтэй 60 эмэгтэйг хамруулсан бөгөөд үр дүнг 2 бүлэгт эмчилгээний өмнө болон дараа “Нэг цагийн хугацаанд живх норгох сорил” (1 hour pad test), “Хоногийн шээсний бүртгэл” (Urinary diary), “Шээс задгайрах эмгэгтэй хүмүүсийн амьдралын чанарыг үнэлэх асуумжаар” (I-QOL) үнэлж тооцов. Бид АШУҮИС-ийн Судалгааны ёс зүйн хяналтын хорооны судалгааны ёс зүйн зөвшөөрөл авсан болно. (Протоколын дугаар 2022/3-01) Үр дүн: Нэг цагийн хугацаанд живх норгох сорилын арга ашиглаж шээс алдалтыг хэмжихэд эмчилгээний бүлгийн дундаж шээс алдалтын хэмжээ 12.7 граммаас 1 гр, хяналтын бүлгийн дундаж шээс алдалтын хэмжээ 11 граммаас 7.4 гр болж буурсан нь статистик ач холбогдол бүхий ялгаатай байна. Хоногийн шээсний бүртгэлийн арга ашиглаж хоногт шээс алдах давтамжийн тоог бүртгэхэд эмчилгээний бүлэгт 6 удаагаас 1 удаа, хяналтын бүлэгт 6 удаагаас 4 удаа болж буурсан байна. Амьдралын чанарыг үнэлэх асуумжийн арга ашиглаж амьдралын чанарыг үнэлэхэд эмчилгээний бүлэг 52.26%-иас 91.9%, хяналтын бүлэг 52.03%-иас 74.4% болж өссөн үзүүлэлттэй байгаа нь тодорхойлогдлоо. Дүгнэлт: Шээс задгайрах эмгэгтэй эмэгтэйчүүдэд цахилгаан зүү эмчилгээ хийхэд эмчилгээний болон хяналтын бүлэгт шээс алдалтын хэмжээ, хоногийн шээс алдалтын тоо буурсан, шээс заадгайрах эмгэгийн үеийн амьдралын чанар сайжирсан үзүүлэлттэй байна. Хяналтын бүлгийн цахилгаан зүү эмчилгээтэй харьцуулахад эмчилгээний бүлгийн цахилгаан зүү эмчилгээ илүү өндөр үр дүнтэй болох нь тодорхойлогдлоо.
Background: Urinary incontinence (UI) is defined as peeing frequently and cannot hold urine when coughing, sneezing, and lifting heavy things. People who are suffering from this disease, worry about what others think and feel ashamed, therefore they isolate themselves from society and goes into mental crisis. In urinary incontinence, there are many aspects of treatment plans using acupuncture, so we conducted the research on electric acupuncture treatment on women’s urinary incontinence. Materials and Methods: The study was conducted as a clinical trial research design, with single confidentiality, randomly divided into treatment (n=30) and control (n=30) groups. 60 women with urinary incontinence were included in the study, and the results were divided into 2 groups: before and after treatment. “1 hour pad test”, “Urinary diary”, It was evaluated by the “Quality of Life Questionnaire for People with Urinary Incontinence Disorders” (I-QOL) . Ethical approval was obtained by the research ethics control committee. (Protocol number 2022/3-01) Results: When measuring urine output using the diaper wetting test method, the average urine output in the treatment group decreased from 12.7 g to 1 g, and the average urine output in the control group decreased from 11 g to 7.4 g, which is a statistically significant difference. Using the daily urine recording method, the frequency of urination per day decreased from 6 times to 1 time in the treatment group and from 6 times to 4 times in the control group. When evaluating the quality of life using the questionnaire method, the treatment group increased from 52.26% to 91.9%, and the control group increased from 52.03% to 74.4%. Conclusion: Electric acupuncture treatment for women with urinary incontinence in the treatment and control groups showed a decrease in the amount of urination, the number of urinations per day, and an improvement in the quality of life during urinary incontinence. Compared with electric acupuncture in the control group, electric acupuncture in the treatment group was more effective.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/870
Эшлэл
О.Халиунаа, Б.Лагшмаа, Л.Ундрам. Эмэгтэйчүүдийн шээс задгайрах эмгэгийг цахилгаан зүү эмчилгээгээр эмчилсэн дүн. Эрүүл мэндийн шинжлэх ухаан. 2023;19(3):211-214.