Loading...
Элэг шилжүүлэн суулгалтын үр дүн ба эмнэлзүйн байдлыг судалсан дүн
Зохиогч
Он
2026 оны есдүгээр сарын 15
Төрөл
journal article
Journal
Эрүүл мэндийн шинжлэх ухаан
Volume
22
Issue
6
Start Page
194
End Page
199
ISSN
2959-6947
Хураангуй
Үндэслэл: Элэг шилжүүлэн суулгах мэс засал нь дэлхий нийтэд хавдрын болон хавдрын бус шалтгаант элэгний олон эмгэгийн үед одоогоор хийгдэж байгаа үр дүнтэй эмчилгээний нэг арга болсныг судлаачид онцлон тэмдэглэсэн байна. Монголчуудын дунд элэгний вирусийн дан болон хавсарсан халдвар өндөр байдаг нь элэгний хатуурал, элэгний анхдагч өмөн үүсэх тэргүүлэх шалтгаан болдог элэг шилжүүлэн суулгалтын үр дүн, эмнэлзүйн байдлыг судалсан дүн хомс байна. Одоогоор элэг шилжүүлэн суулгах үеийн эмнэлзүйн онцлог, шалтгаан, мэс заслын үеийн болон элэг шилжүүлэн суулгасны дараах үр дүнгийн талаарх тоон мэдээлэл хязгаарлагдмал байгаа нь энэхүү судалгааг хийх үндэслэл боллоо. Зорилго: Элэг шилжүүлэн суулгалтын шалтгаан, эмнэлзүйн байдлыг үнэлж амьдрах чадварыг тодорхойлох. Арга, аргачлал: Нэг төвт, ретроспектив энэхүү когорт судалгаанд Хавдар судлалын үндэсний төвд 2018 оны 1 дүгээр сараас 2026 оны 2 дугаар сар хүртэлх хугацаанд элэг шилжүүлэн суулгах мэс засалд орсон нийт 238 тохиолдлыг хамруулав. Элэг шилжүүлэн суулгасан тохиолдлуудыг хавдрын ба хавдрын бус гэсэн хоёр бүлэгт ангилан, хүн ам зүй болон эмнэлзүйн үзүүлэлтүүдийг харьцуулж, амьдрах чадварыг Каплан–Майерийн аргаар тооцож, ялгааг лог-ранкийн тестээр үнэлсэн ба р-утга <0.05 тохиолдлыг статистик ач холбогдол бүхий ялгаатай гэж үзсэн. Үр дүн: Элэг шилжүүлэн суулгасан өвчтөнүүдийн дундаж нас 49.0±8.4 жил байв. Харьцангуй ахимаг насны эрэгтэйчүүд элэгний анхдагч өмөнгийн улмаас элэг шилжүүлэн суулгуулсан бол, хавдрын бус шалтгаанаар элэг шилжүүлэн суулгасан тохиолдол идэр насны эмэгтэйчүүдэд давамгайлж байв (р=0.0001). Биеийн жингийн индексийн хувьд бүлэг хооронд ялгаа ажиглагдаагүй (р>0.05). MELD болон CPT зэрэг элэгний эмгэгийн тавилангийн үзүүлэлт хоёр бүлэгт статистик ач холбогдол бүхий ялгаатай байлаа. Харин элэг шилжүүлснээс 1-, 3-, 5жилийн дараах хугацаанд амьд байх магадлал хоёр бүлгийн хооронд статистикийн ач холбогдол бүхий ялгаа илрээгүй (p=0.974). Дүгнэлт: Элэгний хавдар болон хавдрын бус шалтгаанаар элэг шилжүүлэн суулгуулсан өвчтөнүүдийн нас, хүйс, элэгний дутагдлын зэргийг илэрхийлэх MELD, CPT оноонууд бүлэг хооронд статистик ач холбогдол бүхий ялгаатай ч, элэг шилжүүлэн суулгасны дараах 1, 3, 5 жилд амьд үлдэх магадлалд статистикийн ач холбогдол бүхий ялгаа илрээгүй.
Background: Liver transplantation has become an effective treatment option worldwide for a wide range of malignant and non-malignant liver diseases. In Mongolia, the high prevalence of single and co-infections with viral hepatitis is a major contributing factor to the development of liver cirrhosis and primary liver cancer. However, data on the indications, clinical characteristics, and outcomes of liver transplantation in the Mongolian population remain limited. Aim: To evaluate the indications and clinical characteristics of patients undergoing liver transplantation and to determine their survival outcomes. Materials and Methods: This single-center, retrospective cohort study included 238 patients who underwent liver transplantation at the National Cancer Center of Mongolia between 2018 and feb 2026. Patients were categorized into two groups according to the indication for transplantation: malignant and non-malignant liver diseases. Demographic and clinical characteristics were compared between the groups. Overall survival was estimated using the Kaplan–Meier method, and differences in survival were assessed using the log-rank test. A p-value <0.05 was considered statistically significant. Results: The mean age of the liver transplant recipients was 49.0 ± 8.4 years. Relatively older male patients were more likely to undergo liver transplantation for malignant liver diseases, whereas younger female patients predominated among those transplanted for non-malignant conditions (p=0.0001). No statistically significant difference in body mass index was observed between the groups (p>0.05). MELD and Child–Pugh (CPT) scores, reflecting the severity and prognosis of liver disease, differed significantly between the two groups. However, no statistically significant difference in survival was observed between the groups at 1-, 3-, or 5years after liver transplantation (p=0.974). Conclusion: Although age, sex, and liver disease severity as assessed by MELD and Child–Pugh scores differed significantly between patients undergoing liver transplantation for malignant and non-malignant indications, no statistically significant difference was observed in survival at 1-, 3-, or 5years following liver transplantation.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1770
Эшлэл
Р.Мөнхбат, М.Мөнхцэцэг, М.Аллаберген, А.Батдэлгэр, Б.Баярцогт, А.Отгонгэрэл нар. Элэг шилжүүлэн суулгалтын үр дүн ба эмнэлзүйн байдлыг судалсан дүн. Эрүүл мэндийн шинжлэх ухаан. 2026;22(6):194-199.